تالين : شكون هذا .... زعما كاش واحد راهو يتمسخر معايا
خبات البرية منبعد قعدت مكسلة تتفكر فلي صرا معاها كامل حتى رقدت
جازو اليامات نهار على نهار تالين توجد روحها للجامعة و اليوم هو اليوم لي راح تدخل فيه للفاك لي راح تبدلها بزاف حاجات فحياتها ؛ ناضت غسلت وجهها و بدلت حوايجها دارت مكياج خفيف خبطت كلات و راحت مع جود و جمانة بحكم راهم في نفس الجامعة
دخلت معاهم للداخل وراولها الجامعة من الداخل عجبتها أكثر و اكثر منبعد هما راحو عند صحابهم وهي كملت وحدها محبتش تقعد معاهم شافت ناس اشكال و انواع فالوقت لي كانت تائهة و تمشي خبطت فواحد
تالين : اهه سمحلي
ادم : سماح ... راني نشوف فيك تائهة كاش مراكي تحوسي
تالين : لالا انا جديدة يعني هذا نهاري لول هنا
ادم : نورمال توالفي .... ( مدلها يده ) ... ادم
تالين : تالين
ادم : صحاب
تالين : معرفة خير انشاءالله ؛ انا لازم نروح سمحلي
جاز نهار تالين عادي خرجت و قعدت تستنا في جمانة باش يرجعو للدار في هذا الوقت ادم كان جاي
ادم : تالين
تالين : اهه ادم
ادم : سافا عجبك الحال
تالين : هه يعني
ادم : صباح خليتيني و مقلتيليش رايك
تالين : امم هي يعني منقدرش نكون امي تاع واحد عرفتو عندي زوج دقايق
ادم : هه معليش خليها للوقت
.....
جمانة : تالين هيا نرو.... اوبس كاين جدد هنا
تالين : اه هذا ادم عرفته اليوم ادم هذه جمانة صحبتي
ادم : enchanté
جمانة : 😍😍
صونا تيليفون ادم
ادم : اه سمحولي لازم نروح ؛ غدوة انشاءالله
جمانة : ياربي شحال شباب
تالين : بهدلتينا بهذوك الخزرات اخاه واش يقول علينا دوكا
جمانة : واش يقول هو شباب
تالين : امشي نروحو
عند ادم :
ادم : وي ... كلش راهو يمشي كيما تحب .... ليوم تلاقيت بيها بصح لازملي وقت باش نكسب ثقتها
نرجعو عند البنات
لحقو للدار بدلوا حوايجهم ؛ تالين قعدت تهدر معا رزان حتى لحقت سبعة هبطت لتحت لقات ايهم و اياد ؛ راحت سلمت على اياد و قعدت
اياد : كيفاش جاتك لافاك
تالين : يعني نورمال
في هذا الوقت هبطت جمانة تالين شافت اياد كيفاش كان يخزرلها بدات تضحك ملتحت لتحت ؛ راحت جمانة عنقت خوها و سلمت على اياد
جمانة : كيفاش راك خويا اياد
اياد : حمدالله و نتي 😔
جمانة : حمدالله
قعدو تعشاو منبعد طلع ايهم و اياد للبيرو و كل واحد راح لشمبرته ؛ تالين قعدت دير فتيليفون حتى حست بالجوع بارسكو متعشاتش مليح بحكم دارو ماكلة متحبهاش هبطت لتحت و دخلت للكوزينة حلت فريجيدار باش دير سندويش في هذا الوقت كان ايهم خرج مع اياد برا و رجع كي شاف ضو شاعل فالكوزينة دخل
ايهم : واش راكي ديري
تالين سوطات من الخلعة
تالين : بسم الله الرحمن الرحيم واش جابك
ايهم : راني في داري
تالين : قصدت منين خرجت هكذا
ايهم : من الفريجيدار
تالين : كيفااش ... ( منبعد عرفت بلي راه يتقعد )
خبطت رجليها فاللرض و دارت تكمل
ايهم : ايه مقلتليش واش راكي ديري
تالين : جعت و كيما راك تشوف راح ندير سندويش
طلع ايهم قعد فوق الطابلة وين كانت تخدم
ايهم : متحشميش تاكلي وحدك و نتي ظلي تهدريلي على الحشمة و التربية
تالين : 😒😒😒 كنت قادر تقولي نديرلك واحد بلاماتشقي روحك تهدر هاذ الهدرة كامل
دارتلو واحد وحطتهولو
وفجاة راحت ضوء تالين سوطات من بلاصتها و عيطت بصح بلعقل ماشي فور باش ينوضوا كامل
لا اراديا عنقت ايهم لي كان قدامها بحكم هي تخاف من ظلمة ؛ هو قعد حابس مع الاول
تالين : نخخ....نخاف مظلمة
ايهم : اسكتي دوك تولي
حط يده على راسها و زاد جبدها عندو و عنقها قعد يمسحلها على راسها منبعد باسلها راسها و اووب رجعت تريسيتي ؛ جبدت تالين روحها بلعقل
تالين : سمحلي
ايهم : اذا كملتي سندويش بلاكي باش ناكل
دنات تالين و هو قعد هي قعدت واقفة حشمت و ترددت من جاست لي دارته
ايهم : واش متاكليش
راحت تالين قعدت و دناتلو تبسي
تالين : عجبك عجبك معجبكش جيبو ناكل
ايهم : مزال ماكليت بديتي تحلي في فمك
تالين : لالا بارسكو نعرف شحال تحبني و شحال تحب تبهدلني على هذيك
ايهم ( كلا منها ) : امم ماشي عيانة يعني mangable
تالين : ميعجبك عجب
ايهم : و حقا انا منكرهكش ... يعني مدرتيلي حتى حاجة باش نكرهك
تالين : لي ديرهولي يبين هكا
ايهم : بارسكو تقلقيني منحبش واحد يهدر بزاف و نتي بسلامتك كون غير تهدري بزاف برك تهدري فوق الحق نحير فيك جابلي ربي تهدري كثر ملي تنفسي و دخلي روحك بزاف
ضحكت تالين و دورت راسها تاكل
ايهم : ضحكينا معاك
تالين : كنت نيماجيني صوفيا هنا واش راح يصرا
يتبع ***
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
