ايهم : ماشي قتلك بلعي
تالين : خلاص سكتت
صباح جديد :
ناضت تالين صباح بدلت حوايجها و طلقت شعرها مع مكياج خفيف
المكياج و الشعر و الحوايج كانو هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطت لتحت لقاتهم ياكلو
تالين : صباح الخير ( و قعدت )
هالة : تالين راكي رايحة كاش بلاصة
تالين : امم راح نولي للخدمة عندي شحال مرحتش و مرانيش حابة نتحاوز
هالة وعلاش ايهم كاش مراح يهدر خليك زيدي ريحي منبعد ولي على راحتك
تالين خزرت فايهم لقاتو يشرب القهوة شغل مدخلو فواش راهم يهدرو
تالين : لالا طاطا مرانيش نخدم فشركة تاع ايهم بدلت
هالة : وعلاش
تالين : اهه .... جاتني شوية بعيدة على دار على هذي بدلت
جيداء كانت نايضة باش تروح
ايهم : جيداء ستناي
جيداء : وشنو !!
ايهم : ارواحي معايا عندي هدرة معاك
طلع ايهم و معاه جيداء منبعد دخلو للبيرو تاعو
جيداء : خير ايهم كاش ما كاين
ايهم : راح نسقسيك حاجة و راح تجاوبيني بلا كذب
جيداء : ايهم راك تخوف فيا واش كاين .... وقتاش كذبت عليك
ايهم : واش قلتي لتالين
جيداء : مفهمتش
ايهم : شوفي جيداء نعرفك maline بصح ماشي عليا سقسيتك حاجة جاوبيني
جيداء : ... ساكتة ...
ايهم ( عيط عليها ) : جيداء
جيداء : ايه هدرت .... منحبهاش و مرانيش حابتها تقعد فهاذ الدار و مرانيش نادمة على واش قتلها
ايهم : جيداء هاذي داري و نخلي فيها لي حبيت و ماشي نتي لي تقوليلي واش ندير
جيداء : ههه صح تبدلت ايهم صح ... من وقتاش دايرين رسميات بيناتنا من وقتاش نهدرو مع بعضنا هكذا
ايهم : من وقت لي وليتي تفوتي tes limites
جيداء : مليح
ايهم : علبالك بلي كل حاجة دايرلها بلاصتها فحياتي الخدمة وحدها و عائلتي وحدها و l'amitié وحدها و ma vie privée وحدها حبيت نفكرك باش متخلطيش بيناتهم
جيداء : و انا اما وحدة بيناتهم
ايهم : ملي نعرفك و حنا des amis و راح نقعدو هكذا
جيداء : اذا نتا تشوفني كصديقة انا لالا انا نشوفك حب حياتي و راجل لي راح نكمل معاه حياتي
ايهم : سمحيلي نقولك بلي راكي غالطة مرانيش الانسان لي راح تكملي معاه حياتك علبالك بلي نعزك بزاف و نتمنالك كل خير و نتمنالك تلقاي الراجل لي يحبك و يحترمك
جيداء ( شدتلو يديه ) : مرانيش حابة واحد من غيرك
ايهم ( نحالها يدها ) : جيداء اذا راكي حابة صداقتنا تقعد مليحة انساي هاذ الجياحة
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
