الحب و المافيا _ باللهجة الجزائرية _

بارت 5 ♡ الجزء الثاني ♡

هالة : بصحتك بنتي الدار تهبل
تالين : الله يسلمك طاطا
جيداء : مكانش علبالي بلي تعرفي طيبي 
تالين : ننصحك بنفس شي ، يعني مام انا مكنتش نعرف بصح دوك بديت نتعلم يعني لوكان مام نتي تخرجي تعيشي وحدك تتعلمي
جيداء : هه نجي نتعلم من عندك
تالين : نتي خرجي برك من تما و انا نعاود نعلمك كلش التربية و نعاودهالك
جود : احم احم .. تالين وعلاش مكنتيش طيبيلنا هكذا مدام ماكلتك بنينة
تالين : هه كنت نتقعد برك انا خاطيني الطياب و زيد مزال مشريت قش للكوزينة سما منقدرش ممبا نتعلم دوكا هه
هالة : كلش يتحل بنتي
جيداء : تالين معليش توريلي وين نقدر نغسل يدي
تالين : بيانسور جوزي 😒

.....

جيداء قاعدة تغسل و تالين موراها منبعد غلقت العين و دارت عندها

جيداء : معليش تدناي نسحق serviette

دناتلها تالين

تالين : مكنتش مسنية بلي راح جي
جيداء : ااه كنت مسنية مثلا ايهم يجي
تالين : انا ستنيت غير طاطا هالة جود و جمانة
جيداء : شوفي تالين نمدلك نصيحة ؛ انا راني فاهماتك ايهم اي وحدة تشوفو طيح فيه بصح افهمي بلي مراهوش تاعك مراكيش جونر تاعو مزالك صغيرة
تالين : حابة تقولي جونر تاعو لي عندها زوج وجوه و تلعبها مسكينة و قلبها كحل و تتمسكن سما نتي جونر تاعو
جيداء : ههه انا الاكسجين لي يتنفسو
تالين : هههه 🤣🤣🤣🤣 .... ايهم و الاكسجين سمحيلي مقدرتش نشد ضحك ..... ايهم يزيدلك هيدروجين و يرجعك ماء و يغسل بيك رجليه تقوليلي اكسجين .... اذا كان يحب وحدة فهاذ دنيا فهي خته و يماه و برك.... و نصائح تاعك خليهم ليك انا مزال صغيرة كيما قلتي شوفي روحك وجهك تكمش و مزالك حاسبة روحك اكسجين و ما اكسجين .... بلاكي تزيدي طولي لسانك معايا بارسكو متعرفنيش كي نتقلق كيفاش نولي و دوكا تقدري تخرجي

جيداء تغزلت منبعد جبدت روحها و خرجت و زادت تالين هرجت موراها كملو قعدو قسرو و يضحكو منبعد راحو

ناضت تالين فرزت كلش و راحت ديراكت رقدت ؛ تفاطنت صباح على طبطيب رفدت تيليفونها لقاتها 7 تاع صباح

تالين : بفف شكون جايني دوكا ..... اههه حبسو راني جاية متخليوش بنادم يرقد دوكا عيي....

راحت تمشي و تهدر كي فتحت الباب سكت كي لقات رجال قدام الباب و معاهم واشمن فريجيدار واشمن كوشة كوزينة كومبلي قدامهم صونا تيليفونها

تالين : صباح الخير
هالة : صباح النور واش لحقك الكادو
تالين : ..... كاين رجال و معاهم قش تاع لكوزينة واقفين قدام الباب
هالة : هه انا بعتهم ماشي قتلك ربي يفتحها
تالين : بصح ...
هالة : هذا كادو تاع دار الجديدة ولا نسيتي بلي عندك عائلة
تالين : يعطيك صحة ملقيت حتى كلمة نقدر نشكرك بيها على كامل خيرك
هالة : بلا مزيتي تالين هيا دوكا انا نخليك تكوني مشغولة

.......

تالين : ..... اياه سمحولي خليتكم واقفين برا دخلو دخلو

دخلو حطولها القش و خرجو كانت فرحانة بزااف زادت سمعت دقديق

تالين : اعطيني صبر يا ربي مع هاذ الباب

حلت الباب لقاته اصيل سلمت عليه و دخل حط كرواصون و des gâteaux

اصيل : ياك مزال مسقهويتي
تالين : لالا هذاوين نضت
اصيل : ملا روحي تغسلي و انا نوجد القهوة
تالين : ok

راحت غسلت و مشطت شعرها و بدلت راحت عنده لقاته وجد كلش فطابلة

تالين : اهيه نتكل عليك فامور دار
اصيل : خسارة عليك

قعدو ياكلو منبعد نطق اصيل

اصيل : ايه واشراكي معولة ديري اليوم
تالين : دوكا قريب لي فاكونس و لازم نلقا خدمة بارسكو نسحقها دراهم لي بعت بيهم مقعدوليش بزااف ولازم نلقا خدمة لي جات مهم نسترزق منها
اصيل : امم عندي واحد صاحبي عندو ريستورون و راهو يحوس على خدامين واش رايك نقولو يشوفلك تخدمي فالكوزينة معلباليش طيبي قشري نقي
تالين : دير فيا مزية

شدلها يدها و تبسملها و هي تمتم جبدتها

اصيل : ملا انا راني نستنا فيك برا وجدي روحك و نخرجو

خرج اصيل و هي كملت فرزت و وجدت روحها و راحو كيفكيف
لحقو لواحد ريستورون شيك دخلو للداخل عرفها بصاحبه سليم مول ريستورون منبعد دخلها للداخل ورالها البلاصة واش دير و كلش

اصيل : ايه كيفاش عجباتك الخدمة
تالين : ايه بزاف
اصيل : سليم دوك هيا هاذ اليامات عندها قراية سما لازم ديرلها بروغرام على حسابها
سليم : كون مهني
تالين : وقتاش نبدا نخدم
سليم : من غدوة ان شاء الله
تالين : super

يتبع ........