معشوكه الشيخ جبل

جزء الثاني بارت الخامس عشر 🖤

..💙

..💙

..

معشوكه الشيخ جبل

للكاتبه عبير عبدالهادي

..

حبايب كلبي انتو شخباركم ان شاء الله بخير

حبايبي اني كتلكم البارحه أيدي انحرك فمجاي اكدر اكتب اهوايه كله بالاصوات اكول و يتسجل و يصير كتابه ..

.. يعني اتمنى تتفهمون موقفي و احب اشكركم على تفاعلكم و ضلوا اكتبوا بين فقرات ..

.. و بقى بارتين و يصير النهايه للجزء الثاني و نتمم القصه ان شاء الله ..

.. تحمسوا وجلال راح تعذرونه بالاخير 🥺 .. من تشوفون السبب الي خله جلال يسوي هيجي ..

.. و ابقوا علقوا بين فقرات و اني اقرا و اشوف كلامكم الحلو 🥺

.. و اتركم في امان الله وحفظه 💙

..

نبدي

..

اندك الباب و طلعت اني كل ضني جواد و اخوه الي على باب .. ولكن اول ما فتحت الباب انصدمت بجلال واكف بالباب .. ردت أسد الباب جان يدفر الباب و يدخل ويضربني راشدي من هاي الزينه .. الي يخدر مكان الضربه اسبوع ..

..  باوعت عليه بصدمه ولازمه خدي .. اريد اركض وادخل جوه أحس رجليناتي اتصلبت مجاي اكدر لا امشي ولا اركض .. تقرب و جرني لحضنه حيل يبوس بيه و يحضني بكل قوته ..

.. وعيت على نفسي و اريده يوخر ماكو ادفع بي و اضرب بي ماكو ابجي و اصيح بي وخر وخر ماكو .. لحد محسيت واحد جره عنه .. باوعت منو هذا شفته جواد .. بس جواد بحاله ابد مشايفته ما اعرف اشلون اوصف شكله ..

.. جواد هجم على جلال يضربه و فهد صار بينهم يفككهم .. و اثنينهم يريدون يموتون بعض .. واني واكفه ابجي ودموعي شلال واني اشوفهم اشلون يتكاتلون .. آخر شي فهد دفع اخوه و جر جلال برا و سد الباب و جلال يدك بالباب ويتحلف ألهم ..

اندار جواد عليه وصاح بيه : جم مرة كتلج لا توصلين للطرمه هااا .. انوب تفتحين الباب شنو انتي هذا الي براسج عقل لو شنو .. ليش متسمعين كلام .. واذا انت تريدين زوجج .. شكو كاعده ببيتي لعد ..

قاطعه فهد وهو يباوع عليه : جواددد خويه اشبيك شوف حاله البنيه هسه وكت عتاب .. تقرب مني و ما كدر يلمسني صاح امه من جوه وهي مسكينه طلعت و الخاولي براسها ودشداشه لابستها بالمكلوبي 

ام جواد بخوف : خير يمه شكو شنو هل صياح

فهد : كافي بجي خيه دخلي جوه .. ولا تهتمين لحجي جواد ترا معصب و من حركه كلبه ..