معشوكه الشيخ جبل

جزء الثاني بارت الثاني وعشرون🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

حبايب كلبي اعتذر على تاخير بس والله نيت من صبح مجان عدنا و من اجه نزلتلكم ..

.. يعني لا تفهمون غلط بس النيت هل فترا مدري اشبي لو ضعيف الخط مينزل بارت لو ماكو نيت اصلا ..

يعني اتمنى تعذروني اذا منزلت أو تاخرت بالبارت هذا اكيد اكو شي مو لانو تتفاعلون و بطلت ..

بالعكس اني كلت اذا تفاعلكم يضل قوي اضل انزللكم يومي ان شاء الله  ..

وهسه اخليكم ويه القصه وغلسوا على سحك😂

و اعوفكم في امان الله

..

نبدي 

..

فهد واندار على صخر و لزمه من ياخته : ولك تعال اليوم اسوي دم للركاب بيني وبينك ..

صخر بصدمه : اشبيك تسودنت وخر ايدك 

جواد بعصبيه : ولك فهد اشبيك تسودنت

فهد و عاف صخر و اندار عليهم : شي بيني وبين صخر محد يدخل .. ولك صوصو ذاك اليوم داينتك ربع ليش مرجعته هاا ولك

صخر انصدم و نزع العكال و فهد شال دشادشته بحلكه وشرد و صخر وراه بالعكال .. هو وصخر اصدقاء من طفوله و شقه بينهم بدون حدود ..

.. و جواد و جبل كذالك .. لزمه صخر و دك كتل على فهد بالعكال و فهد مات ضحك جوه وهو يذكره بشكله من كله اليوم دم للركاب .. و ذولاك يضحكون عليهم

جبل و هو يضحك : كافي ولك صخر اكعد راح تموت الولد كام صخر منه و فهد شابع ضحك على شكله .. كعدوا يحجون ويضحكون و مندمجين بالحجي لحد ما جواد شاور على جبل اريدك بحجايه وحدنه جبل استغرب و كام و طلعوا للحديقه ..

جبل باستغراب : شنو خويه بيك شي

جواد و هو يحك بلحيته : والله خويه صار لي شي غريب قبل ثلت اسابيع ..

جبل : احجي خويه صايرلك شي و مخبي عليه شايفني شي مرة مخبي شي عليك شني اني مو اخوك ..

جواد : لا والله خويه انت اخوي ونعم الاخ .. بس هذا الشي غريب اهواي مكدرت اكوله .. وهذا دخيل عندي ..

جبل : قلقتني خويه احجي شكو ..

جواد : قبل فترا جان اخوي فهد كاعد بالحديقه الورانيه وسمع صوت بالزرع مالته و طلع شاف أحد هو شال اسلاحه عليه لكن انصدم بيها ابنيه و البنيه جان حالتها يرثه لها و تقدمت لفهد و لزمت سلاح و رادت تضغط عليه و تذبح روحها ..