الحب و المافيا _ باللهجة الجزائرية _

بارت 30 ♡ نهاية الجزء الاول ♡

خرجت تالين و جمانة شراو جمانة العفسة لي تلقاها تشري منها زوج ليها و لتالين و مخلاتها تخلص والو مالغري تالين محبتش بصح جمانة سيفت عليها

قاعدين فالشمبرة يوجدو فروحهم تالين و جمانة خرجة يهبلو ؛ تالين لبست روب طويلة روز كلار و دارت شعرها ondulé و شوية مكياج ؛ دخلت عليهم هالة

هالة : اوهوه على بناتي شبات كيفاش خرجو ..... هيا نروحو هذاك هو

خرجو البنات مع هالة وصلهم الشوفور غير دخلو لقاو ايهم و جيداء واقفين مع واحد الرجال و مراة معاهم ؛ شافتهم تالين دورت عينيها جا ايهم سلم على يماه كي شافها و تالين راحت سلمت على اياد كي شافته
ايهم : يما ارواحي نوريلك حاجة

داها عند وحدة كانت واقفة مع راجلها

هالة : سوسن .... هذه غيبة

راحت هالة عنقتها و سلمت عليها

هالة : هذه غيبة سوسن شحال هذه متلاقيناش عندها كثر من ربع سنين
سوسن : الله لا تغيبك مزية لي تلاقيت مع وليدك
هالة : ههه مزية
سوسن : باين عليه يحبك بزاف 
جيداء : تحبها 😁
ايهم : كثر من هاكا
وسلم على راس يماه
نجيب ( راجل سوسن ) : ههه هو لي سيف عليا باش نجيبها
جيداء : من وقتاش و نتا مخبي على خالتو بلي صاحبتها رجعت لهنا
ايهم : معندهاش بزاف ديجا نتي مكان مدخلك
جيداء : امم هكذا شفتي ياخالتو كيفاش يخبي عليك و يزيد يقولي مدخليش روحك

تالين شافت رستم و جماعة معاه بعدت محبتش تتلاقاه ولا تحكي معاهم قاعدة تحوس بعينيها على les sanitaires حتى سمعت واحد قدامها

***** : excuse me do you need help
تالين : No thanks ... In fact, yes, I wanted to wash my face, but I could not find .....
***** : No problem, you will find it on the other side

ورالها بيدو وين جاية

تالين : thank you
***** : you welcome

راحت تالين les sanitaires  رمات شوية ماء على وجهها

تالين : مصفارة كيفاش تتلوا وحدها لوكان دير واش دير متتسقمش حاسبة روحها و هو تاني ملي جا و هو حاكمها بن عمي مراحش تهربلك انا ممبا مخزرش فيا ماشي بيزار بلاك مكانش حاب نجي ... بففف خلاص تالين متتقلقيش

رفدت بوشات تاعها و جات خارجة لقاته قدامها

تالين : بسم الله الرحمان الرحيم
ايهم : خير وليت نخوف
تالين : دنالي نجوز

دنات باش جوز

ايهم : راكي قادرة جوزي بلا ما ندنا
تالين : 😒😒😒
ايهم : واش كنتي تهدري مع سام
تالين : شكون هذا ..... ااا هذاك سقسيتو برك
ايهم : واش عندك باش تسقسيه
تالين : و نتا واش دخلك

جبدلها وجهها بيدو

ايهم : واش دخلني ..... علبالي ماشي جديدة عليك بصح انا منسحقكش تلحقيلي لي يخدمو معايا
تالين : واش راك تقول هبلت واقيل
ايهم ( بدا يعيط ) : راني نكذب بديتيها مع هذاك لي تلاقيتي بيه نهار جيتي منبعد سوطيتي لل **** تاع ادم و مالغري كامل واش دار فيك متربيتيش زدتي موراها مع اسامة و هذاك امين دوكا مع سام ماشي قلتي نحبك و منعرف وش خرطتي تاني نقولك حاجة نتي وحدة كذابة برك ولا حسبتيني كيما ال **** لي موالفا معاهم

جبدت روحها و دموع لي قاعدين يطيحو وحدهم وهي تسيي تمسحهم

تالين : فالاخر هذا واش خرج معاك ؛ مكانش عمبالي بلي تشوفني هكذا نهار على نهار تزيد تاكدلي بلي تكرهني مفهمتش واش درتلك باش تكرههني ... انا ... انا مرانيش وحدة **** كيما راك تقول انا .... وشمن فايدة نقولك اصلا مراحش تتبدل .... من اليوم ما نعرفك ماتعرفني ايهم تهلا في روحك

رفدت روحها و دارت راحت تجري دموعها كانت طيح شلال لدرجة مكانت تشوف والو قدامها لحقت قدام الباب حتى حست بحاجة دخلت في لحمها ؛ صوت رصاص لي خلى رستم يجي يجري عندها

رستم : تااالين

ايهم جمد في بلاصتو قلبو كان يخبط اول مرة يخاف من صوت رصاصة ؛ دور راسو لقا ناس مجمعين قدام الباب راح يجري حسبتله خته و لا يماه محطهاش تالين بارسكو هداوين كانت قدامو
غير لحق يلقاها تالين

ايهم : تااالين

بدا يعيط و هبط عندها

ايهم : تالين نوضي نوضي
جيداء : ايهم راح تكون مليحة متتقلقش
ايهم : ...... تالين نوضي .. متخلينيش نحبك منقدرش نعيش بلا بيك تالين ......

♡♡♡♡♡ نهاية جزء 1 ♡♡♡♡♡♡

هذا هو الجزء الاول نتمنى يكون عجبكم نتلقاو في جزء الثاني راح يكون مور رمضان انشاءالله راح نحاول نحطه ديراكت مور رمضان ؛ الجزء الثاني قصير بلاك فيه كاش 10 اجزاء المهم مراهوش بزاف طويل ؛ راح نديرو اسئلة على الكرونيك لي حبت جاوب طبعا

1 - شكون السبب فلي صرا لتالين
2 - زعما شكون هو اب تالين ولا مزال مخرج
3 - شكون لي قتل اب ايهم
4 - كيفاش راح يكون مصير جيداء فالجزء الثاني ( مدو اقترحاتكم )
5 - وشرايكم فلي قالو ايهم لتالين

نتمنى يكون عجبكم خليولي ارائكم و تعليقاتكم صحا سحوركم و صحا فطوركم والى الملتقى انشاءالله 💜💚❤