رواية
" ظلام أبيض "
الحلقة الخامسة عشر " 15 "
وبعد ساعة كاملة وهوا تحت العملية مع اشطر دكاترة قلب 💔
- محمد : متقووولش متقووولش
- عبد الله : إستهدى بالله يا محمد كل شي مكتوب من ربي ، توا ادعيله بس
- محمد ( دموعه ف عيونه وايده ع راسه ) : شن صار
- عبد الله : مش معروف شي ، ف اي لحظة تصير اي حاجة ، انت ادعيله بسس
- نضال : صبر بالك وان شاء الله مافيش الا الخير
- محمد ( نزلوا دموعه وقعد يتكلم بحرقة ) : يا نضال والله مانقدر نفارقه يوم ، هوا يلي لقيت فيه الصاحب والخو وكل شي ، صغيير ياربي صغيير ماشافش يوم حلو ف حياته ياااااارررب يااارب
- نضال ( كان متأتر بمحمد اول مرة فحياته يشوف محمد ضعيف هكي ) : ان شاء الله خير
قعد محمد يبكي ويدعي ، كل دمعة تنزل من عيونه تحكي ألف قصة صارت معاه مع رفيق عمره 💔
كان مش متخيل ان رواد يمشي من حياته ،
نص ساعة تانية ويطلع عبد الله وجراح قلب تاني من العمليات والابتسامة ع وجوهم ✨
- محمد : يااااالله الحمممممد لله ياارب
قعد محمد يحمد ف ربه بصوت عالي وفرحان وكإنه طفل صغير ، كان بطير من الفرحة امنيته الوحيدة هيا ان ينوض رواد من العملية بخير
- نضال : الحمد لله الحمد لله
- عبد الله : بس متفرحش هلبا ، العملية نجحت بسس المضاعفات واردة قبل ال 24 ساعة ، رواد قلبه ضعيف هلبا وانت عارف يا محمد ، لازم مترضى بقضاء الله وقدره
- محمد ( تعصب وكان رافض الافكار هادي ) : صحح يلي كاتبه ربيي بصيير عااارف اني عااارف بس اقسم بالله رواد قويي ومتمسك بالدنيا وبقوةة قلبه مشفتش ، اننييي عااارفه هوا حيقاوم ع خاطري عارف اني
قعد فرحان باللحظات هادي واخيرا رواد اجتاز اصعب مرحلة ف حياته ،
هادي رابع عملية قلب يديرها ومعاش يتحمل فتح تاني لقلبه ، وهاده الشي الوحيد يلي مخوف محمد والدكاترة كلهم ،
تمسك محمد برواد مكانش شي عادي ، اتبت للكل ان رواد شي مهم ف حياته ، عيلته وصحابه وكل الناس عرفت ان رواد يكون واحد من افراد روحه ✨
- نضال : خود قهوة تكيف دماغك
- محمد ( هز راسه بقوة ) : راسي مصدع جيبلي بنادول منبيش قهوة
مشي يجيبله ف بنادول واتصلت بيه نور
كان مستحق يكلمها ، كان يبي يكلم حد ويفرغ قلبه ليه ، ونور كانت اقرب ليه من روحه ✨
بس الغصة يلي ف قلبه مخلتاش يتكلم !
- محمد : .....
- نور : كيف حالك ؟
- محمد : كيف بنكون
- نور : سمعت يلي صار ل رواد
- محمد ( بصوت شاحب وكإنه يبكي ) : ادعيله بسس ، ندعي لربي يخليه عايش لان منقدرش من غيره يا نور
- نور : ي روحي عليه ، والله وجعني بعد حكتلي عليه ماما
- محمد : منبيييشي يوجعك ، رواد قوي ويقدر يتخطى الخطر ، بس انتِ ادعي لربي ينوضه ليا
- نور ( سمعت من بوها انه حالة رواد مش مطمنة ف عرفت ان محمد منتهي من الخوف عليه وينفي فيه ) : انت توا لازم تريح دماغك وتعرف ان يلي كاتبهولك ربي بتعيشه با محمد ، انت كنت تقولي ف الكلام هاده وتعلم فيا ف الصبر لما صغيرة ، اهم شي خليك مأمن بيلي يصير ، وكل شي مكتوب من ربي فيه حكمة ليك وليه
