بعدما رقدت تالين خرجت رزان من شمبرتها
رزان : اهه ايهم واش درت اهه
حتى صونا تليفونها
رزان : الو .... خلاص دقيقة دوك نهبط
هبطت رزان شافت طونوبيل تاعه دخلت
رزان : سلام
انس : واش راكي
رزان : سافا
انس : خلعتيني مقبيل كي قلتيلي راني جاية بسك تالين راهي مريضة
رزان : سمحلي قلقتك معايا
انس : لالا نورمال كيفاش راهي تالين
رزان : سافا كانت مريضة شوية وانا كي سمعت صوتها عيان جيت نجري
انس : هه ملا تحبيها بزااف
رزان : باينة هذي راهي ختي
انس : وانا
رزان حمارت و هبطت راسها
انس : ربي يدومها
رزان : امين .. انا لازم نطلع خليتها وحدها
انس : معليش نتلقاو قبل متروحي
رزان : ان شاء الله
نروحو لجهة واحد اخرى طونوبيل حابسة قدام البحر و اياد و جمانة قاعدين فوق رمل
جمانة : اياد علبالك راني فرحانة و خايفة فنفس الوقت
اياد : وعلاش عمري
جمانة : راني فرحانة لي راني معاك بصح خايفة من لي جاي نخاف نزيد نكسر خويا ولا تفسد صحبتكم شفت واش صرا من قبل على جال ادم
اياد : بصح انا ماشي ادم ؛ و مرانيش حاب نخسر ثقته ولا نخونه نتي عينيا و منقدرش ناذيك بصح نحبك منقدرش نبعد عليك راني نستنا برك والديا يهبطو للجزائر و نجي نخطبك
جمانة : ان شاء الله
صباح جديد :
كانت رزان توجد فطابلة حطت القهوة و الحليب و الجو الكرواصن و لي قاتو و دارت لي كراب بارسكو تالين تحبهم ؛ حتى تلقا تالين ناضت
رزان : صباح الخير عمري
تالين : وعلاش عييتي روحك وجدتي كامل هذا
رزان : شو كيفاش ولات زعما ستعقلتي ريحي ريحي
قعدو البنات ياكلو
تالين : رزان تقدري ياك تقعدي وحدك بارسكو عندي خدمة اليوم
رزان : اهه راح تروحي
تالين : ايه وعلاش منروحش
رزان : سوور
تالين : سوور
رزان : ملا نقدر نروح نشوف انس
تالين : اوهوه انس ملا
رزان : تالين 😳😳
تالين : شو كيفاش حمارت
ناضت تالين فرزت طابلة و وجدت روحها لبست روبا قصيرة و دارت مكياج و خرجت غير لحقت للبيرو جبدت لي دوسيي لي كان لازم تخدمهم جازت دينا لقاتها غاطسة مع الخدمة دخلت عندها
دينا : صباح الخير
تالين : صباح الخير
دينا : راكي مليحة
تالين : ايه وعلاش
دينا : لالا والو بصح كشغل وليت شوية سيريو
تالين : ماشي كنتي تقوليلي لازم الواحد يكون سيريو فحياتو ؛ راني سمعت للنصيحة تاعك
دينا : المهم راني رايحة للبيرو متنسايش كي تكملي هاذ لي دوسيي تديهم لمسيو ايهم
كملت تالين خدمتها منبعد رفدت لي دوسيي و راحت عندو طبطبت كي سمعت قال اذخل دخلت حطتلو لي دوسيي
تالين : مسيو هاذوما قاتلي عليهم دينا نجيبهملك مور منكملهم
دارلها براسو ايه و خرجت تلاقات باياد
اياد : اهه تالين
تالين : اياد صباح الخير
اياد : واش راكي
تالين : سافا ونتا
اياد : الحمد الله ، كيفاش جاتك الخدمة
تالين : مليحة
اياد : ملا انا منعطلكش باي
دخل اياد عند ايهم
ايهم : كاين حاجة اسمها طبطب قبل متدخل
اياد : خليك مني هي طبطبت قبل متدخل
غمزلو و ايهم طلع راسو و خزر فيه واحد الخزرة
اياد : شفتها خارجة منا
راح قعد
اياد : كيفاش راك معاها
ايهم : نورمال ... ولات تقولي مسيو و طبطب تبدلت كامل
اياد : ماشي كنت حابها تبعد مفهمتش واش صرا دوكا
ايهم : مصرا والو
اياد : مكذبت يجي نهار و نشوفك طحت على راسك بصح ..... صاحبي لي نعرفو يدي لي يحبها بيدو
ايهم : و كيفاش ندي
اياد : روح ليها و قولها ...
ايهم : واش نقولها بلي الراجل لي خلاك و نتي صغيرة لي يسمي روحو باباك لعب عليك و دخل على حياتك واحد كيما *** تاع ادم ؛ ولا نقولها بلي لي دخلت على جالو لهاذ الخماج خرج باباها باباها لي قتل بابا هكذا حبتني نقوللها
اياد : ههه سيريو واش راك تهدر .... مفهمتش علبالك مخي حبس
ايهم : تشفا كي ادم بليساها انا لقيتو قبل ميلقاه رستم كنت راح نقتلو لوكان ماشي قالي la vérité و زيد كونفرميت لقيتو مكذبش و خلاني نستخدمو باش ننتقم من رستم
اياد : سما رستم باباها .... خليني انا نروح نقتلو ايهم
ايهم : عشت حياتي كامل و انا نستنى نلقاه باش نقتلو و نحرقلو قلبو بصح منقدرش نعرف واش معنتها باباك يتقتل بين عينيك و منق
رش نخلي طفلة لي نحبها تعيشه
اياد : بصح هي راح تعرف اليوم ولا غدوة
ايهم : واحد معلبالو من غيرنا حنا ربعة انا و نتا و ادم و رستم ؛ رستم مراحش يقدر يهدر و يخسر ولادو و ادم راهو فيدي كي نكمل شغلي معاه نقتلو و فالوقت هذاك راح نكون دمرت رستم و دمرت كامل واش بنى بصح منقدرش نقتلو
يتبع 💜💜💜 .......
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
