معشوكه الشيخ جبل

بارت الثاني عشر 🖤

يلا نبدي ..

خلص العيد ماكو أحداث جديده بس جان من احلى الاعياد لان جبل جان موجود وياي صح يغار و ميقبل عليه بس هم حلو احب غيرته عليه احلى شي احبه

بي هو غيرته عليه المهم بيوم بعد العيد بالليل ابوي كعدنه اني و ريم و ضل يحجي ويانه و يوصينه بنفسنه مدري حسيت اكو شي سالته كال ماكو شي

و كال باجر اروح لبغداد كعديني من فجر كلت ماشي و رحت  ما نمت ضل كلام أبوي يتررد براسي للفجر رحت اكعد بابوي مايكعد تخبلت صرت اهز بي و

اصيح ما يكعد اجت ريم شافت ابوي هيجي ضلت تهز بابوي وتبجي اني ضليت ابجي شسوي ركضت بالليل جان ساعه بثلاته ركضت بدون حجاب برا ادك

بباب بيت عمي طلع جبل يركض من شافني انصدم بسرعه حضني يخبيني و كال شكو كتله ابوي الحك راح ابوي راح طبعا دموعي يصبن ركض عمي و جدي

و صخر و شاهين وجبل صاح على عمتي تجيبلي حجاب و هو طلع يركض لبست حجاب ورجعت للبيت شفت جدي كاعد يبجي عمي يبجي شاهين حاضن بريم صخر يخابر مدري منو اني كلت شكو

جبل .. اهدي حبيبتي اريدج قويه

ريم ببجي وتدفع بشاهين .. شاهين عوفني ابوي راح شاهيننن عووفننيي شاهين كاضها بالكوه لأن تضرب بي بكل قوتها اني رحت ركض شفتهم غاطين رأس ابوي فتحته و اصيح ليش

مغطين راسه هو نايم هسه يكعد شالني جبل اني ما اقبل اكوم و ابجي و الطم جبل لازمني بالزور و طلعني من غرفه دقايق جان كل عمامي يجتمعون و

نسوانهم وولد عمامي كلهم صارو ببيتنه اني اريد ابوي جبل لازمني ميقبل ادخل ادفع بي و اصيح ميقبل ريم نفس حالتي لازمها شاهين

ابو نسر بغصه .. ابني شيلو نودي نغسله

غرام ببجي و صياح .. ياا تغسلو ابوي نايم مو ميت هو كال كعديني اروح لبغداد مستحيل ابوي ما يعوفنه وخر جببللل ووخرر اروح على ابوي

جبل بقهر .. حبيبتي هدي هدي

ريم ببجي و صياح .. باباااااا

ام جبل ببجي .. يمه لا تسون هيجي بنفسجن كلنه على هل طريق لا تعذبون ابوكم  .. لزمونه نسوان عمامي و احنه نصيح عليهم و همه اخذو ابوي وراحو

التمو جوارين كلها اني صعدت لغرفتي ملجأ الوحيد الي بقالي مجاي اصدك ابوي عافنه وراح ضليت قافله غرفتي و ابجي مجاي اصدك ابوي مات

اندك بابي بعد ساعات سمعت صوت ورا الباب يكول ما تريدين تودعين ابوج جابو .. كعدت كل ضني ابوي إجه علينه فتحت الباب و اني فرحانه اكول اكيد إجه

ابوي نزلت ركض نسوان يبجون استغربت ليش يبجون دخلت للاستقبال شفت عماتي يلطمن و يبجن و تابوت بالنص اهنا حسيت بشي انكسر بداخلي و