خرج ايهم من عندها وخلاها مسمرة في بلاصتها قاعدة تشوف فالحالة
تالين : خلاص تالين ... مكان والو
تالين بدات تشد في صدرها بدا يضيق فيها النفس ؛ دموعها بداو يطيحو
تالين ( بصوت شبه مسموع ) : فتحولي ...
العشية :
ايهم كان قاعد في البيرو لي فالمقر تاعو حتى دخل اياد
ايهم : وقتاش تتعلم طبطب قبل متدخل
اياد : افف حبيت نشوفك كاش خطرة مريح روحك مالخدمة هذه
ايهم : واش ندير زعما ؛ نقعد من طفلة لطفلة كيما نتا
اياد : هذه هيا خو عيش حياتك شوية
ايهم : وعلاش قالولك قلبي station لي يجي يحط
اياد : خايف نموت و منشوفش طفلة لي راح طيحك
ايهم ( خزر فيه خزرة تقتل ) : لقاها نتا انا خاطيني الحب و الجياحة تاعكم
اياد : وين تعرف بلاك حتكون
ايهم : ميهمنيش بزاف
اياد : متنساش réunion
ايهم : علبالي
اياد : حقا تالين وين ...
ايهم : اذا كملت تقدر تخرج
خرج اياد و زاد خرج ايهم هبط لتحت وين كان حاطها
ايهم : مزادتش عيطت
الرجل : لالا مسيو معيطت مدارت حتى حس
ايهم : bizarre كيفاش قعدت ساكتة
فتح ايهم الباب مسمعش حسها راح عندها لقاها طايحة فالارض
ايهم : نوضي مراناش نلعبو .... قتلك نوضي ... تالين
هبط عندها قعد يحرك فيها والو رفدها طلعها للبيرو تاعو
ايهم : عيط للطبيب يجي بلخف
قعد ايهم يسيي ينوضها والو في هاذ الوقت كان لحق الطبيب
.......
ايهم : واشبيها كانت مليحة
الطبيب : عندها فوبيا على هذه ؛ منا للصباح تكون ناضت
و بدا يهدر scientifiquement و الخرطي
لحق الصباح :
تفاطنت تالين لقات روحها فوق فوتاي و فبلاصة متعرفهاش ؛ شافت ايهم قاعد قدامها فكرسي ؛ قعدت تشوف فيه
تالين : شحال يبان عاقل هكذا اييه لي ميعرفوش برك ؛ لوكان يكون عاقل كيما راهو هكذا ماشي خير بصح هو دايمن يتشنف و يتكبر مفهمتش صوفيا واش عجبها فيه ؛ فالحق يجوز يعني لوكان نشوفو الإيجابيات يجوز ايه ماشي غير يجوز بصح هي واش عجبو فيها مسكين يغيض بففف حتى فهذه مربحش المخلوقة باينة كبيرة عليه شعرها صفر يعيف و وجها صحيح و تعوج فشواربها هذوك و تزوخ و ....
ايهم : نحيير فيك شحال تهدري
تالين : بسم الله الرحمن الرحيم؛ ماشي كنت راقد
متقوليش سسس...سمعت
ايهم : ملي كنت عاقل حتى تعوج شواربها
حطت تالين يديها على وجهها تبهدلت
تالين : وين رانا
ايهم : ميهمكش انا نكمل خدمتي و نرجعو للدار
تالين : وو...
ايهم : ششش متهدريش يرحم باباك
رفد ايهم تيليفون طلب فطور لتالين وهو قعد فالبيرو يخدم منبعد جابو الماكلة لتالين قعدت تاكل منبعد
تالين : متاكلش
دارلها براسو لالا
كملت كلات وقعدت قاعدة منبعد كرهت ناضت و بدات دور راحت للتاقة منبعد رفدت كتاب و رجعته راحت شدت كرسي ؛ ايهم علبالو بلي مراحش تقدر تشد بلاصتها
تالين : هنا تخدم
ايهم : اممم
تالين : يعني كي قالو شركة انا حسبتلي مشي هكا متبانش شركة
تالين : هذه بلاصة نخدم فيها و الشركة وحدها
تالين : وعلاش فالشركة متخدمش واش دير تما
ايهم حط يده على راسو و كمل يخدم
تالين : هذوك رجال يخدمو معاك
ايهم : امم
تالين : يخلعو و يخوفو
ايهم : ياك مجاوش يخطبوك
تالين : لالا
ايهم : مالا خلاص
تالين : حقا و ....
ايهم : اسكتي تالين اسكتي مفهمتش واش بلعتي ظلي تهدري بلا ماتسكتي
تالين قعدت تخزر فيه
ايهم : نمدلك تصويرتي
تالين : لالا كثر خيرك ؛ جوست تشوكيت كي عيطتلي باسمي بارسكو موالف تقولي نتي ؛ هاذي ؛ هاذيك طفلة
ايهم تبسم على جياحتها منبعد رجع زبط وجهو
تالين : اياااه تبسمت دوكا ؛ و الله شفتك
ايهم : حبسي متبهليل
ناضت عندو
تالين : شفتك متكذبش
ايهم : وعلاش منقدرش نضحك ولا نتبسم عيب
تالين : لالا بارسكو دايمن زابط وجهك
ايهم : روحي شدي بلاصتك بارسكو دوك نويرلك كيفاش نزبط وجهي مليح
تالين : خلاص مهدرناش
هذا هو البارت نتمنى يكون عجبكم خليولي ارائكم فالبارت و توقعاتك فالاحداث الجاية ؛ تعليقاتكم تحفزني باش نكمل
الى الملتقى انشاءالله في بارت جديد 💜
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
