معشوكه الشيخ جبل

جزء الثاني بارت الاول🖤

لو لم اجازف واقترب..🖤
كنت سأضل اعتقد بأنَ شيئــاً جمـيلاً قد فاتني ..

..

معشوقه الشيخ جبل

الكاتبه عبير عبدالهادي

..

حبايب اشلونكم شخباركم ان شاء الله بخير حبيت افاجئكم و انشر بارتات الي كاتبتهن ..

.. لا ما اضمن نفسي لباجر ..

.. و كلت ما دام عطله هم ننشر لأن ملل و ملينه من البيت .. و اتمنى تعجبكم بارت الثاني و تستمتعون بيها

.. و بردا وسلاما لمحافظات العراق .. و الله يبعد عنه الفايروس كورونا .. و يحفظكم ان شاء الله

..

يلا نبدي

..

شلت نبض لحضني وارضعه واني اشوف صقر يبجي يريد حضني .. وكام يضرب باخته لأن بحضني وترضع .. وخرت ايده بعصبيه واني احجي وياه ..

.. صقر لا تضرب اختك اصبر خلي تنام وبعدين اشيلك بحضني ..

زاد بجي و هو يكول .. توعان .. توعان .. وياشر لحلكه كسر خاطري و نمر بلش يبجي وياه .. تهت بينهم شسوي نمر و صقر يريدوني واختهم تريد ترضع وتنام .. وتعبت بينهم وانوب متعاركه ويه ابوهم .. وخرت اثنينهم مني وهمه يبجون ويصيحون اندك الباب صحت بي

.. منوووو

دخلت ريم مصدومه : هاي اشبيج ولج شكو ليش يبجون  ..

جاوبتها واني الا اشويه ابجي وجع بضهري وانوب مقهوره من ابوهم وهمه يبجون هيجي : ولج راح اموت اريد أرضع اختهم و همه يبجون وميقبلون ..

ريم وشالت نمر وهو يرفس بحضنه وميقبل يريدني : ولك نمرويي حبيبي انت اشبيك ويه امك هاا حبيبي .. خلي اختك ترضع وبعدين تجيكم انتو   ..

هزيت راسي باي و طلعت تسكت بنمر واخذت صقر هم وياه ..

.. رضعته نبض شلته وبسته من شفته و خليتها بمكانها .. طلعت من غرفتي واني اسمع صياح نمر وصقر واصل للشارع بويه والله اليوم كتلي حلال بايد جبل .. مشيت بسرعه لنمر وصقر دقايق مسمعت صوتهم دخلت لصاله .. شفتهم بايد جبل وعيونه حمر باوع عليه وصاح بيه كدام اهله

جبل بعصبية : جم مرة كتلج ديري بالج عليهم ليش هيجي عايفتي والولد طاك من بجي ..

محجيت اي شي عليه و تقربت منه اريد اخذ نمر نتر ايدي وكال : وخري عنه بعد وكت تجين جان بقيتي بالغرفه ..

ريم : ياا خويه جبل اشبيك ترا هي جانت ترضع بواحد وثاني يبجي ويضرب باخوه ميقبل يرضع اجيت اني اخذت نمر علمود ترضع صقر وتنومه ..