معشوكه الشيخ جبل

جزء الثاني بارت الرابع و عشرون🖤

..💙

..💙

..💙

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

حبايب كلبي انتو يعني ما اعرف شحجي على تفاعلكم الحلو ..

.. و اتمنى تعلقون بين فقرات لاني جاي اقرا تعليقكم الحلو واشوف شدتحجون ..

.. طبعا البارحه واني اقرا تعليقات جاي اشوف جم وحده تكول ..

.. نزليلنا بارت يتضح بيها جلال ليش هيجي سوه شوفوا اني اذا ..

..انزل بارت لجلال فمراح يبقى نفس الطعم الي انو جاي تقروها هسه ..

.. يعني ما يصير حلو وطعم الروايه يروح ويصير غير مشوق ..

.. لذالك راح يتضح بس لازم بالاول نصبر و نعرف شوكت راح نعرف السبب ..

ماشيي  .. و ضلوا علقوا بين فقرات لأن جاي اقره تعليقاتكم الحلوه

و اعوفكم في امان الله وحفظه 💙

..

نبدي و غلسوا على سحك 😂

..

وخرت منه ورفعت أيدي : جبل ترا آخر مرة انطيتك فرصه وربي يا جبل اذا تحجي ويه ابنيه لو مزوج عليه .. ورب الكعبه يا جبل وحياة جهالي .. هل مرة ما ارجعلك ..

جبل بصدمه : ولج اشدتحجين .. تعالي افهمج كل شي ..

جرني وكعدني على جربايه و كعد كبالي ولزم ايدي و بلش يحجيلي عن عشق واشلون اجه جواد وكله وختمه وهو يكول باجر اروح اشوفها ..

غرام : اني هم اجي وياك ..

جبل : وين تجين حبيبتي راح يشكون بالامر واني ما اريد اي أحد يعرف بهل شي حتى .. واني اروح يم جواد بصفتي صديقه .. انتي بصفتج شنو

هزيت راسي باي محجيت اي شي ثاني .. ردت اكوم جان يجرني جبل لحضنه و باسني وخرت عنه

جبل : اشبيج حبيبتي

غرام : جبل عندي موضوع وياك بعدين ..

جبل : لا احجي هسه ليش بعدين كاعدين وماعدنا شي وبعدين ليش تكولين جبل شنو جلدج يحكج انتي

غرام : لا حبيبي بعدين احجي .. كوم هسه عمامي هين ..

جبل : نشوف اخرتها وياج امشي حبيبتي امشي ..

نزلت جوه و كعدنا ويه عمامي و كل سالفه على عشق وينها ووين ممكن تكون و اشلون ما تبين .. و هي عايشه لو ميته .. و عمتي أم جبل كاعده و ساكته متكدر تحجي بس بكلبها حسره مبين من عيونها ..