رواية
" ظلام أبيض "
الحلقة السابعة عشر " 17 "
وما قبل الاخيرة ✨
قعدت تكتب ف الكرت ومداته للموظف وخدوا حاجة نضال كاملة وخلتهم يوصلو البوكيه بعد ساعة للعيادة
- نور : توا وين بنمشوا
- سدن : للعيادة
- نور ( بصدمة ) : نعممم
- سدن : ليش في مشكلة
- نور : والله يشوفني حد يعرف بابا والله يخبره ونحصل ف لسان ماما بعدين
- سدن : خليك لابسة النظارة ونزلي راسك واني نسأل ع الحجرة ونمشوا
- نور : انتِ بتمشي ل رواد وانيي شن بنديررر معاك ترا
- سدن : منبيش ننزل بروحي نتحشم ، وكان عنده حد منقدرش بروحي لا
- نور ( كانت خايفة تنزل تتلاقى مع محمد ) : باهي تخييلي يطلع محمد ونضال هني وبعدين نضال يقتلنا ، عارفتيه نضال كل شي الا الكدب
- سدن : ايي نسيت محمد اني ، اتصلي بنضال وافهمي منه بطريقة مش مباشرة را منبوشي يحس
شدت نور تلفونها وكتبت رقم نضال واتصلت بيه
- نضال : شن صار
- نور : كل شي تمام درناهولك ف بوكس يجنن ، انت ادعيلنا بس
- نضال : ع الذل يلي ذلتهولي بنسبكم سنين
- نور : نقدروا نردوا كل شي راا احترم نفسسك
- نضال : منوورة يا نور منورة
- نور : هههههههههه والله أسفة هي هاده كلام سدن الخرية
- نضال : خفتيي اااه
- نور : غر اسمع بنقولك
- نضال : ان شاء الله خير
- نور : قاعد عند محمد
- نضال : اي قاعد
- نور : قاعد معاك هوا
- نضال : لالا طلع قال بيمشي مشوار ويجي عطاني النت متاعه مداير فيه غارة 😂
- نور : ي وااطي 😂 ، هي اني بنسكر لما نتصلو بيك اطلع
- نضال ( تعصب ) : اتفووو عليكم يا كلبات بري درقي وجهك اخر الوقت قعدت زي البنت بينك انتِ وياها
- نور : هههههههههههههه هي باي ي روحي 😂
سكرت منه وقعدت تضحك هيا وسدن
- نور : اول مرة نشوف نضال متعصب هي 😂
- سدن : ت حتى اني اول مرة يسخفني
- نور : مهم حصلنا من وراه حاجة ، بري بري ومتخافيش محمد خلاه ف الحوش وطلع مشوار قال
- سدن ( قعدت تدعي ف داخلها ان محمد يكون عند رواد ) : كوييس هكي قدرنا نطمنوا
- نور : من توا اني بنقعد ف السيارة
- سدن : اوكِ ، واني نخطط ع اللقطة يلي بنديرها
- نور : احكيلي باه اني مش حنشوف بنقعد ف السيارة
وصلت قدام العيادة ودرست السيارة وخدت تلفونها
- سدن : اصبري بسس ... الو السلام عليكم ، اني الزبونة يلي طلبت بوكيه ورد أبيض لعيادة النور نبي نعرف وصل ولا مزال ، .... اوكِ شكرا
- نور : شن صار
- سدن : قالي 10 دقايق ويوصلو
- نور : يعنيي ؟
- سدن : لما بنشوف حد خاش ب بوكيه ورد بننزل ٠ ٠ وبنديرها صدفة دروحه وبنديله الجو حيي شكله معجبينك هلبا وووو
- نور : هههههههههههههههههههههههههه يا بنتيي انتِ قنبلةة ذكاء
- سدن ( تتصنع الفخر 😎) : مش تعععرفي بسس ، اصلا عندي كددس خطط غر يقابلوني بس
- نور ( مفهمتش ) : كيف يقابلوك هادي 😂
- سدن : انتِ غبية مافيش داعي تفهمي اصلا ، حيي هدوكه ولا متاع التوصيل
- نور : اجررري اجري
