معشوكه الشيخ جبل

جزء الثاني بارت رابع عشر 🖤

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

شكرا للتفاعل و اتمنى تظلون هيجي تتفاعلون🥺

والله فرحتي ما تنوصف واني اشوفكم هيجي تتفاعلون 🤗

و اتمنى ما اتبطلون تفاعلكم علمود اظل انزل الكم يومي ..

..

يلا نبدي

..

عشق ..

كمت حسيت راسي توجعني حيل اول ما فتحت عيوني .. شفت اثير فوك راسي بسرعه كعدت .. من كعدت راسي وجعني .. ما اهتميت و عدلت الكعده شفت نفسي بمكتب اثير .. وبس هو موجود

عشق بتالم وخجل : اني شسوي اهنا

اثير وهو داير ضهره عليها و يسوي نفسه يلعب بالملفات : أغمى عليج من خوف من فاره ..

عشق كمت واني اشيل غراضي : شكرا الك .. واسف زعجتك .. كمت اريد اطلع .. محسيت غير حضني بالباب و هو واكف كدامي و عيونه حمر من عصبيه و دماراته ركبته اشلون مبينه ..

عشق بخوف وادفع بي : دكتور ش...

اثير و قاطعني بحده وهو يباوع بعيوني : ولج تريدين تتزوجين .. هاا ادبسزز .. شوفي لج قسما بالله اذا قبلتي بالي جايج وربي اجي اذبحكم انتي وياه بليله زفه .. افتهمتي وربي اسويج مضحكه كدام الطلاب و اخلي كرامتج بالكاع ..

.. و اشوف اذا تطلعين من مرحله الرابعه .. الا ارسبج كل سنه .. حتى لو جبتي درجه كامله اني دكتور ومن حقي ارسب او انجح اي طالبه و جيبي الزلمه الي يمنعني ..

كضيت دموعي منه و اني ادفع بي و كلت : وخر عني شتريد مني انت

اثير : ترفضين الي جايج و اليوم اجيب أهلي و اجي اخطبج و اشحدج اذا ما تقبلين اسوي الي كلته ..

ردت احجي اندك الباب ووخر عني بسرعه عدلت نفسي و كضيت دمعتي و فتحت الباب علساس اريد اطلع جان صديقتي تسال عليه رحت وياها للكافتريه و كعدنا سوه ..

.. واني مالي نفس و مقهورة اريد بس ابجي .. طلبت كهوة لأن من اتعصب ما ادري بروحي و اشربه علمود اهدا .. جان تحجي صديقتي و تكلي اشلون دكتور اثير ركض عليه و لزمني قبل لا اوكع و شالني و اخذني يمه آخر شي كالت شغله صدمتني بيها وياريت محاجيه ..

..

نبأ ببجي : محمد شيل ابنك والله ذبحني بس يبجي

محمد و كعد من نوم و اخذ ضرغام ابني الي جبته و انصدمت بي ولد رغم السونار جانت تكلي ابنيه و اني جنت مقهورة لأن ابنيه بس صدمتني من كالت دكتورة ولد ..