معشوكه الشيخ جبل

جزء الثاني بارت السادس 🖤

..

..

معشوكه الشيخ جبل

للكاتبه عبير عبدالهادي

..

مرحبا اشلونكم شخباركم ان شاء الله بخير

نزلت بارت و هاي لعيونكم بعد شتريدون

صوتوا و علقوا أكثر علمود لليل انزللكم بارت

يلا اتمنالكم قرائه ممتعه  ..

..

يلا نبدي ...

..

باوعلي مصدوم و كال : شدتحجين انتي ..

رجعت أيدي على عيوني علمود لا يشوف دموعي و كلته : ماكو داعي بعد تجذب عليه حبيبي .. و كول الحقيقه .. اني شفت رسالتك ويه مدري منو يكلك اشوكت تجي بنتك تريدك و جيب العاب لبنتك ..

مسمعت صوت و دموعي بلش ينزل .. بس حاطه أيدي على راسي ما يشوفني ابجي .. وكف السيارة عرفت وصلنه رفعت راسي و رفعت نفسي بالكوه إجه يساعدني نترت ايده .. و نزلت اني وحدي .. دخلت للبيت شفت الكل اهنا ..

.. و اجو يباركولي .. و اني ابتسم بوجهم بس ركضو عليه أطفالي و حضنتهم و كمت كعدتت و اجت ريم شايله نبض من شافتني ضلت تضحك و تاشر عليه .. اخذتها لحضني و ابوس بيها .. و صعد صقر لحضني نمر حاول يصعد مكدر راد يبجي سحبته هو هم صعد وحضنوني ثلاتتهم .. نسيت كل تعبي وقهري من جبل
.

جبل و إجه ياخذهم : تعالوا يمي لا اتعبون امكم ..

همه بسرعه حضنوني حجيت واني ابوس بيهم : عوفهم يمي مو تعبانه اني يمهم انسه كل شي ..

نبض و حاطه اصبعها بحلكها و بجت كالت : اما .. مم .. (عود ماما اريد ممه) و بعدين اشرت لصدري ..

استحيت منهم و بستها ووخرت ايدها من حلكها : اي ماما هسه .. ابوج يروح يشتريلج حليب ومميه ..

نبض بلشت تبجي و حطت ايدها لصدري همزين توائم جانو واكفين محد شاف وخرت ايدها .. ووخرت توائم من حضني و اخذتها لحضني وكمت .. إجه جبل بسرعه واخذها من حضني كال ..

.. وين تشيليها بويه وانتي حامل .. شنو نسيتي نفسج ..

محجيت شي وياه و ترخصت من كاعدين .. و لزمت توائم من ايدهم و صعدنه فوك .. و جبل ورانه شايل ب نبض .. وصلنه للغرفه و فتحت الباب التوائم دخلو يصيحون و ركضو على العاب .. كعدت اني على جربايه و شفت نبض وجبل اشلون نبض تبوس ابوها من شفته وهو يضحك صعدت عندي الغيرة

غرام : جيب البنيه ارضعها .. هو جابه و حطه بحضني .. و ردت اطلع صدري وكف كدامي حجه بحده

.. غطي صدرج ترا الولد كبروا ..

محجيت شي و غطيته بشال و كمت ارضعها وحجيت وياه : جيبلها مميه و حليب .. اضنك تعرف احسن نوعيه حليب لأن بنتك تشرب حليب اصطناعي ..