معشوكه الشيخ جبل

بارت الثالت 🖤

نبا .. مرحبا اعرفكم بنفسي اني نبأ اخت جبل عمري 16 احب ابن عمي محمد بس هو يحب بنت عمي ويعني يحبون بعض و اني كل يوم احترك

تغدينه خلصنه جنت ضايجه حيل مدري ليش طلعت للحديقه ورانيه مشيت انصدمت ب محمد و سحر بنت عمي حاضنين بعض و محمد خال راسه بركبته شفت عمي طلع كلت بسرعه والله اذا شاف يخربهم

لا اراديا رحت يمهم و بسرعه وخرتهم عن بعض همه انصدمو كتله

نبأ .. ها ابن عم اشلونك

محمد بعصبية .. اشبيج نبأ خبله انتي

نبأ و ااشر بعيوني على عمي كتل بصوت ناصي .. نصي صوتك عمي

هو عاد بسرعه باوع صفح شاف صدك عمي واكف .. اه بخير الحمد الله انتي اشلونج

نبأ .. يلا سحر امشي ندخل .. مجاوبته و اني كاضه دموعي بدال ما اساعدهم هو جاي يصيح عليه عاد دخلنه جوه سحر تشكرتني اني مجاوبتها بس خزرتها و طلعت لغرفتي قفلت الباب و كعدت ابجي بالكاع

..

ضاغط على خصري حيل و هو يحجي و كل كلمه يزيد الضغط على خصري و عيونه حمر من عصبية ..

جبل بعصبية .. اقسم بالله اذا ما لزمتي لسانج ويه صخر والله اذبحج بالقبله اذا حجيتي ويه أحد

حجيت و اني أتألم .. جبل عفيه أه وخر جاي توجعني وهسه يدخل علينه أحد

جبل بعصبية أكثر .. مفهوم

هزيت راسي بأي و اني كوه كاض دمعتي اشبي هذا محد متجرء لحد هسه هيجي مسوي وياي وخر عندي عاد اني ركضت على غرفه نبأ دكيت باب فتحت و هي هم باجيه قفلت باب و كعدت ابجي و هي شافتني و تبجي

و كعدنه وحده تحجي على ثانيه ليش تبجي و نواسي بعض و احنه نبجي اخير شي غسلت وجهي بالحمام و رتبت نفسي نزلت شلت عباتي لبستها رحت على أبويه كلت

غرام .. بابا راح اروح على بيت

الجد .. وين وردتي بعد وكت حدري يمي

غرام .. لا والله جدو تعبانه و هم كاعده من وكت اريد اروح
الجد .. حقج بنيتي روحي

غرام .. يلا اترخص .. كمت و طلعت من البيت و رحت لبيتنه فتحت الباب و دخلت و رحت كبل لغرفتي دخلت الحمام سبحت و طلعت لبست تراك

اسود و نزلت نضفت البيت اشويه و طلعت فوك كعدت إقرأ بعدين رحت سويت عشه جان يدخل ابوي وسلم رحت حضرتله الحمام و منشفه هو دخل و

حضرتله ملابسه على جربايه و طلعت اشوف العشه صار العشه و سمعت صوت دخل عبالي ريم كالت و اني اصب العشه

غرام .. ليش ما اجيتي ويه بابا

ريم .. اي جنت ملتهيه بالحجي

نبأ .. اني هم موجوده .. رفعت راسي جان اشوف جبل وياهم و اني بسرعه عفت الي بايدي و ركضت على كاونتر شال و حطيته براسي