هالة : هدرت معاها بزاف و سييت نعرف واش بيها مفهمتش من شمبرتها مولاتش تحب تخرج راني خايفة تضيع قرايتها
ايهم : متقلقيش يما نهدر معاها و نشوف ياك العزيزة
تبسمتله هالة وهو طلع عند خته كان سور بلي صراتلها حاجة بارسكو جمانة تحب قرايتها
كان يطبطب بصح مكان والو فتح الباب بلعقل
ايهم : جمانة .....
ملقاهاش فشمبرة سمع الحس تاع الماء فسالدوبان عرف بلي راهي تدوش راح قدام تاقة قعد واقف يستنى فيها بصح شاف cahier عرفها مذكرة تاع جمانة مكانش حاب يقراها بارسكو خصوصية تاع ختو بصح شافها مفتوحة و فيها تصويرة
راح رفدها لقاها تصويرتها مع ادم رفد المذكرة هذيك و بدا يقرا
" انا لي جامي عرفت معنى الحب عرفتو معاه ... ادم ... منهار شفتو حبيتو و مع الوقت تعلقت بيه والفتو والفت ضحكته و هدرته وعدني بلي راح يكون معايا فالحلوة و المرة وعدني بلي ميخلينيش وعدني بلي راح يكمل حياتو معايا وعدني بالحياة لي كنت راسمتها لروحي امنته و سلمته قلبي و جوزت احلى ايامي معاه بصح هو تبدل عليا رجع وين يشوفني يروح ولا ميحملنيش صدمني كي قالي بلي انا نزوة و هكذاك قعدت نستنى في ادم في الراجل لي حبيته يرجع بصح فاجئني كي خطب ختي و صاحبتي مفهمتش وعلاش دار هكذا وعلاش هيا قبلت بصح علبالي معندها حتى ذنب لوكان علبالها مراحش تقبل بصح قررت اني منوقفش في وجههم وفي وجه سعادتهم "
مع كل كلمة يقراها يزيد يتنارفا ضرب لاكوافوز بيدو جا كلش مرمي و مكسر فالارض ؛ جمانة خرجت تجري لقاته مكسر كلش
جمانة : خو ... خويا
دور راسو عندها شافته منارفي و عينيه حمورا كانت خايفة بزاف منه انتبهت للمذكرة تاعها في يدو
ايهم : هكذا جمانة .... هكذا ختي ... ختي لي درت فيها كونفيونس ديرلي هكذا ؛ انا لي حسبتك تروحي تقراي ؛ فالوقت لي جي روطار و تقولي رحت عند صحبتي كنتي مع هذاك ****
جمانة : ايي....اييهم سمعني
ايهم : بلعي .... بلعي
دخلت هالة عندهم
هالة : واش صرا هنا .... ايهم تالين تالين
ايهم : وشبيها
هالة : راهي فسبيطار
........
كانت تالين فالسبيطار وجها منفخ و زرق ؛ الجروح فكامل وجهها و يديها مكانتش قادرة ممبا تتحرك ؛ عندها زهر في واحد المراة لي كانت جايزة بالطونوبيل و شافتها مرمية فالطريق رفدتها ووصلتها للسبيطار
دخلت هالة و ايهم عندها
هالة راحت عنقتها و تبكي
هالة : يابنتي شكون دارلك هكذا
تالين : .......
ايهم دنا هالة و قعد قدام تالين ؛ قعد يمسحلها على وجهها بلعقل
ايهم : تالين قوليلي شكون دارلك هكذا
تالين : ااا....ادم
مسح ايهم على وجهو بالعصب
ايهم : صحا وعلاش ؛ لوكان عيطتيلي برك
تالين : كي قلتلو راني حابة نحبسو ؛ تقلق و بدا يضرب فيا منبعد رماني فطريق و كثر خير وحد المراة عاونتني و جابتني هنا
ايهم : ايه خلاص نتي ريحي ..... يما راني خارج منبعد شوية نرجع
حطيت هذا البارت في خاطر kokigh
كنت موجداته لمور الفطور انشاءالله مي معليش
المهم هذه الحكاية بلاك نحبسها حتى تطلع شوية و نرجع نكملها و بلاك نكملها المهم الى الملتقى انشاءالله 💚
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
