معشوكه الشيخ جبل

البارت السادس عشر 🖤

حبايب كلبي انتو اشلونكم بخير ان شاء الله

غلسو على الأخطاء و اقرو النهايه لأن اكو توضيح لبعض الاشياء انتو لازم تفهموها  ...

يلا نبدي

...

كعدت على صوت نبأ تكول راح نتاخر للبيت رحت اخذت شاور و لبست ملابسي ملبست عبايه اصلا من جيت لبغداد تركتها مدري ليش .. طلعنه و طريق كلها

اني صافنه المهم وصلنه للبيت دخلت الجو متغير جدي متغير عمي ميباوع بوجهي ريم مقهورة عمتي مقهورة عشق كذالك أحس اكو شي كعدت وياهم حسبالي جبل بي شي لأن ما موجود كلت بقلق

غرام .. عمي جبل بي شي

ريم نطت بعصبيه .. و تسالين عنه هم

شاهين بحده .. اكعدي ريم

نبأ .. يمه شصاير

عمتي نزلت دمعتها و كالت .. يمه غرام عوفي جبل ما ينفعج

غرام بخوف .. ليش عمه

ريم بعصبية .. لا تسالين ليش هو ما يستاهلج يريد يتزوج وحده مهندسه وهو حابها

غرام جنت متوقعه هيجي شي من تغيره عليه ما سويت شي بس كمت كلت بهدوء عكس نار الي مشتعله بكلبي .. محمد انتضري بس الم جم قطعه

محمد .. ها اي يلا خيه .. كمت و اني دموعي ما كو اختفت متنزل بس شعوري ما اعرف شنو ذاك الوكت خذلان خوف حزن ما ادري اخذت جم قطعه و طلعت

نزلت بست رأس جدي و ايده و ايد عمي و راسه و طلعت حلقه من أيدي و انطيته لعمي حطيته بايده هو اصلا مباوع بوجهي مبين مقهور و من حطيت

حلقه بايده دار وجه و مسح دمعته ابتسمت و طلعنه اني ومحمد

..

نبأ مصدومه جبل مو يحبها زين ليش هيجي سوه اول مرة اشوف دمعة ابوي طلعت غرام ضل البيت ساكت كامت ريم كالت

ريم .. راح يجي ابوي ياخذني .. انصدمت أكثر بيها شاهين تخبل و صيح عليها سكته جدي و بس محجى شي طلعت ريم للغرفه لحكناها اني و عشق شفتها تطلع بالجنط مبينه مجهزه نفسها  وغراضها

نبا بعصبية .. شدتسوين تعوفين اختج وحدها و تروحين

ريم بعصبية وبجي  .. ما عايفتها و ما اعوفها و مستحيل حتى افكر اعوفها حتى بس هي لازم تسند نفسها بنفسها تفكر شتريد و شراح تسوي .. و اخذت ملابسها و راحت للحمام دخل جبل انصدم بيه كال

جبل .. رجعتو

نبأ من ورا خشمي .. ايي

جبل .. وينها غرام ما شفتها

نبأ .. ليش تسال عنها مو راح تتزوج

جبل بصدمه .. غرام عرفت