قعدت تالين تاكل و هي مقنوطة حست روحها غير مرحب بيها بصح معندها حتى خيار ؛ اذا خرجت منا راح ترجع لدارهم بصح راح تقعد وحيدة وهي صغيرة متقدرش تعيش في هاذ العالم بمفردها و بضعفها و فوق هذا يماها وصاتها باش تقعد مع هالة وهي متقدرش تخالف وصية يماها الاخيرة كلات زوج لقمات بسيف لهبطولها منبعد ناضت ؛ طلعت لشمبرتها راحت قدام تاقة و خلات دموعها يهبطوا مزال جرحها جديد مزال موالفتش بعدها على يماها و حياتها الجديدة وعلاش رجعت ضعيفة هكذا وعلاش مردتش عليه ؛ فيقها تليفونها كي كان يصوني رفدتو لقاتو رائد شحال فرحت
تالين : رائد ... ( طرطقت بالبكاء )
رائد : تالين حبي متبكيش ؛ مسمعتش بلي صرا حتة اليوم ؛ جيت لداركم بصح ملقيت حتى واحد
تالين : راح نولي عايشة عند صاحبة ماما
رائد : صحبتها
تالين : امم معرفة قديمة
رائد : لقيتي روحك تما
تالين : امم لي هنا كامل ملاح معايا ؛ نتا كيفاش راك
رائد : لاباس
تالين : لوكان غير راك معايا هنا راح نتوحشك
رائد : مام انا مدابيا نكون معاك بصح ماشي فيدي
قعدت تالين تهدر مع رائد حتى رقدت ؛ رائد هو الشخص لي حبتو ولا نقولو حاسة روحها حبتو فالوقت لي مكان عندها لا اب ولا حتى راجل فحياتها لقات رائد معاها كان دايمن يعاونها و يوقف معاها حست بالاهتمام تاعو بها فتعلقت به اكثر
صباح جديد :
ناضت تالين بكري دوشت نشفت شعرها و لبست هبطت لتحت و قعدت تاكل حمدت ربي لي هبطت بكري باش متسمعش هدرة عيانة منو حطت راسها مع تبسي باش متشوفش فيه اما هو كلا زوج لقمات و ناض بعد مكملت تالين طلعت لشمبرتها جابت تيليفونها و قعدت تستنى في رائد يفتح باش تهدر معاه و على الاقل جوز شوية وقت منبعد شوية فتح بعتثلو منبعد رجعلها و قعدت تهدر معاه رفدت تيليفونها رايحة للتحت فالوقت لي هي راسها مع التيليفون ايهم كان جايز و فيدو القهوة و اووب خبطت فيه ايهم دناها و بدا يعيط
ايهم : **** متشوفيش قدامك
تالين : اسمحلي مشفتكش
ايهم : متعرفيش تمشي تاني كاش واحد يمشي و يدير فتليفون
تالين : ياك قلت سمحلي خلاص مافيها والو
ايهم : مافيها والو ؛ لاشميز هذه غالية عل وجهك و تقوليلي مافيها والو
تالين : باردون ؛ هاذ الشيفونة تكومباريها بوجهي قلت السيد منارفي و مشنف و متكبر وووو بصح سمحلي مكانش عمبالي بلي مهبول و Psychopathe دراهم هذو لي نافخ روحك بيهم لوكان رحت داويت خيرلك سكت سكت بصح نتا متفهمش بالعقالة كيفاش تكومباري هاذي ( دارتلو بيدها على لاشميز ) بهذا ( دارت صبعها على وجهها )
ايهم تقلق بزاف مسح وجه بالتقلاق
ايهم : زهرك جيتي طفلة ماشي من عادتي نضرب البنات بصح راح نغير عاداتي معاك
تالين : غيرهم تشوف
نفخ بالقاوي جامي لا واحد هدر معاه هكذا
ايهم : شوفي يا بنت الناس
تالين : عندي اسمي .. تالين
ايهم : ميهمنيش ؛ مزالك صغيرة على هاذ اللعب ودوكا ( نحا لا شميز )
تالين : اااا وشراك دير احشمم
ايهم : هذه كي نجي لعشية نلقاها مغسولة و منشفة و مفيها حتى تاش ولا راح تشوفي كيفاش نغير عاداتي مليح
رمالها لاشميز على وجهها و راح
تالين راحت غسلتها بيدها رجعتها تشعل منبعد مانشفت راحت حطتهالو فشمبرته و كتبتلو ورقة " بارسكو انا لي وسختها هذا مكان باش يكون فعلمك "
هذا هو البارت نتمنى يكون عجبكم متنساوش الجام و التعليقات خليولي ارائكم فالبارت و توقعاتك فالاحداث الجاية و الى الملتقى انشاءالله 💜
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
