معشوكه الشيخ جبل

بارت الخامس عشر 🖤

يؤسفني أن أشيائي العزيزة على قلبي !

ما عادت كذلك 🖤 !

..

يلا نبدي

...

غرام ببجي .. بس ماكو محمد راح اتخبل الدراسه صار ملجئي الوحيد اتهرب من كل من عيون الكل و اروح للدراسه الهي نفسي بي رجعت لحالتي كبل

و انكس أحس كل ما اكعد وياكم جماعي أحس جاي اختنك أحس واحد جاي يخنكني محمد مخنوكه تدري شنو يعني مخنوكه يعني خلص الدنيا كله صار

اسود كدام عيني مرات يجي شيطان و يوسوس غرام انتحري شمنتضره روحي يم ابوج و امج ماعندج شغل اهنا ليش ضاله اهنا اهنا مو مكانج و اكعد اكول خلص راح انتحر بس ماعندي جرائه اسوي هل شي والله

محمد إجه يمي و مسح دموعي .. اشش شجاي تحجين انتي ما اريد اسمع هل حجي بعد

غرام و دموعي تنزل من كيفها .. محمد لو جنت اكدر اسوي مجنت مضطرة اتحمل كل هذا و يكون خلاص .. بس مجاي اكدر .. مجاي (دموعي ينزل ما وكفن ابدا )

اكدر محمد .. الانسان صعب يتخلى عن حياته .. بس صدكني يا محمد اريد هل شي اهوايه .. صدكني اريد اموت و اعوف كل شي ورا ضهري محمد .. لو جان

عندي اشويه جرائه اقسم لك محمد جنت اسويها و جان جبل يخلص مني بس مجاي اكدر محمد .. اعتذر والله مجاي اكدر اسويها و مسحت دموعي بوجع

وكملت .. شوف محمد اني تعبت اهواي .. مجاي اكدر اتحمل بعد ... تعبت اهواي من محاوله تنفس بطبيعي كدام كل و اني من داخلي متحطمه .. و نزلو دموعي

مثل شلال و كعدت بالارض يم رجل محمد و ابجي مثل كانو اريده ينقذني حجيت بصوت عالي اشويه .. ملليتت محمد تسمعني مليتت خسرت كل شي

خسر ابوي و خسر امي و خسر جبل و خسر نفسي هم مبقالي شي و انهاريت طلعت كل شي بداخلي محمد راستا شالني و وكفني و حضني و اني منهاره

جنت اتمنى جبل بدال محمد بس صدك محمد اخوي و سندي نيمني بالجربايه و انطاني منوم و شربني و اني ابجي ضل يمسح بشعري و يهديني

..

نبأ دخل محمد لغرفتها و اني و ريم نتصنط نريد نسمع و احنه نتصنط جان نسمع صوت من ورا اني و ريم بسرعه تعدلنه

جبل بحده .. شدتسون

اني و ريم مثل كانو انبلع لسانه جان يجي صوت غرام تبجي و تصيح بصوت ناصي و تكول مليتتت محمد تسمعني مليتت مبقالي أحد خسرت كل شي

خسرت ابوي و امي و جبل و نفسي من كالت جبل اني و ريم باوعنه لبعض بصدمه و بعدين باوعنه على جبل مصدوم هو هم كال

جبل .. محمد جوه

اني و ريم هزينه راسنه باي و احنه مصدومين بعدنه راد يدخل جبل ريم وكفت كدامه و ساده باب غرفه