تالين ( تعوج فهدرتها ) : اوه مي مراكش تشوف قدامك لاروب هذي يماها راحت للAmérique باش مصممة معروفة بزاف بزاف ديرها لصوفيا spécial لصوفيا
صوفيا بدات تعيط منبعد راحت تغسل ؛ تالين قاعدة تضحك من تحت لتحت حتى حست بيد جبدتها تكركر فيها
تالين : نحي يدك ... ايهم
خرجها لبرا
تالين : وا...
حبسها كي شدها من شعرها
ايهم : **** شحال من خطرة قتلك مدخليش روحك شحال ... منبعد تقولي بلي حاسب روحي كي منحبش نجيبك
تالين : اطلقني ... واش درتلك
ايهم : قولي واش مدرتيش ... متنسايش روحك واش تكوني كيفاش ديري هكذا لصوفيا
تالين : صوفيا لي واش تكون باش تهدر معايا هكذا
ايهم : وعلاش غلطت
تالين : مديرش روحك هذاك الراجل لي ميحبش على حبيبتو و .....
محست غير برجليها فوق الارض طلعها بيد وحدة
ايهم : بلعي *** مرباوكش والديك نتيا ؛ نقولك حاجة انا نربيك
رماها فالارض و كركرها دخلها للداخل شافتهم صوفيا راحت تجري
صوفيا : ايهم هذه الطفلة هي لي طيحت السارفور عليا هذاوين قالي ؛ ماشي مربية علبالك وحدة **** كيما نتي جي تلعب معايا لوكان نحب نمحيك ...
ايهم : صوفيا خلاص ؛ نتيا طلبي سماح منها
تالين : سمحيلي بصح ماشي باسكو رميت عليك الجو باسكو .... ( رفدت تبسي تاع باتيسري و حطتهولها في وجها ) .... رميت عليك الجو وحدو ؛ و نتا ( رفعت صبعها عليه ) مزال منولدش لي يخليني نطلب سماح من غيري ؛ واش قتلي مقبيل مرباونيش والديا نقولك رباوني مليح بصح انا نكون مربية مع لي يستحق و ناس لي كيما نتوما ملازمش تكون عاقل و مربي معاهم و قبل متزيد تهدر على تربية كي نتا كي المصفارة تاعك نقولك عاود تربية لروحك وهذا ( رمات عليه كاس تاع ماء ) باش تفطن و تعرف كيفاش تهدر
خرجت من تما ؛ غير لحقت برا طرطقت بالبكاء قعدت تتعاود " مرباوكش والديك " في راسها
عند ايهم رجع يغلي جامي واحد دارلو هكذا ركب طونوبيلتو و هو يتحلف فيها
ايهم : اذا مندمتكش منتسماش ايهم ¤¤¤¤
تالين لحقت لدارهم راحت طبطبت عند جارتهم يعرفوها من بكري ناس ملاح خلات عندها مفاتح تاع دار جابت المفاتح و دخلت لدارهم توحشتها بزاف راحت لشمبرة يماها و رقدت
فطنت تالين صباح على صوت الباب ؛ راحت تفتح لقاتهم زوج رجال لابسين كحل خافت منهم و من شكل تاعهم
الراجل : ارواحي معانا
تالين : منعرفكمش و علاش نجي
راحت تغلق الباب شدها الراجل بيده
الراجل : يا اما جي بارادتك ولا نستخدمه طرق مراحش تعجبك
تالين : نروح نبدل و نجي
راحت تالين للشمبرة جبدت تيليفونها باش تعيط لابوليس حتى نحاهولها الراجل رفدها في ظهرو وهي تعيط غلقوا الباب و خرجو
بعد مدة :
خرجو تالين من طونوبيل و دخلوها واحد شمبرة مظلمة و غلقوا عليها و الوقت هذا كامل و هي تعيط
تالين : افتحولي نخاف مالظلمة 😭😭😭
حتى سمعت الباب تفتح و دخل واحد مقدرتش تشوفو بصح قدرت تعرفو من ريحتو ايهم
تالين : اييهم
ايهم : هاكي عرفتيني
تالين : وعلاش جبتني هنا
ايهم : في بالك راح ننسى واش درتي لبارح
تالين : اخر همي اذا راح تنسى ولا لالا
شدها من راسها و قربها عندو
ايهم : راكي تلعبي بنار مالاول قتلك متلعبيش معايا بصح نتي متفهميش
تالين : انا مغلطت فوالو و مرانيش نادمة على لي درتو كيفاش تقولي نطلب سماح من هذيك لوكان مخلطتش فيا انا منخلطش فيها
ايهم : يعني هي الغالطة
تالين : باينة هذه ؛ هي لي تطلب سماح ماشي انا
ايهم : بصح انا حبيتك نتي تطلبي سماح
تالين : ماشي كيما تحب نتا
ايهم : لي نحبها تصرا
تالين : امم على هذيك طلبت سماح من صوفيا لبارح
ايهم : تحبي ناكدلك
تالين : اممم
قرب منها كثر حتى 💏 💏💏 💏
........
جبد ايهم روحو و تالين قعدت مغمضة عينيها
ايهم : عجباتك
تالين فاقت خبطتو لكتفو
ايهم : خلينا نشوفو شحال راح تحتمي تقعدي هنا
هذا هو البارت نتمنى يكون عجبكم خليولي ارائكم فالبارت و توقعاتك فالاحداث الجاية و الى الملتقى انشاءالله 💜
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
