الحب و المافيا _ باللهجة الجزائرية _

بارت 7

رزان : وشنو رزان علبالك نتي اكبر بهلولة في العالم دوكا ايهم لي شباب و بوقوص و حطة و رجلة و وهرة و الله يبارك عليه انسان ناجح و خدمته و اسمه على كل لسان ماشي مليح و متكبر وحاسب روحو يا ختي عندو الحق يتكبر و يزيد و هذا الجايح البهلول تاع رائد fils a maman مزال يماه تخيرلو واش يلبس و مزالها تمشطلو شعرو
تالين : حبسي متزيدي عليها
رزان : متقاطعنيش ... ايه رائد لي الله لا ترده جاية تحامي عليه وانا لليوم مزال مفهمت واش عجبك فيه
تالين : كملتي هدرتك تخليني نهدر دوكا
رزان : اهدري
تالين : مكانش حاجة اسمها انا و رائد
رزان : كيفاش
تالين : كل واحد شد طريق دوكا هو راح يتزوج بالطفلة لي خيرتهالو يماه و انا راح نكمل عادي
رزان : اا وعلاش مقلتيليش مالاول
تالين : وعلاش نتي خليتيني نهدر
رزان : تالين راكي زعفانة دوكا
تالين : لالا
رزان : نعرف انا فالمسلسلات و الحكايات كي البطلة يخليها البطل تبدا تبكي و تحبس روحها فالشمبرة و متخرجش و متاكلش ...
تالين : لا انا البطلة ولا رائد البطل ولا انا لي نبكي عليه و مناكلش على جالو صح فالاول زعفت و غاضتني بصح الدنيا متحبش عندو الشخص لي يستحق ندير عليه هاذ السيناريو هو ماما ربي يرحمها بارسكو هي راحت و مراحش ترجع بصح هو يروح و يجيو مية منو ؛ بصح تاع نحبس روحي فالشمبرة كاين جزء منها صحيح
رزان : هه مفهمتكش بصح لي فهمتو بلي نتي في هذه الفترة مقدرتيش تحبي رائد بلاك والفتيه برك مي محبيتيهش
تالين : امم خليك ؛ احكيلي واش درتي كي رحتي عند عمتك
....................

كملت تالين هدرت مع رزان و جاز نهارها عادي و في الليل هبطت للجنان قعدت قدام لابيسين غايسة حتى حست عبد قعد قدامها

تالين : هذا نتا
ايهم : كنتي تستناي فواحد اخر
تالين : لالا بارسكو وين منروح تخرج قدامي
ايهم : بلاك كي راكي فداري
تالين : ههه ضحكتني 😒 ... نسقسيك
ايهم : ( ساكت )
تالين : مراحش تريبوندي بصح نسقسي ... و علاش عامل هكذا يعني معلباليش منحسش عندك حاجة سبيسيال فحياتك ايه فهمنا عندك دراهم و منا بصح عيش شوية حياتك نهار كامل و نتا زابط و جهك و تتكبر على الغاشي
ايهم : شحال عندك و نتي هنا
تالين : ايه علبالي منعرفكش مليح بصح في هذ اليامات لي قعدتهم هنا قدرت نعرف شخصيتك

ايهم دنا عندها حتى رجع بيناتهم 1cm 😂 رفد خصلة من شعرها و قعد يلعب بيها

ايهم : اذا ختي لي تعرفني من 20 سنة متعرفنيش مليح كيفاش لي تعرفني من يمات ولات تعرفني مليح ؛ نقولك حاجة منحبش بزاف لي يهدرو و يسقسو مزالك بزاف صغيرة و la preuve  ( حط يدو على قلبها ) هذا راهو يخبط وحدو بلا ما تقدري تتحكمي فيه

ناض ايهم من عندها خلاها حمرة حطت يدها على قلبها 
تالين : واش راه يصرالي