معشوكه الشيخ جبل

جزء الثاني بارت الرابع 🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير  ..

ادري والله طولت عليكم اهوايه و حقكم .. بس والله صايرلي ضروف بالبيت مكدرت انزللكم ..

.. اعتذر والله و اشكد ما اعتذر ما اعرف اذا تسامحوني أو لا  .. بس الله شاهد عندي ضروف ..

.. يعني اني لو ما عندي شي اكيد جنت راح انزللكم بس صارت اشياء اهوايه منعني من انو ادخل بالواتباد حتى وربي الله شاهد  ..

.. وهسه المهم نزلتلكم هاي بارت و اذا شفت تفاعلكم باجر الصبح انززلكم واحد ثاني تدللون اليوم اسهر بس علمود اكتبلكم بارت .. بس اذا مشفت تفاعلكم لا انام احسلي  ..

المهم اعوفكم ويه القصه

..

يلا نبدي ..

..
ثاني يوم الجمعه كعدت الصبح اليوم الكل اهنا مثل العاده بس عمتي ام سجاد هم راح تجي و تذب سمومها .. (للتذكير هاي نفسها الي جانت راح تزوج ابو غرام بوكتها) 

.. كمت واني الف شعري دخلت للحمام و غسلت وجهي و أحس ضهري العامود الفقري مالتي مكسور و كل ما اتحرك تموتني وجع ووجع بمعتي فضيع ..

.. والليل كلها منايمه علمود ها شي كل ساع افز .. المهم كملت و طلعت من حمام شفت التوائم كاعدين بالكاع و يلعبون .. ماكو مكان بالغرفه صح جبيره بس احنه خمس نفرات عائلتنه كبرت ما شاء الله ..

و الأطفال كلهم عدهم سريرهم و عدهم كنتور و يريدون مكان خاص ل العابهم و يلعبون بي .. كعد جبل على صوت توائم وهمه يلعبون .. و باوعلي و ابتسم

جبل : صباح الورد حبيبتي .. اشلونج

ابتسمت بوجه و كلت : صباح الياسمين حبيبي .. بخير بشوفتك ..

جبل : تعالي انطيني بوسه ..

خزرته بخجل وكتله : جبل الأطفال يسمعوك لا ينحرفون بسببك ..

ضحك بصوت عالي و اندار صقر ونمر من شافو ابوهم ركضو عليه و يلعبون وياه ويضحكون اثنينهم صاعدين ببطنه و يضحكون وياه .. ابتسمت عليهم و رحت كعدت مابيه حيل انضف الغرفه والله من وجع تمددت بصف جبل صقر راد ينط فوكاي جبل مخلاه 

جبل : ولك ملعون .. اشبيك ويه امك عوفها ترتاح .. و كوموا يلا ل العابكم ..

كامو اثنينهم راحو يلعبون و باسني جبل براسي و كال : حبيبي انتي مريضه يوجعج مكان شي كولي والله احس بيج شي .. مو اطباعج هل فترا حيل متغيره ..