كان خارج يحوس عليها حتى لقاوها داخلة راحت هالة عنقتها و تسقسي عليها هي كانت تبان عيانة حتى بدا يعيط عليها ايهم
هالة : ايهم خلي ختك تدخل منبعد ساهل
دخلت جمانة للصالون و قعدت
ايهم ( ببرود عكس الداخل ) : ايه يا لالة وين كنتي
جمانة : ااا ... تلاقيت بصاحبتي عندي شحال مشفتاش و نسينا على روحنا بالهدرة معرفتش كيفاش حتى لحق الليل سمحلي
ايهم : هاذ الخطرة راح نسكت برك بارسكو داير فيك كونفيونس بصح المرة الجاية ...
جمانة : مراحش تكون مرة جاية ؛ مراحش تتعاود و سمحلي مرة واحد اخرى
راح ايهم سلملها على راسها و طلع
في الليل كامل :
طبطب 🚪🚪🚪
جمانة : شكوون
تالين : تالين ؛ نقدر ندخل
جمانة : اهه بيانسور
دخلت تالين و قعدت قدامها
تالين : شحال خفت مقبيل عمبالك هذاك الوحش قريب مقتلني
جمانة : هه بعدا
تالين : انا قلت سور كي تلحقي كاش ميديرلك بصح تشوكيت كي تمتم رجع يهدر بلعقل و سلملك على راسك تقول كامل ماشي ايهم
جمانة : ديتي نظرة ماشي مليحة عليه برك ؛ صح هو واعر و صعيب بصح مع لي قراب ليه صدقيني بلي حنين ؛ منهار مات بابا وقتها كان عندي واحد ست سنين كان لينا هو الاب و هو الاخ مالغري كان صغير كان يقرا و يخدم برك باش يخلينا مرتاحين و منستحقو حاجة
تالين : امم .... ايه كيفاش راهي صحبتك
جمانة : اهه ... راهي مليحة يعني عندنا شحال متلقيناش محسيناش بالوقت حتى كيفاش جاز
تالين : ايا bien
جمانة : ايه و نتي وصلك ادم
تالين : اممم
جمانة : وشبيك
تالين : عرض عليا زواج
جمانة : وشنوو
قفزت جمانة من بلاصتها
تالين : واشبيك
جمانة : كيفاش هاذي حاب يتزوجك .... قصدي مكان والو بيناتكم كنت نحسبو بلي يعتابرك ami برك
تالين : مام انا تشوكيت كي جا و قالي نحبك و حاب نتزوجك
جمانة : يحبك !!! و نتي راكي قابلة
تالين : معلباليش مرانيش نخمم كامل فزواج مزالني صغيرة
جمانة : امم تالين انا حابة نرقد
تالين : تحاوزي فيا
جمانة : والله والو جوست راني عيانة شوية
تالين : هه علبالي ايا تصبحي بخير
غير خرجت تالين عيطت جمانة لادم صونا صونا والو رجعت عاودت ريبوندا عليها
ادم : واش تسحقي
جمانة : واش نسحق ؛ نسحق تفهمني واش راك دير كيفاش حاب تتزوج لتالين
ادم : ايه اذا عيطتي باش نكورفيلميلك نقولك ايه
جمانة : وانا
ادم : نتي ربي يسهل عليك
جمانة : بعدما دمرتني دوك حاب دمر تالين
ادم : نتي نزوة برك بصح تالين اذا كتب ربي راح نكمل حياتي معاها و اذا كنتي تحبي اختك كيما تقوليلها و يالوكان غير شوية خليها تعيش حياتها مع لي تستاهلو
جمانة : معليش انا نزوة ؛ مراحش نوقفلكم في وجهكم بصح وكلت ربي عليك
كوبات و طاحت فالارض تبكي
هكذا جاز الليل و كل واحد كيفاش لي حزين و لي يبكي و لي يخمم
هذا هو البارت علبالي قصير بصح بلاك نزيدلكم منبعد بارت اذا لقيت تفاعل ؛ البارت الجاي راح يكون فيه احداث جديدة و راح يظهرو شخصيات جديدة في الاجزاء الجاية و الى الملتقى انشاءالله 💚
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
