معشوكه الشيخ جبل

جزء الثاني بارت الخامس 🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

اني بخير الحمد الله  .. الي يكولون شلعتي كلبي من القصه 🥺 ترا اني هم انشلع كلبي اشوف تعليقاتكم الحلوه  و ما اكدر انزللكم بارت لأن ماعندي وقت انتضر احمل البارت لان النيت يمنه يبجي و يسحل بينا 😭💔

المهم ما اطول وياكم و اقروا القصه و لا تنسون تصوتون وتعلقون علمود اشوف تعليقاتكم الحلوه

..

يلا نبدي

..

و هذا البارت يخص بس عشق وهي بطله جديده راح تدخل ويانه 

عشق مرحبا اني عشق اخت جبل و أصغر من نبأ بسنه اني ادرس طب عام طبعا .. بعد ما روحت سنه يعني عدت السادس و خليت غرام تقريني .. فوك تعبها اني جنت اتعبها أكثر ..

.. جنت من صغري واني اشوف مسلسلات تركيه و اشلون الممثله تسوي عمليه و تحب الدكتور وياه فحبيت .. هذا الشي وكلت اصير دكتورة علمود احب دكتور وياي .. فالمهم اني آخر سنه من كليه يعني هل سنه راح اتخرج ..

.. بيوم كعدت و لبست ملابس تنورة اسود و قميص ابيض ساده و جاكيت جينز فاتح و شال اسود .. وحذاء اسود .. و حطيت مي اب خفيف و نزلت غرام مسويه ريوك وجبل كاعد على طبله بس يمكن جان الجو بينهم مكهرب ..

.. لان جبل معصب و هي مقهورة مبينه عليها .. بس والله غرام حقها شما تسوي ما اعرف اشلون متحمله جبل .. لأن هي فترا اطفالها كلش يتعبوها وانوب البيت عليها .. و كل شي عليها و جبل صارله فترا يعصب عليها بدون اي سبب .. و انوب صارلها فترا تشتكي من ضهرها و معدتها حتى اكل متاكل زين ..

صبحت عليهم بحماس و رحت لزمت غرام من خدودها حيل و بستها حيل كلت : اشلونها مرت اخوي الحبيبه الغاليه على كلبي

ابتسمت و كالت : بخير

ضحكت و شفت اشلون الحمرة مالتي بقت بخدها حجيت واني امسحها وباوعت على جبل يباوع علينه و ينافخ حجيت عن قصد اغث جبل : اكول غراميي ..

غرام وباوعتلي صفح : همم

ضحكت بخفه و كلت : اطلب طلب صغيرون صغيرون كللشش

غرام و رحت حطت جاي لجبل وحجت وياي : كولي

عشق و اتلوكلها اشويه : اممم تعرفين انتي عندي بحث باجر و اريد أحد يقريني مادامج انتي دكتورة جراحه وتعرفين بهل اشياء و ما شاء الله الانكليزي فول .. اريدج تقريني ياها ..