معشوكه الشيخ جبل

جزء الثاني بارت الثاني 🖤

وكأنني امتلك شخصين بداخلي، احدهما يريد أن يرى العالم، والآخر لا يريد أن يغادر غرفته..🖤

..

معشوكه الشيخ جبل

للكاتبه عبير عبدالهادي

..

حبايب كلبي اشلونكم بخير ان شاء الله .. حبيت اكللكم اسف على تاخير .. بس اكيد ما اتأخر اذا ما عندي ضرف أو جنت مشغوله بشي ..

.. حبيت اعتذر على الي يدزولي بالخاص واني اتأخر بالرد بس والله جان الفترا الي راح من نهايه 2019 إلى هسه جنت مشغوله حيل ..

..  و جنت بس انزل بارت وراستا اطلع حتى مجنت لا ابوع للاشعارات ولا اي شي و اليوم بالصدفه دخلت للرسائل انصدمت بكميه الرسائل الي واصلني منكم ..

.. و اعتذر جدا جدا جدا على تاخيري بالرد وعدم ردي الكم .. بس هسه رديت و راح ابلش ارد عليكم

.. و حبيت انبهكم شغله ثانيه انو اذا البارت اذا كان تصويت أو تعليقات أقل من 100 مستحيل انزل بارت ..

.. يعني الي يشوفون بارت وما يصوتون ترا هي نجمه تضووها تصير تحت ايدج اليمنى و ما يضر بالعكس تضوون البارت وتروحون .. يعني ماكو ضرر وربي 😭💔

..

يلا خلص خلي نبدي بالقرايه و لا تنسون تصوتون وتعلقون ..

قرائه ممتعه  ..

..

غرام كعدت الصبح و شفت جبل نايم و الأطفال كذالك .. كمت واخذت شاور سريع وطلعت شفت الساعه ب سته إلا ربع .. بدلت و رحت على جبل نايم على بطنه تقربت منه و همست

حبيبي جبل كوم صلي الفجر ..

شفته فتح عيونه بثكل ومن شافني ابتسم بسته بشفته ورجعت شعره لورا بابتسامه وكلته : يلا بابا كوم غسل لأن متلحك على صلاة وراح تروح عليك الدوام ..

جبل بابتسامه : ماكو بوسه ثانيه

غرام ووخرت عنه : لا تصير طماع باباتي كوم

جبل و كام : اخخ بويه يروحلج فدوه ابوج ..

ابتسمت بوجه و كمت اصلي وهو دخل يسبح .. كملت صلاتي وهو بعده بالحمام .. اندك موبايله استغربت منو هذا الي يدك عليه الفجر .. تقربت من موبايل استوني اريد امد أيدي على موبايل شفت ايد جبل سبقني واخذ موبايل .. وطفاه

غرام باستغراب وشفته طالع ولاف منشفه بخصره: هاي اشبيك جبل .. منو هذا الي مخابر عليك بهل فجريه ..

جبل : واحد صاحبي بالشغل ..

شكيت بالامر محجيت شي بس هزيت راسي باي .. وكتله بهدوء : اني راح اروح اسويلك ريوك وانت صلي وبدل وتعال الريوك جاهز