معشوكه الشيخ جبل

جزء الثاني بارت الثالت وعشرون 🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

حبايب كلبي اشكركم على تفاعلكم الحلو .. و اتمنى تستمرون ..

.. يعني والله حتى الشكر احسه قليل بحقكم .. لأن تفاعلكم كلش حلو

.. و حيل يفرحني اتمنى تبقون هيجي تتفاعلون علمود اني اتفاعل وياكم ..

.. و علقوا بين فقرات و اشوف ردت فعلكم على افعال الي جاي يسوونه 🥺

.. و اهم شي غلسوا على سحك 😂

و اعوفكم في امان الله وحفظه ❤

..

نبدي

..

ريم زادت بجي ووخرت من شاهين : هو مرة تعاركت لأن اكل جبسي مفضل واني جنت مشتهيته .. وبعدين اني مو ويه احمد وامير .. وزادت بجي وهي تمسح بدموعها .. كله منك كتلك ما اريد اطفال وهذا بسببك جاي ياذيني وما مخليني مرتاح كله معتي توجعني و ما يخليني اكل زين ..

شاهين ويباوعلها بصدمه : اشدتحجين انتي حبيبتي فهميني أكثر .. ومد ايده وجرها كعدها بحضنه و حط ايده لبطنه وباوع عليها .. قصدج انتي حامل ..

ريم ببجي ووخرت ايده : ايي .. وخر ايدك

شاهين وحضنها حيل والفرحه مو واسعته : زين ليش بجي حبيبتي ..

ريم وحضنت شاهين : لأن معتي حيل توجعني مجنت هيجي باحمد و امير .. وحتى ميخليني اكل زينه كله اذبه من راسي ..

شاهين و يمسح بضهرها :  اشش حبيبتي كافي بجي .. لازم تفرحين راح يجيج الثالت ..

وخرت ريم من حضن شاهين  ورفعت ايدها بتهديد اله ودموعها بلشت تنزل من جديد : والله يا شاهين اذا جانت ابنيه .. اذا شلتها لحضنك أو كتلها ابنيتي أو حبيبتي راح اوعفلك ياها وامشي اني .. اني بس بنتك و وحيتك محد غيري بنتك افتهمت ..

شاهين و حضنها وهو يضحك : ولج من هسه بلشتي تغارين .. لعد من تجي شتسوي ..

ريم وعضت من جتف شاهين صاح شاهين بصوت ناصي وهي مجلبه متوخر .. آخر شي شاهين بلسها بجتفها وهي رخت العضه وخرها شاهين بسرعه

.. ولج صايره شرسه هاي ليش

ريم ببرائه : اشتهيت اعضك مو صوجي صوج ابنك والله ..

شاهين ورفع تك حاجب وهو كاض الضحكه على شكلها : لا والله .. وابني يكول اكل ماما عادي اكلج يعني ..