الحب و المافيا _ باللهجة الجزائرية _

بارت 18

في الصباح :

كانت تالين تلبس فساعة و تهدر مع رزان

رزان : شحال romantique لوكان غير عندي لي يديرلي هكذا
تالين : 😒😒😒
رزان : تالين نقولك عفسة بصح متزعفيش
تالين : قولي
رزان : يعني .... دوكا صح راكي قاعدة عند صاحبة يماك بصح نتي مراكيش من ¤¤¤¤ ( le nom de famille t3hom ) متقدريش تضمني بلي راح تقعدي حياتك كامل معاهم ؛ انا راني نهدر في مصلحتك مدي فرصة لادم ميدوملك غير دار راجلك
تالين : من جهة عندك الحق 😔 ...... بففف ايا باي باي وليتي تهدري كيما لعجايز

بعدما كملت تالين خرجت ديراكت راحت لفاك و متلقاتش بادم فرحت بزاف كي ملقاتوش بعد لي صرا لبارح محبتش يرجع يجبدلها على هذاك سوجي جوزت نهارها عادي و رجعت للدار ؛ راحت دوشت لبست بيجاما و هبطت للصالون عند هالة قعدت تقسر معاها حتى

**** : سوربرايزز

دورت راسها تلقاها صوفيا قعدت حالة فمها

تالين : واش جابها
صوفيا : طاطا هالة توحشتك و جيت نبات عندك اذا تحبي
هالة : هه مرحبا فيك فكل وقت 

راحت سلمت عليها منبعد شافت تالين لي ضحكتلها ضحكة صفرا

صوفيا : اوه نتيا امم .... تالين ماشي هكذا
تالين : ايه و نتي صونيا و لا مونيا
صوفيا : صوفيا خسارة عليك مشفيتيش عليا
تالين : ههه و الله عقلي يشفا غير على الحاجات لي important معنديش غير نتي نشفا عليك

قعدو قاعدين و صوفيا بدات تحكي رحت و جبت و شريت و ماما و بابا تالين قعدت دور فعينيها حكمتها القنطة

تالين : بدلي شوية
صوفيا : مفهمتش
تالين : والو قصدي ( خزرت فيها هالة بعينيها ) والو كملي

هكذا شوية دخل ايهم سلم على يماه منبعد سوطات عليه صوفيا تعنق خزرت فيهم تالين واحد الخزرة 😂 قاعدة غير تعوج في فمها ايهم شاف فيها و تبسم كملو قعدو منبعد هبطت جمانة عندهم حقا جود مكانشو راح فواياج مع صحابو ضارب دنيا بكوتبي هه لا قراية لا والو

المهم هكذا شوية نطقت هالة

هالة : هيا نوضو نتعشاو

ناضو كامل غير ايهم و تالين ؛ ناضت تالين حتى

ايهم : تالين
تالين : انعم
ايهم : بلاكي كشما تزيدي تديري تبهدايل كيما ديك لخطرة سورتو قدام يما
تالين : ها ها قول على جال حبيبة القلب ماشي على جال يما زعما حشمت
ايهم : هي بلاما نهدرو عليها لازم
تالين : لازم .... نقولك حاجة **** بيك بيها

جات خارجة

ايهم : راكي حابة واقيل نقطعلك لسانك راهو طوال بزااف
تالين : قطع لسان المصفارة تاعك

خرجت تجري راحت للطابلة كملو تعشاو و كل واحد طلع لشمبرته كامل رقدو غير صوفيا لي راحت لشمبرة ايهم قعدت فوق البونك تشوف فيه منبعد دنات قدامو و رقدت

ناض ايهم لقا حاجة فوق صدرو دور راسو يلقاها صوفيا دناها رماها فالارض

صوفيا : اااه
ايهم : **** واش جابك هنا
صوفيا : هكذا ديرلي ؛ واشبيك ديرلي هكذا ناس يقولو صباح لخير
ايهم : واش من خير يجي مع وجهك فصباح بلاكي تزيدي تخممي تدناي ليا و لا لشمبرتي بلاما نقولك
صوفيا : واشبيك تبدلت عليا هكذا ؛ هذا كامل على جال هذيك لي متتسماش تالين شفت هذوك لخزرات لبارح
ايهم : اهيه واشمن خزرات
صوفيا : خزرات تاع واحد عشقان و زيد كذبني

راح جبدها من شعرها

ايهم : حبسي متخلطي فالهدرة و ****** منزيدش نشوفك هنا برا

تالين كانت خارجة من شمبرتها حتى شافت صوفيا خارجة من شمبرة ايهم بنويزات شافت فيها صوفيا و ضحكت و راحت تالين رجعت لشمبرتها غلقت الباب و تكات عليه دموعها قعدو يهبطو وحدهم

تالين : وعلاش راني نبكي ... واش دخلني فيه يدير واش يحب و انا تاني

مسحت دموعها و رفدت تيليفون عيطت لادم

ادم : الو تالين
تالين : ادم صباح لخير
ادم : صباح نور
تالين : اممم .... مزالك قصدي على لهدرة لي قلتهالي المرة لي فاتت
ادم : ايه واش خممتي قولي
تالين : وافقت
ادم : صح .... مراحش تندمي على رايك ... شوفي هاذ الويكاند نجيب عمي و نجي
تالين : انشاءالله

يتبع 💚💚💚