كانت راقدة حتى سمعت الباب
تالين : افف شكون راهو ينوض فيا صباح ربي .... ادخل
......
ليندة : صباح الخير بنتي
تالين : صباح الخير يا احلى ليندة بصح كشغل مزال الحال
ليندة : هذاك هو بنتي علبالك هنا ينوضو على 8
تالين : راهي 8 !!!
ليندة : تكون فاتت
تالين : اياه محسيتش لروحي
ليندة : جيت نقولك بلي كاين واحد لتحت يحوس عليك
تالين : شكون
ليندة : معلباليش
هبطت تالين لتحت لقاته امين
تالين : اميين ..... واش جابك
طلت من تاقة لي فصالون لقاتهم يسقهواو فالجنان
تالين : افف مزية .... امين تعيش بلاما يشوفوك
امين : ههه واشبيك
تالين : اسمحلي روح برا استناني دوك نجيبلك لافاست و نجي تعيش ؛ علبالي عيب عليا ندير هكذا بصح لوكان يشوفوني يقتلوني بالاسئلة تاعهم
خرج امين و هي طلعت جابت لافاست و هبطت
تالين : سمحلي بزاف بزاف امين بصح راك تعرف لوكان
امين : ههه متقلقيش يعني فاهمك ؛ بلاك مكانش لازم نجي بلاما نقولك ... صبت براسلي فلابسين قلت سور يكون تاعك بسك نتي لي دخلتيلها لبارح و انس مدلي لادراس
في هذا الوقت ايهم خرج كان راح يركب طونوبيل
تالين : يعطيك صحة ام.....
ايهم : شكون هذا
تالين : ....... امين
ايهم : واش دخلني فاسمو
امين : اهه انا جيت باش نرجع لتالين براسلي تاعها طاح عندنا لبارح ؛ واقيلا خوك محبش كي جيت
تالين : امم خويا هكذا ميحبش ناس ميعرفهمش يدخلو لدارو
ايهم : من وقتاش وليت خوك
امين : ايا باي تالين نتلقاو المرة الجاية .... اه صح اذا حبيتي num تاعك تمديهولي
تالين : اهه .....
ايهم : معندهاش تيليفون ؛ ايا روح منين جيت
امين : واشدخلك ماشي قلت ماشي ختك ولا .....
ضربو ايهم دبزة طيحو فالارض
ايهم : كي نقول تخرج تخرج بلا ماتكثر الهدرة
ناض امين و رفد روحو و راح
ايهم : ملا وليت خوك
تالين : ايه يا خويا لعزيز
ايهم : و من وقتاش
تالين : من نهار وليت دير بلايص في قلبك
ضحك ايهم كي قاتله هكداك رجال تاعه و مام هي قاعدين يخزرو فيه تالمون جامي شافوه يضحك
ايهم : ادخلي
تالين : ندخل .... ايه
راحت تالين للجنينة و قعدت فطابلة
تالين : صباح الخير عليكم
هالة : صباح الخير
كملت تالين و طلعت لشمبرتها دوشت و خرجت تنشف فشعرها حتى لقات جمانة داخلة
جمانة : تالين اذا منقلقكش معليش نهدرو
تالين : بيانسور اقعدي
......
جمانة : تالين سمحيلي على كامل واش جاز و ....
تالين : معندك وعلاش تطلبي سماح حنا بين زوج غلطنا و لي صرا صرا
جمانة : يعني مراكيش زعفانة مني
تالين : وعلاش نزعف
جمانة : كي هدرت جيداء هذاك نهار على ادم و تقلقتي قلت بلاك مزال منسيتي
تالين : هه لالا تقلقت كي دخلت روحها برك
جمانة : بلاك مكانش لازم نحكيلها
تالين : واش تقصدي
جمانة : هي جبدتني بالهدرة و انا حكيتلها لي صرا
تالين : ..... معليش نورمال
جمانة : معليش نسقسيك
تالين : سقسي
جمانة : وعلاش قبلتي بادم
تالين : ..... غلطت و تسرعت
جمانة : مكنتش كامل حاطة بلي راح تقبلي
تالين : ههه وعلاش
جمانة : بارسكو ..... تحبي ايهم ....
تالين : هه مكانش منها
جمانة : متكذبيش تالين من عينيك تباني
تالين : .......
جمانة : علبالو
تالين : اممم .... خوك و تعرفيه محال يجي نهار و يحبني
جمانة : متهدريش هكذا
تالين : بدلي علينا سوجي
جمانة : حقا لازم نروحو نشريو ... ايهم دار حفلة للشركة لازم نشريو حوايج باش نروحو
تالين : وعلاش انا معروضة
جمانة : باينة نوضي وجدي روحك نروحو
مقتطفات من البارت الجاي
هالة : اوهوه على بناتي شبات كيفاش خرجو
رستم : تااااالين
ايهم : تالين نوضي .. متخلينيش نحبك منقدرش نعيش بلا بيك تالين ......
جيداء : ايهم راح تكون مليحة متتقلقش ......... تحبها
ايهم : كثر من هاكا
جيداء : من وقتاش
ايهم : ..............
هذوما مقتطفات من البارت الجاي انشاءالله راح يكون غدوة انشاءالله مور الفطور ؛ خليولي ارائكم فالبارت و توقعاتك فالاحداث الجاية و الى الملتقى انشاءالله ❤💜💚
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
