رواية
" ظلام أبيض "
الحلقة السادسة عشر " 16 "
- نور : يعني رواد قعد صدفة حلوة ؟
- سدن : اول مرة نحس براحة هكي ، يعني ،..... خيييره هاده
- نور : حييي حيي سدددن انتبهييي
- سدن ( تسوق ف الطريق الفاضية وتهرب بالسيارة بعيد علي يلي وراها.. كان يضايق فيها ) :......
- نور : انتبببببهي سدددن درسيي السيارة
- سدن ( توترت وعياط نور زادها ) : اسسسكتي اسسكتي
قعدت تجري بالسيارة وخشت لشارع فرعي ووقفت طول ، حمدت ربي ان الطريق فاضية ف الصبح بكري
- نور ( عيطت وخبطت ف الفودرة لما وقفت السيارة ) : اااااااه راسي
- سدن ( كانت متمسكة ف الكرسي بحيت مخبطتش ) : اوووف شكله سكران
- سدن ( كملت بعد سكوت نور ) : الحمد لله مقلبناش واني نجري.. ، بننزل نشوف السيارة من تالي ان شاء الله منخرطتش
- نور : مش وقته بككل
نزلت سدن شافت السيارة وولت
- سدن : الحمد لله مافيش شي كان هاده بابا يدبحني
- نور : كويس غر بسسرعة وقت ع الامتحان
- سدن : نص ساعة بس ..
ولعت السيارة وطلعت وطول الطريق وهما يسألو ف بعض وينشطوا ف معلوماتهم قبل الامتحان ،
_______________________
رواد : صباح الخير
- محمد : صباح النور شن تحس فروحك اليوم
- رواد : ماشي الحال ، نخصة بسيطة بس
- محمد : طبيعي هاده .. و شن صاير ف نومك
- رواد : زي الزفت ، منرقدش بككل ، امبارح الممرضة دارتلي منوم منفعش فيا رقدت ساعتين ونضت
- محمد : هاده تعب نفسي ي رواد ؛ الارق مليشي علاقة بجسمك ،
- رواد ( تنهد بوجع ومد يده لمحمد ) : تعالى اسندني فوق
قرب منه محمد وساعده بالشوية لين اتكه ع السرير والتخطيط والاجهزة جنبه
- رواد : تعبت يا محمد وربي الا تعبت مش عارف امتى بجيني يوم بنرتاح فيه
- محمد ( حط ايده ع ايد رواد ) : اسمع ، يلي عشته ميتحملاش حد صبره عادي ، انت ربي صاب ف قلبك صبر كبير ، خليك تحمد وتشكر فربي ع هالنعمة ، وصدقننني والله ربي يحبك ويبتلي فيك يشوف ف صبرك وايمانك ليه
- رواد ( قعد يشبح للسقف ونهد تنهيدة قوية ) : يااارب الراحة من عندك
قعد محمد ساكت ويشبح ل رواد ،
ورواد معاش قدر يشد روحه وقعد يبكي ، قعد وكإنه يفرغ فكل شي مر عليه من وجع جسدي ونفسي ..
ينزلو دموعه ف صمت وبعد دقايق مسحهم وشاف لمحمد
- رواد : خلاص معاش قدرت نشد روحي
- محمد : مش كان راجل عيب انك تبكي ، متقعدش تفكر بتخلف ؛ ديمة لما تحس بروحك خاطرك تبكي ابكي وفرغ الضعف يلي عندك
- رواد ( حاط ايده ع راسه ويتكلم بصوت واطي ) : ان شاء الله ،... لولاك كنت ميت من قبل اني ، والله يا محمد يلي درته معاي ميديراش خوي لو عندي اخ ، ومع هاده منقدرش نموت ونخليك تسخفني بعدين
- محمد : ههههههههههههه وحتى وانت مريض تتبيرد
- رواد : جاري ف دمي من يوم قابلتك
- محمد : مرات نقول ياريت شخصيتي زي شخصيتك ، بس لو كنا زي بعض راهو تقاتلنا ف الشقة 😂 .
- رواد : واني نقول ياريت عندي شخصيتك ، نحس فيك متبينش ف ضعفك ومتعرفش تتنكد وديمة تضحك واجتماعي والكل يحبك حتى ف شكلك مش عادي الزح
- محمد : بنشوف روحي عليك لان اني احلا منك 😂
- رواد : عند حق غر عيونك يخلو نور ادوب فيه 😉
- محمد : ع سيرتها ترا نشوفها اكيد طلعت من الامتحان
- رواد : تطلع العشرة ونص وخمسة ،
- محمد ( غمزله وقعد يتسهوك عليه ) : بالتفصيل يا راااجل ، ت غر خليلنا شوي معاك
- رواد ( ابتسم ) : شعور حلو يا راجل
- محمد : حلو اي بس اني قاعد نتبنن ف مرارته
- رواد : عندي احساس يقولي ان نور تحبك
- محمد : وكان العكس
- رواد : اقعد وراها لين تحبك من جديد ، البنات تقدر تتحكم بعواطفهم بالساهل را ، مجرد متهتم بيهم وتحسسهم بالراحة لما تكلمهم يتغيروا ويحبوك ، وبدات حالتك انت يعني نور كانت تحبك من لما صغيرة الموضوع يبي وقت
- محمد : اليوم سكرت عمر ال 48 سنة 🙂
قاعد نحسبلك من لما عرفتك 😂😂
- رواد : تصدق حتى سدن مش مصدقة ان اني اكبر منها بخمسة شهور بس
- محمد : احكي احكي انت في تطورات وراك ومش حاكيلي
- رواد ( ابتسم ويشوف للساعة ) : نحكيلك غر مدلي تلفوني وبرا اتصل ب نورك توا طلعوا من الامتحان
- محمد ( مدله تلفونه وقعد يضحك ويناشب فيه بعيونه ورواد مكتفي بالابتسامة
