رواية
" ظلام أبيض "
الحلقة التالتة " 3 "
رواد
" كانت حجرتي ف الدور الرابع وكان الروشن ع الرئيسي ، سمعنا صوت دوشة برا ورجالة يقولوا اسعافات وصوت عياط بنت ، خفنا ع شذى ووقف عمي عماد وخالتي ع الروشن يشوفوا وبالصدفة شافوا شذى قدام السيارة وخطوات صغيرة ويشبحوا ف الناس يقيمو ف مرا لابسة اسود والارض كلها دم ووجهها دم ، وشذى سكتت وقعدت تشوف للبنت والدم ، اختي شذى من لما هيا صغيرة خوافة وحساسة ومتتحملش وكان نجرحت جرح بسيط تقعد طول الوقت تبكي من منظره !
وتخش ف خالة لما تشوف الدم
فيابلك حد يقاوم ف" الموت " ممكن *
قدامها ويحاول ان يتحرك والدم مغرق ووجه !
""
نزلت زهرة وعماد يجروا لبنتهم يلي مصدومة بالمنظر وتعيط ، كان الناس يسحابوها اختها ولا حد يعرفها من عياطها ..
- زهرة ( تخبطلها ف خدها بالشوية ) : بسم الله بسم الله شذى شذىى بنتي تعودي من الشطان يا بنتي
- عماد ( شاد ف ايد بنته ويطب فيها ) : يلا بابا اوقفي يلا
- شذى ( ترعش ): البنت ماتت ، قدامي ضربها الراجل ه هه هيا هييا كانت واقفة عليا تسأل فيا حني وين
زهرة : تعودي من الشطان يا بنتي وهي نوضي البنت مافيهاش الا الخير توا دخلوها وبيشوفوها اهدي مش نطمن علاها
وقفت شذى ومشت هيا وامها وبوها قام الاكياس معاه وركبوها ل رواد وقعمزت ع الكرسي وحاولو يهدوها ويغيرولها جوها
- شذى : والله خفت قعدت تتشقلب ع السيارة وطاحت ، كانت واقفة عليا ولما قلتلها ع المكان مشت من جنبي بسرعة ومنتبهتش للرئيسي والسيارات
- زهرة : هي تنوضي نشوفوا البنت
وقفت شذى طول وقالتلها : هيا هي نمشولها
ومشوا لقسم الاسعافات ولقوا الولد يلي ضربها واقف وجنبه شنطت سدَن
- الولد : انتو عيلتها
- زهرة : لالا وانت مني ؟
- الولد ( خايفة ع سدَن ان تصيرلها حاجة وينحبس ) : اني ! اني يلي درت الحادث
- زهرة : ان شاء الله خير ، ان شاء الله الضرر بسيط
- شذى ( اشرت ع الشنطة ) : هادي شنطتها
- الولد : اي شفنا التلفون لقيناه مسكر ومافيشي شفرة
قربت شذى وخدت الشنطة وقعدت تفتش فيها باللبسة بلكي تلقى حاجة بين الحوايج تفيدهم مش يوصلوا لعيلتها !
وبالصدفة لقت الشفرة !
خدتها وحركة بسيطة كانت مركبتها بتلفونها وطلعولها الاسماء
شذى : ماما ! مافيش حد باسم ماما وبابا
زهرة : هاتي ترا
ودورت ملقتش حاجة وبالصدفة شافت اسم " نبع الاهتمام 😂 "
- زهرة : نتصلوا بالرقم هاده الله اعلم رقم مني ان شاء الله يطلع رقم امها ولا بوها ، نحس ف البنت طالعة من غير علهم
