دخلت تالين للدار فليل مور ما خرجو من ريستورون راحو حوسو و تعشاو برا و دخلت للدار دوشت و قعدت فوق البونك تنشف في شعرها و فتحت البيسي تهدر مع رزان فلاكام appel vidéo
رزان : علبالك غير نلقى الوقت نجي
تالين : فليفاكونس دبري راسك ارواحي قعدي معايا
رزان : هذي بلا ماتقوليلي .. ايه واش درتي فيها
تالين : لقيت خدمة عند صاحب اصيل فواحد ريستورون
رزان : مراهوش لاحق حبيبنا لقالك خدمة و عاونك فدار و الماكلة لوكان غير نلقى لي يجيبلي و يحطلي و يطيبلي
تالين : منقدرش ننسا خيره وقف معايا فكلش
رزان : راني خايفة
تالين : من واش
رزان : شوفي اصيل عاقل و مليح بزااف و على حساب واش راكي تهدري سيد طايح فيك
تالين : ايهووو واشمن طايح دايرني كي خته و ...
رزان : لوكان يجي و يقولك نحبك و نتي قلبك مراهوش عندو ؛ راهو عند واحد الحمار لي مايفهم والو
تالين : يرحم باباك سكتي
رزان : وعلاش وجعاتك ؛ تالين عندك عمر راح تعيشيه خطرة وحدة فحياتك يروح ايهم و يجيو عشرة
تالين : و يجيو مئة انا نحبو هو فهميني 😭 منقدرش منقدرش نشوف فواحد منغيرو تمنيت اليوم لوكان كان هو فبلاصة اصيل بصح ...
رزان : بصح واش ... نتي حبيتيه و هو واش دارلك وجعك و حقرك و جرحك موعدك بحتى حاجة تالين فطني عيشي حياتك مدي فرصة لاصيل بلاك تحبيه مع الوقت حابة هذا لي جرجرك .. وين راهو دوكا وعلاش محوسش عليك بعد واش دار كامل مزالك تحبيه
تالين : رزان تصبحي بخير انا لازم نرقد غدوة عندي قراية و خدمة
رزان : bonne nuit و متزيديش تبكي على واحد ميستهلكش
طفات تالين البيسي و رقدت
ناضت صباح بدلت حوايجها و وجدت روحها و خرجت ؛ راحت للفاك قرات و جابت دروس لي راحولها و بعدما كملت راحت ديراكت للريستورون و بدات خدمتها كانت شاطرة بزاف ؛ كانت تعاون لي يطيبو تما و تتعلم في نفس الوقت لحقت العشرة تاع ليل كملت نحات تابليي و رفدت ساكها كانت ميتة بالعيا حتى لقات اصيل يستنا فيها قدام الريستورون
تالين : اصيل واش جابك
اصيل : سما راكي تقوليلي نروح
تالين : هه لالا تشوكيت برك
اصيل : علبالي بلي نهارك الاول و تكوني عييتي على هذيك قلت نجي نوصلك
تالين : حشمتني علبالك
اصيل : وجه الحشمة
ركبت معاه تالين و وصلها للدار
اصيل : تصبحي بخير
تالين : متطلعش ... يعني عيب توصلني و متدخلش
اصيل : خلاص نغاري طونوبيل و نجي 😀
هبطت تالين ؛ و هو راح يغاري طونوبيل و هي غير طلعت حطت لتاي و راحت بدلت لبست une robe قصيرة حمرة و دارت شعرها على الكوتي ؛ بون هي فالحق تلبس هكذا دايمن ماشي على جال اصيل ولا 😂
راحت فتحتله الباب و دخلته جابت لاتاي و حاجات معاه حطتهم فالميدة ؛ كانت تسربي و هو قاعد يغزر فيها و هي حشمت ولات حمرة
اصيل : احم .... كيفاش جاز نهار الاول تاعك فالخدمة
تالين : بزااف هايل صح عييت بصح لي تما كامل هايلين و يعلموني نخدم
اصيل : مليح
تالين : ايه و نتا واش درت
اصيل : كنت فالشركة صباح منبعد رحت لاصال دوسبور
تالين : هه ماشي باين عليك تاع سبور
اصيل : اوو
تالين : اين هم العضلات انا لا اراهم
اصيل : تحبي نوريهملك نوريهملك
تالين : اهه 😳😳 .... كنت نتمسخر برك
اصيل : ههه مام انا كنت نتمسخر حشامة تاعي
تالين ولات حمرة راح تطرطق زاد كمل عليها كي شدلها يدها
اصيل : تالين كنت حاب نقولك حاجة .... انا ... انا
قاطعهم صوت دقديق ناضت تجري كشغل لقاتها فرصة
تالين : نروح نشوف شكون جا
راحت تجري فتحت الباب مع هي كانت حمرة راح تطرطق ..... يبست فبلاصتها
حتى جا اصيل موراها
اصيل : تالينتي شكون جاا .....
يتبع .....
ايا خليولي ارائكم و شكون زعما لي جا ؛ و خليولي حاجات حابين تشوفوهم فالاجزاء الجايةبارسكو مقعدش بزاف اي حدث تكتبوهولي و يعجبني راح نحطه مع تاغ لصاحبة الفكرة و حابة تروحو تشوفو besan132 و تدعموها راهي كاتبة جديدة و الى الملتقى انشاءالله 💚
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
