رواية
" ظلام أبيض "
الحلقة الحادية عشر "11 "
ادكر محمد شي مشي خداه من بين رسامات رواد
- محمد ( حط الوقة ف ايده ) : انت ماشي ع خاطر هكي ؟
- رواد ( تعصب من حركة محمد انه فتش بين حاجاته ) : مممححححمد من سمحلك تمس حاجة متخصكش
- محمد : لو مش ملاحظ حتى انت تتدخل ف حياتي
حتى توا كنت تتكلم ف شي يخص حياتي
- رواد ( بتعصيب ) : محمد يلي ادير فيه جو مفرخ فوتني
- محمد : شفت ، انت بروحك مش متصالح مع الشي يلي ف قلبك ، تجيني تعطيني دروس ؟
- رواد ( كانت علامات وجهه كلها انفعال ) : وانتت من قالك ان مش متصالح مع نفسييي من قالك ؟
اي البنت هادي معجب بيها ، عجبتني بس ،
لكن منحبهاش قاعد ..
اما انت شني ؟ تحب نور ومن زمااان تحبها وخايف تعترف ل روحك ، اقسم بالله مانك راجل ،
الراجل ميخافش من مشاعره
( كانت الرسمة هيا سدن ❤كانت بنفس الطريقة يلي شافهها بيها ف اول مرة وهيا ورا مرش السيارة ولابسة النظارة وتتكلم مع روحها ❤)
- محمد ( جي بعيط عليه بس وقفه رواد ) ...
- رواد : انهي الموضوع توا منقعدوش نتعاركوا ، اني وانت نبو نمشوا للمطار ع خاطر هدف بس ،
اطلع ومعاش تعيط عليا والله نسيبك
- محمد ( قعد يمشي قدام رواد ويضحك ع روحه وع رواد 💙 ) : اقعد هددني توا والله كلب وتبي علاج عند بيطري
- رواد ( خبطه ع رقبته من تالي ) : امشي امشي ،،
قعد هوا ومحمد ف الاصنصيل متاع العمارة خبطة بخبطة ويضحكوا✨
الساعة 6 قبل المغرب
كان محمد مدرس سيارته بعيد ونزل هوا ورواد ف جيهة مدرقة بحيت ميشوفهمش سدن لما بتجي ..
___________________
سدن
كانت لابسة سروال دجين ازرق فاتح مع بلوزة بيضة قصيرة ودجاكة دجين طويلة وواسعة ، ولابسة معاه وشاح بيج مع شنطة ع الظهر وسبيدرو بيج ،
طلعت هيا وامها ف السيارة ولبست نظارتها وقعدت تسوق وفاتحة الاغاني ومرة مرة تعيط بفرحة وامها تقعد تهزب فيها لين وصلوا ع المطار ..
- مريم : كان شافك بوك ف اللبس هاده معاش يعطيك السيارة ، احمدي ربك مشي مع مندر للصالة
- سدن : باهي يا ماما خليني فرحانة شوي ..
هي انزلي
نزلت هيا وامها ومشوا قدام المدخل ووقفت قبالته وقعدت شادة التلفون تتصل ب ام نور
- سدن : وصلت عميمة ؟
- هالة : لالا مزالت ، توا قالولنا مزالت 10 دقايق
- سدن : تمام اهو حتى اني وصلت
- هالة : امك جت
- سدن : اي جت اهي جنبي
سكرت منها وخشت هيا وامها لصالة الانتظار وسلمت عليهم ووقفت شوي ويسمعوا ان الطيارة هبطت
_______________________
اما رواد منزلش عيونه من ع سدن من لما نزلت من السيارة لين خشت داخل ..
ومحمد دار روحه لاهي مش ميحرجش رواد ، بس هالشي مخلاش محمد يوقف تسهويك ع رواد بعيونه وضحكه .
