காலையில் எழுந்து
வீட்டின் முன் நீ கோலமிட
காத்திருப்பு பிடித்தது...
கல்லூரி முடிந்து
கடைவீதியில் நீ வர
காத்திருப்பு பிடித்தது...
கற்பனை கதாபாத்திரத்தில் கதாநாயகியாக உனை காண
காத்திருப்பு பிடித்தது...
காதலைக் கூறி
காதலாய் நான் மாறிட
காத்திருப்பு பிடித்தது...
கணவன் மனைவியாய்
காலங்கள் கழித்திட
காத்திருப்பு பிடித்தது...
முதலிரவில் முக அழகை
முழுமையாய் ரசித்திட
காத்திருப்பு பிடித்தது...
மூக்கும் முழியுமாக
முதல் குழந்தையை
முத்தத்தில் கொஞ்சிட
காத்திருப்பு பிடித்தது...
முதிர்ந்த வயதில்
மூட்டு வலிக்க உனை
முதுகில் சுமந்திட
காத்திருப்பு பிடித்தது...
நீ உயிர் நீத்த தருவாயில்
உன்னோடு நான் வந்திட
எமன் வருகையெண்ணிய
காத்திருப்பு பிடித்தது...
