معشوكه الشيخ جبل

جزء الثاني بارت السابع 🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

احب اشكر تفاعلكم ويايه 🥺 .. و هذا بارت لعيون المتفاعلين ويايه و اتمنى تضلون بهل تفاعل ..

.. علمود اني هم اضل و انشرللكم و اتفاعل ويه تفاعلكم ..

يعني اذا قللتو تفاعل تقل طاقتي ☹و اذا كثرتوا تفاعل اتفاعل وياكم و انزللكم بارت كل ما اشوف تفاعلكم أكثر 😊

يلا اعوفكم ويه القصه ..

..

يلا نبدي

..

غرام و اريد اوخر منه : جبل لا تنسه اني حامل بثلاته  و مهدده بالاسقاط  .. يعني اذا ضليت اهنا راح انقهر زياده .. فعوفني براحتي الله يخليك يا جبل

جبل بعصبيه : اذا ما تريدين تشوفيني كولي اني اطلع وإنما انتي تطلعين مناه مستحيل انسي ..

غرام و وكع دموعي و بسرعه مسحته : علمود تروح يمها مو .. جبل دخيلك عوفني .. والله بعد ما ضل عندي قوه .. كافي عشت اهواي بحياتي كله حزن و من كلت خلص اعيش براحه اكتشفتك متزوج عليه وعندك ابنيه منها ..

.. و خذلتني للمرة ثانيه يا جبل .. بعد ما اكدر اتحمل والله  العظيم مضل عندي طاقه .. كافي رحمه لوالديك يا جبل كافي .. اذا صدك باقي ذرة حب بكلبك اليه .. عوفني اروح براحتي ..

جبل ومسح بكصته :  ماشي تروحين بس مو لبيت خالج راح اوديج .. لبيت عمي ابو محمد .. يومين يا غرام واجي اخذج يومين ..

محجيت شي ووخرت منه وهو طلع كمت اطلع ملابس اليه و للاطفال و دموعي ما وكفن .. كملت و اخذت جنطه وصحت ريم تساعدني انصدمت بينه و كالت

.. شكو ولج وين رايحه

غرام : رايحه لبيت عمي ابو محمد ..

ريم بصدمه : شصاير غرام احجي ..

غرام وبجيت مضل عندي طاقه خلص : خلي جبل يحجيلكم .. طلعت و ريم اخذت نبض و جنطه و اني نزلت توائم .. و طلعت كبل للسيارة ما اريد اشوف أحد .. لأن راح ابجي و اضعف كدامهم .. صعدت الاطفال للسيارة و مشى السيارة و جبل ميحجي اي شي .. وصلنه لبيت عمي و نزلت  .. نزل توائم  و جبل نزل نبض .. دكينه الباب فتحه جلال

جلال : يا هلا ياهلا والله عائله شيخ جبل هين .. ادخلو ادخلو .. دخلنه و جبل ما دخل من باب انطه نبض بايد جلال وراح دخلنه احنه و عمي بحب بينه وحس اكو شي بس ما حجه .. واني عفت جهال ورحت لغرفه محمد القديم و ذبيت نفسي للجربايه و غطيت لحد راسي و كمت ابجي ..