ايهم : اهبطي
هبطت تالين لقات روحها قدام واحد la ferme ( مزرعة )
تالين : بزااف شابة
ايهم : عجباتك
تالين : بزااف .... يا كاين هنا des chevaux حابة نركب فوق الحصان
ايهم : و تعرفي
تالين : جامي سييتها بصح راني حابة نسييها
ايهم : ارواحي معايا
دار بيها كامل la ferme وهي فوق الحصان ؛ منبعد هبطت ؛ داها لكل بلاصة عجبتها بزاف محسوش بالوقت كيفاش جاز حتى لحقت العشية
ايهم : تعرفي طيبي
تالين : يعني شوية شوية تعلمت شوية كي كنت نخدم
ايهم : ارواحي
دخلو للكوزينة لقاو الخضرة و الفاكهة و كلش محطوط فوق الطابلة
تالين : شكون وجد هاذو كامل ..... سمحلي نسيت مخدم des robots عندك
ايهم : حبيت كاش فخطرة فحياتك تسقسي نورمال
تالين : 😒😒😒
ايهم : اهيه تعرفي طيبي الحوت بارسكو كاين الحوت هنا
تالين : ههه قتلك تعلمت نطيب شوية مرانيش chef ديتني ديراكت للحوت احشم شوية
ايهم : نتي تقعدي هكذا واحد ميقبل يديك
تالين : متقلقش روحك راني
دايرة حسابي
ايهم : وشمن حساب
تالين : اذا مداني حتى واحد كاين نتا وعلاش نقلق روحي
ايهم : هاي الناس لي تعرف تعيش
تالين : هههه .... ايه عندي عفسة شابة دوك نتا طيب الحوت و انا ندير voilà.... une salade
ايهم : انا عندي عفسة خير روحي غسلي يديك و ارواحي
تالين : افف
راحو غسلو يديهم
تالين : باش نجيك مالاخر انا منمسش الحوت ياك منحملش
ايهم : تفشاش هذا نحيه
مكانتش حابة ديرو و فالاخر هي طيبتو ههه المهم وجدت الطابلة و حطت الماكلة و قعدو باش ياكلو
تالين : ايه قولي اذا نعرف نطيب يعني صح ميبانش يشهي visuellement بصح الصح فالبنة
ايهم : ايه خلينا نشوفو
حط لقمة في فمه منبعد غمض عينيه و بلعها بسيف شرب الماء ديراكت موراها
ايهم : عندك الحق الصح فالبنة
عوجت فمها و رفدت كلات راحت تجري لل la poubelle رماتو ( حشاكم )
تالين : اواه هذا الحوت لي جبته فيه ريحة
ايهم : الله يهديك البروبلام فيك ماشي فالحوت ؛ كاين épice كثرته منه بزاف و الملح منهدروش عليه خلاصت علينا ناكلو غير ف la salade
تالين : راك تشوف فيا فكرون
ايهم : نسيت انا لي درت الحوت
رفد la salade و قعد ياكل و هي مدورة راسها مشنفة
ايهم : مفهمتش وعلاش راكي مشنفة ياك نتي فسدتي الماكلة
طلعتلو كتافها و هبطتهم و قعدت مدورة راسها
ناض مطابلة و لبس لافاست تاعو
ايهم : هيا رانا خارجين
رفدت ساكها و خرجو منبعد حبس طونوبيل و هبط شرالها العشاء و جابهولها
ايهم : هاكي
تالين : صحا 😊😊 .... و نتا متاكلش
ايهم : لالا شبعت و بزااف
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
