تالين : شفتك متكذبش
ايهم : وعلاش منقدرش نضحك ولا نتبسم عيب
تالين : لالا بارسكو دايمن زابط وجهك
ايهم : روحي شدي بلاصتك بارسكو دوك نويرلك كيفاش نزبط وجهي مليح
تالين : خلاص مهدرناش
كمل ايهم خدمته ناض و تالين تبعته ركبو فالطونوبيل و راحو
كان الصمت سيد الموقف حتى صونا تيليفون
ايهم : وي
اياد : ايهم بلاك كاينا بومبا في طونوبيل
ايهم : كيفاش بومبا .... جيب طونوبيل و ارواح ل ****
دور ايهم راسو عند تالين جبدها عندو ولات قاعدة في حجرو ؛ تالين حمارت خضارت
تالين : واش راك دير
فتح ايهم الباب و سوطاو تالين غمضت عينيها قعدو غير يتكركرو حتى حبسو في واحد الغابة فتحت عينيها كي حست بلي حبسوا شافت ايهم شادها و مزير عليها
ايهم : راكي مليحة
تالين : امم ... و نتا
ايهم : لازم نخرجو منا
غير كانو نايضين سمعو حس موراهم
راجل : حسبتلكم سلكتو
راجل 2 : سلكتو من البومبا بصح المعلم مزال موجدلكم دي سوربريز
لحقت طونوبيل خرج منها رجال لابسين كحل ؛ ايهم شد يد تالين و هربوا يجريو
تالين : ايييهم شكون هاذ رجال
ايهم : جري و بلعي متقدريش تقعدي ساكتة ..... متشوفيش للور شوفي قدامك
لحقو قدام واحد شجرة كبيرة
ايهم : روحي تخباي موراها و متخرجيش حتى نجي
تالين : بصح
ايهم : ما بصح ماوالو مطلعيليش زبل روحي .... قلت **** روحي
راحت تالين تخبات مور شجرة و ايهم رجع ؛ لحق لقا ثلاثة رجال يحوسو عليهم فوسط الغابة
ايهم : خير على واش راكو تحوسو ..... هاني قدامكم وريولي شطارتكم
راح ليه واحد باش يضربو ايهم سبقو ؛ ضربو دبزة جابو فالارض هبط عندو كمل عليه حتى جا ليه واحد ماللور ؛ جبد الكابوس وقتلو ؛ الراجل لي قعد كان يبان ضعيف رفد كابوس في يدو بالرجفة بصح ايهم كان بليساه في يدو ؛ طاح فالارض كان راح يرفد الكابوس باليد الاخرى حتى بدا يعيط كي عفس ايهم على يدو
ايهم : شكون بعثك .... ( زاد زير عليه كثر ) ... شكون
**** : خلا...خلاص ****** هو لي بعثنا ؛ خليني نعيش ربي يعطيك ماتمنى
هذه كانت اخر كلمة هدرها قبل مايموت
( 😂😂😂😂😂 حكمني ضحك بارسكو جامي لا كتبت احداث اكشن و قتيلة و ضرب خاطيني جاتني بيزار كيفاش كتبت البارت )
عند تالين : كانت متخبية مور شجرة و تمسح في دموعها جامي لا تحطت فموقف كيما هذا ماحست غير بحاجة تحطت على راسها طلعت راسها تلقاه راجل حاط كابوس على راسها
راجل : وين راه ايهم ... قولي ؛ منسحقو والو من عندك اذا قلتينا وين راه راح نخليوك
تالين : معلاباليش
بدات تبكي و تترعد وحدها
راجل : نتي حبيتي
تالين : تعيش خليني ... معلاباليش
غمضت عينيها تستنى فيه يقتلها سمعت صوت رصاصة
تالين : اههه مت مت اههه 😭😭😭
ايهم : نوضي حبسي مجياحتك
فتحت عينها لقات ايهم واقف قدامها و الراجل هذا طايح في بركة دم
تالين : واش درتتلو ... قتلتو نتا بنادم دوكا
ايهم : لوكان خليتك تموتي ماشي خير نتهنى منك
تالين : و الله ماتحشم اليوم كشفتك لهاذ الدرجة تكرهني ديجا على جالك كنت راح نموت شكون هذوما وعلاش يحوسو عليك وعلاش حبو يقتلونا
ايهم : لوكان غير قتلوني بارسكو اذا مقتلونيش هوما نتي راح تقتليني دوكا
تالين : شو..... ايهههم بلاااك
دور راسو ايهم ماحس غير برصاصة دخلت صدرو
يتبع.......
هذا هو البارت نتمنى يكون عجبكم خليولي ارائكم فالبارت و توقعاتك فالاحداث الجاية نتمنى نلقى تفاعل راني كاتبة 13 بارت و كاين غير 4 الاف مشاهدة
زعما ايهم يموت و تالين ؟؟؟؟
توقعاتكم
والى الملتقى انشاءالله 💚
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
