Perfect Imperfection (Season 2) [Completed]

Chapter 6

အဲ့ဒါကြောင့် ခုန ဒီကလေး အိမ်ထဲ၀င်လာတုန်းက ဖြူဖတ်ဖြူရော်ဖြစ်နေပါတယ် ထင်တာ...။ ဆရာ၀န်ဖြစ်ပြီး ဆေးရုံမှာတောင် မူးလဲတယ်ဆိုတော့ မဖြစ်သေးဘူး သေချာဂရုစိုက်ဦးမှပဲ...

" လီလီရေ...မိန်းမရေ....ကျန်းလီလီ..."

" လာပြီ လာပြီ ဘယ်လိုဖြစ်လို့ အဲ့‌လောက်အော်နေတာလဲ..."

" ငါတို့သားလေး နေမကောင်းဘူး...မနေ့ညက ဆေးရုံမှာတောင် မူးလဲတယ်တဲ့...။ အဲ့ဒါ ခဏနေ ဆေးတိုက်ဖို့ မင်း သားအကြိုက် ၀က်ကြာစွယ်စွပ်ပြုတ်လုပ်ပေးထားဦး..."

" ဟင်...ဟုတ်ပြီ ဟုတ်ပြီ...ဒီကလေးကတော့ နေမကောင်းတာကိုလည်း ပြောမသွားဘဲ ထိုးအိပ်နေတယ်...။ ဒါဆို ခုပဲ စွပ်ပြုတ်သွားလုပ်လိုက်တော့မယ်..."

"" ဘာ...ငါ့မြေးလေး မူးလဲထားတယ် ဟုတ်လား...။ ကလေးက အဲ့ဒါကြောင့် ပြန်လာတုန်းက မျက်နှာလေး နွမ်းနေပါတယ်ထင်‌နေတာ...။ မြေးလေး နေမကောင်းဖြစ်နေတာကို ဖအေဖြစ်တဲ့ မင်းက ဘာထိုင်လုပ်နေတာလဲ...ငါ့ဆေးရုံက သမားတော်ဖြစ်ဖြစ် လှမ်းခေါ်လိုက်လေ..."

" ခေါ်ထားပါတယ် ပါးရယ်...။ Prof Wang ကိုယ်တိုင်လာလိမ့်မယ်..."

"" သူကိုယ်တိုင် လာမှာလား ကောင်းတယ် ‌ကောင်းတယ်...။ ပြီးတော့ အဲ့ဒါ မင်းဆူဆူနေလို့ ကလေးက စိတ်ဆင်းရဲပြီး ဖျားတာနေမယ်...နောက်ဆို ကလေးကို အသံမာမာနဲ့တောင် မပြောမိစေနဲ့..."

" ဘယ်ကသာ ကျွန်တော် မဆူပါဘူး... ဒီသားလေးတစ်ယောက်ပဲရှိတာကို..."

"" မင်းဟိုရက်က ဆေးရုံထိလာဆူတာ ငါမသိဘူးများမှတ်နေလား..."

" ပါးကလည်း ဇွတ်ပဲ...။ အာ...Yibo လာပြီထင်တယ်...ဒီကောင် မြန်လိုက်တာ..."

ကျွန်တော် တံခါးဖွင့်ပေးလိုက်တာနဲ့ အိမ်ထဲကို ဝုန်းဒိုင်းပြေးဝင်လာတာမို့ မနည်းတားယူလိုက်ရတယ်...

" ဖြည်းဖြည်းဝင်ပါကွာ...ငါ့လည်း တိုက်မိကုန်တော့မယ်..."

" Sorry..Sorry...ဘယ်မှာလဲ ကလေး..."

" ဟမ် ကလေး ဘယ်ကလေးလဲ..."

" မင်း သားကို ပြောတာလေ..."

" မင်းဘိုးတော်...ငါ့သားကို ဘာက‌လေးလဲ...။ မင်းကို ငါနည်းနည်းတော့ ကြည့်မရချင်တော့ဘူး..."