معشوكه الشيخ جبل

جزاء الثاني بارت الخامس عشر 🖤

..

..

معشوكه الشيخ جبل

للكاتبه عبير عبدالهادي

..

..

مرحبا اشلونكم شخباركم ان شاء الله بخير

حبايب كلبي انتو احب اشكركم على تفاعل الحلو الي جاي تسوونه 🥺

و اني ما انزل لأن النيت يمنا حيل ضعيف يعني ماكو مينزل بارت مينزل .. و اكو مشكله بالواتباد مالتي مجاي ينزل بارت ما اعرف ليش بس مينزل يكول اكو

.. مشكله و اني كاعده و اعض باصبعي و ادعي ربي ينزل البارت والله ما اعرف شنو اكو بالضبط بس ماكو مينمل بارت مدري اشبي راح ابجي طين😭💔

المهم لا تبطلون تفاعلكم القوي و اريدكم بعد اقوى 💪💪💪

..

ويلااااا نبدييي

..

عشق مشت الايام و رفضت ابن الشيخ كاظم ترزلت من امي خوش رزاله لأن الولد مادب و متربي بالديوان وما بي اي عيب ..

بعدها بيوم إجه خطبني اثير .. و كرهته كرهت على نفسي من ورا هو مزوج و عنده طفل .. وجاي عليه اصلا صوجي اشكد نبهتني غرام ابتعد عنه بس والله هو بس بالمحاضره جنت اباوع عليه ..

.. انجبرت عليه لأن من تاخرت بالرد جواب إجه هددني مرة ثانيه و حتى حاول يعتدي عليه لأن كلت راح ارفضك .. و قبلت غصب عني ..

.. كضيت الليالي كلها ابجي .. و امي تكعد ترزل بيه لأن وافقت على واحد متزوج و عفت ابن شيخ كاظم وابن ديوان .. ما تدري بيه انجبرت و ضليت لا ليلي ليل ولا نهاري نهار ..

.. غرام ملاحظه عليه اشكد تسال اشبيج اشبيج ما ارد و اكللها مابيه .. بيوم جان بالليل راح يجون مشيه زلم و يحددون موعد زواجنه .. بدون خطبه ..

جنت كاعده برا بالحديقه الورانيه و ابجي وحاضنه نفسي و شعري مفتوح و لابسه الفستان الي راح يشوفوني بيها امها و اخوتها .. جنت شارده من جوه لأن أحس اختنكت و كعدت ابجي برا وحاضنه نفسي

.. حسيت بايد براسي شلت راسي شفته جلال باوع عليه وابتسم بحزن اول مرة اشوفه هيجي

جلال : اشبيج وليش كاعده اهنا تبجين مو لازم تدخلين و يشوفوج امه و أخوته 

هو حجه هيجي زدت بجي أحس بعد ما اتحمل انربط بشخص مريض نفسي كمت وكفت كدام جلال وحجيت واني ابجي واضربه بصدره : ما اريده ما اريده وربي ما اريده جلال خلصني منه ..

هو باوع عليه بصدمه ولزم أيدي الي جنت اضربه و جرني لحضنه ويمسح بشعري ويهديني

..