متنساوش جام و تعليقات لي فيها ارائكم و اقترحاتكم مارسي على اقترحاتكم تاع المرة لي فاتت سمحولي مقدرتش نرد عليهم كامل كانو بزاف بصح قريتهم كامل و مارسيييي 💜 جبتلكم فكرة صغيرة اذا عجبتكم قولولي نديرهالكم في كل بارت و هي انه كل واحد يقدر يسقسي اي شخصية من الحكاية واش راهو حاب ههه معلباليش اذا فكرة مليحة اذا عجبتكم كتبو سؤالكم للشخصية لي راكم حابينها و هي جاوبكم 😂😂 المهم قراءة ممتعة و الى الملتقى ان شاء الله 💚
رزان : تالين خوفتينا عليك
انس : تالين راكي مليحة
تالين ( تبسمتله ) : امم خير ملي كنت
ايهم : تالين نخليو طبيب يشوفك منبعد نخرجو
تالين : ايه
.......
مور ما جازت عند الطبيب خرجو ؛ صونا تليفون ايهم
ايهم : وي يما ..... مكلاه جيو رانا خرجنا .... ايه علبالي
تالين : ايهم متشقيش روحك دوك يوصلنا انس
ايهم : وين
تالين : للدار
ايهم : راح تولي معايا للقصر
تالين : اهه لالا مكلاه ....
ايهم : انا هدرت هدرتي و مام يما قاتلك ولي عندنا
رزان : تالين عندو الحق تما خير
تالين : ونتي
رزان : راح نولي لدارنا و مرة مرة نجي نشوفك اصلا طولت و بابا كل يوم راهو يعيطلي يقولي ولي
تالين : ...... خلاص نروحو نديو حوايجنا
انس : و انا نوصل رزان لدارهم
ايهم : ملا نروحو
تالين : امم
ركبت تالين مع ايهم و رزان مع انس و راحو للدار ؛ البنات داو حوايجهم و خرجو لقاوهم يستناو ؛ رزان عنقت تالين
رزان : بلاكي على روحك
تالين : ايه و نتي تاني و كي تلحقي عيطيلي
......
انس : تالين معليش نهدرو
تالين : راني عيانة انس و مرانيش حابة نهدر المرة الجاية
دارلها براسو ايه ؛ و كل واحد ركب فطنوبيل و راحو
.......
دخل ايهم و معاه تالين و الشوفور لي دخل لي فاليز
سلمو كامل عليها و سقساو على حالتها
هالة : روحي لشمبرتك بنتي تريحي تكوني عييتي
جمانة : هيا تالين نروحو
طلعو البنات كيفكيف
جمانة : راهم نقاوهالك ... اذا تحبي نحطلك حوايجك فالخزانة نحطهملك
تالين : لالا دوك نريح شوية و نسقمهم
جمانة : تالين ..... سمحيلي على المرة لي فاتت هدرت هكذاك بارسكو .....
تالين : وعلاش تطلبي سماح انا اصلا مزعفتش منك
جمانة ( عنقتها ) : انا نخرج نخليك تريحي
.....
خدامة : مسيو عندك ضيف راهو يستناك فالبيرو
راح ايهم للبيرو تاعو لقاه تما
أنت تقرأ
الحب و المافيا _ باللهجة الجزائرية _
Romantikهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
