معشوكه الشيخ جبل

جزء الثاني بارت واحد وعشرين 🖤

..

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير 

حبايبي اني وعدتكم انزل بارت اذا وصل تعليقات ل 500 و انتو مصار يوم و وصلتوا لل600 يوم شنو مصار 10 ساعات ووصلتوا لهل عدد ..🥺

و حبيت اشكركم ببارت ثاني اليوم و اتمنى لا تبطلون تفاعلكم الحلو .. شوفوا نشري يعتمد على تفاعلكم ويه القصه انس سبق و كتلكم بعد بكيفكم  ..

و غلسوا على سحك 😂

واعوفكم في امان الله
..

نبدي 

..

عمتي فتحت عيونها بس الجلطه ماثره عليها و ما تكدر تحجي بعد و ايد ما تكدر تحركه .. طلعناها من مستشفى بعد أيام و عشق مالها أثر .. و محد يعرف بيها عايشه لو ميته ..

عمتي بس تبجي ما تكدر لا تحجي و لا تتحرك اهواي و متمدده بجربايتها .. و اني أطفالي يبجون عليه صار اشكد مشايفيني و خاصتا الاطفال الصغار جبل مشتريلهم مميه بس مقبلت ورجعت رضعتهم و غسلتهم و بدلتهم و نومتهم ..

.. و الكبار نفس الحال .. و غرام الصغيره مقبلت تنام و ضلت مجلبه بيه واني افتر لأن ضيوف ماليه بيتنه علمود .. عمتي أم جبل و جلال طبعا مختفي محد يدري وينه ..

.. و مرته ببيت اهله الي عرفته من ريم نبأ هاجمه عليها و مشبعتها كتل من هاي زينه .. و جايه لبيت اهلها .. و تعبت حيل من جه تفكيري يم عمتي و من جه الجهال و من جه جبل شنو يسوي و شنو وضعه ..

لليل يلا فضه بيتنه من ضيوف بس خالات و خوال جبل بقوا اهنا همه و جهالهم مدري ليش .. إجه جبل ساعه ب ثنتين بالليل اول ما دخل رحت عليه و حضنته وتعلكت بركبته .. هو بسرعه حط راسه بركبتي و حضني حيل وجرني لحضنه ..

غرام : حبيبي اشلونك مشتاكتلك ..

جبل : والله مو زين يا بعد عمري انتي ..

غرام ووخرت عنه : تعال حبيبي اسبح و غير ملابسك و تعال ارتاح .. هو ما رفض دخل للحمام وطلع بطرك شورت .. و رحت عليه نشفت شعره و كمل هو يمشط رحت اني على جربايه ..

.. و هو إجه حضني و حط راسه بركبتي جر نفس طويل منه .. واني خليت ايدي لشعره .. وهو بسرعه نام ما صدك .. سمعت من نبأ هو جم يوم منايم واصلا مجاي بس يجي دقايق يشوف الاطفال ويروح ..

.. حسيته صدك نام و ارتاحيت اشويه لأن نام هسه و ارتاح اشويه .. بس قلقانه على عشق وينج يا عشق هسه و بيا حال انتي حسبي الله عليك يا جلال ليش هيجي دمرت البنيه ..