أسسسفة اليوم تأخرت عليكم هلبا ..
متنسوش اللايك وكومنتاتكم الحلوات ✨❤
رواية
" ظلام أبيض "
الحلقة الثالثة عشر " 13 "
- شذى ( تعيط بصوت عالي ) : ماااااامااا يا مااااما روواد
يا بااابا رواد يا بابا
قعدت تبكي وتعيط وتشوف لرواد يلي يخض عالارض وكإن يصارع ف الموت 💔
جي عماد وزهرة وقربوا منه وقعدوا يديروا ف تعليمات الدكتور ..
ربع ساعة وهوا فاقد وعييه وبعدها فاق
- زهرة ( تقرا عليه ف قرآن ) : بسم الله بسسم الله رواد تسمع فيا
قعد يفتح فعيونه بشوية ويحاول يسيطر ع اضطرابات يلي يصيروله
- عماد : رواد ، تحس بحاجة
- رواد ( هز راسه بالنفي )
- عماد : متحسش برجليك ينملوا متحسش بحاجة بكل
- رواد ( بصوت يادوب يطلع ) : لالا
- عماد : غضوة بنطلع اني وياك ع الشط لازم تتمشى ف التراب الشحنات يلي ف دماغك هلبا وانت هامل روحك
- شذى ( واقفة بعيد وتشوفله ودموعها ف عينه ، تفكر لامتى رواد يقعد يعاني من امراض قلبه ومن الشحنات يلي فيه ؟ ) : رواد معاش في مرواح من عندنا ، انت هامل روحك ومن هالحوش مافيش طلوع
قعد رواد تاعب من قوة الخض والاضطربات يلي صاروله لتاني يوم ،
_________________
الساعة 4الفجر
- سدن ( تاكل ف فراولة ) : مرة بابا جاب فراولة ومش حلوة بنتها ، طبعا ف شهر رمضان ، قعمزت اني وسند خوي الصغير ف المطبخ وقعدنا ناكلو فيها بالسكر ، قريب كملنا حكة ، طبعا قلت سند ميفهمش ومش حيقول ميعرفش رمضان اصلا ، مهم بعد العشي بابا قالي خاطري ف فراولة وموز يمشي يقوله سند مش حلوة يا بابا بكري كليتها اني وسدن الصبح اعي مش حلوة
وانييي وين تلقيني نفنص فيه وبابا فهم وقعد يضحك 😂😂
- نور : هههههههههههههههه 😂😂😂😂 لا بوك مخاطراش يفضحك ويسأل 😂😂
تعرفي اني هيثم ونضال ، طبعا ف رمضان غادي نخش للمطبخ مع واحد منهم نطيبوا مع بعض وف غسل الماعين هما الزوز يغسلوا واني نضم ف المطبخ ورضوان يضم الحوش ديمة 😂
ولما يعرفوني فاطرة يجيبولي ف الماكلة ويديرولي فسفرة غدي 😂
- سدن : نبي واحد من خوتك انيييي 😭
- نور : نضال وحاط عينه ع غيداء ويبيها وهيثم يبي وحدة ليه علاقة معاها سنتين وليبية وتقرا ف بريطانيا حتى هيا ، ورضوان جوه خرا الحق ديمة متوحد وميحبش الناس والدوة منبيكش ليه نخافك تتوحدي زيه
- سدن : حظظظظي خرا يا ناس حظيي خرا
- نور : قوليلي ع منذر باهي
- سدن : اييي هاده يا حنة تقريبا بعد سفرك الولد معاش سيب حوشنا بككل وديمة جاينا ووين مبنطلع نلاقيه قدام حوشهم ، طبعا ف اولى ثانوي ديييمة جيهة مدرستي طبعا لان الصالة متاع الحديد يلي يخدم فيها بابا ليه هوا را ، وجنب مدرستي هيا ، جتني فتررة نشوف فيه فكل مكان ، ومرة من المرات جي وقف عليا كلمته باسلوب عادي اهلين شن الاخبار وكدا وبعدين جاني ع الفيس اعترفلي.. اني معجب بيك واني نبيك وبنطلبك من بوك ووووو ..
رفضته وقلتله اني صغيرة ومنبيش المواضيع هادي وانت صاحب بابا وكدا ..
شكله الولد تعصب من اسلوبي وقعدت شهر منشوفش فيه بكل لا قدام حوشهم لا ف جيهة الصالة لا حاجة ..
وبعدها بسنة زاد كلمني ورفضته وزاد كلمني ورفضته لين يأس مني ، وهوا هاده
- نور : يعني مافيش حاجة تانية ؟
- سدن : مافيش هوا هاده ، اني بادن الله طالبة قانون ، اني حنكون قاضية بادن الله ، مواضيع زي هادي نفكر فيها بعد وقت مش توا
