رواية
" ظلام أبيض "
الحلقة الثانية " 2 "
( تمت الكتابة في 2018 )
بعد 4 سنوات ⬇️
رواد
" كنت نتمنى ان نرقد براحة وهادي أول مرة نرتاح فيها بعد وعيت ع الدنيا ، بس فرحتي بيها مكملتش !
تمنيت البردة جت بعدين وخلتني نستمتع ب كم ساعة مع امي التانية ،
وبسبب قلة الماكلة يلي نعاني منها وقلة مكالتي للخضرة والحاجات المفيدة مرضت ، انيميا حادة ونقص ف الكالسيوم والحديد وفيتامين سي وهلبا حاجات تانية ، زي التنفس والرئة تعبانة وغيرهم هلبا ، .. صح بالنسبة ليهم ان ماكلتي شوية بس مستحيل حد منهم يتخيل ع شني عايش ،
، عشت حياتي كلها ع المية وبدات ف السنة الاخيرة ، مناكلش مرات ليومين والتالت ناكل ف كسرة خبزة نحصلها ف الورشة من عمي خالد ، وصلت بيا مرات ناكلها يابسة مع امية !
بس حسين ياكل ف مالذة وطاب من المطاعم واني !
اني انسان منبوذ عايش ع الخبزةة اليابسة والمية "
(طبعا ف كل مرة حتكون في كلمات من رواد ، ونرجع معاكم للرواية )
قبل 4 سنوات ⬇️
- دكتور عبد الله : جاته بردة قوية ، سببها نقص مغذيات وفتامينات ف الجسم وعنده التهاب رئوي حاد مسبب اختناق هاده ليش درناله جرعات اكسجين ، وعنده نقص ف جهاز المناعة ، اي ان الكريات الدم البيضاء منخفضة هلبا
- زهرة : ياروووحي ع وليدي ياروووحي عليه قديش عانه حسبي الله ونعم الوكيل
- عبد الله : بادن الله حنهتموا بيه يومين ويولي ناشط بادن الله
- د صالح : تعالى شوف معاي شن فيه ،
- عماد : نستأذنوا منك توا بنقعدوا جنب رواد ، وبعدين نجيكم تفهموني
وطلع هوا وزهرة ل رواد
- د صالح : احتمال ان الاصابة ف ف فقرة من الفقرات فاشل بكل ، هاده سببها خبطة ع الراس شوف ( وأشرله ف الصورة ع نقطة معينة ) اهني صاير ضرر ، وف المنطقة هادي في عصب مسؤول ع حركة الرجلين مربوط بالنخاع الشوكي ، العملية حتكون اسهل بادن الله ، الحمد لله مكان الضرر ف الكورتكس مباشرة ، وتوا منقدروش نديروا العملية الا بعد اسبوع لو صحته ولت تمام ، وطبعا ولو مناعته متقوتش حنزيدوه اسبوع تاني ،
ووقف ومشي ل حجرة رواد ، شاف خالته كيف حاضناته وهوا راقد وعماد مقعمز ع الكرسي ويشبحلهم ، خش وبكل هدوء وقال
- د صالح : بندير كشف لرواد ع راسه
وقفت زهرة جنب راجلها وتشوفله
قعد ماسك راس رواد وهوا منسند ع الوسادة ، جي ع جيهة الضرر ، ومجرد مفتح من شعره الغزير اكتشف ان المكان من غير شعر وكإنه مفتوح ولا محروق ، ع طول عرف ان حسين هوا السبب !
.....
وفي مكان تاني عند نور بالتحديد
- عبد الرحمن : انتِ أسمعيني بس يا نور خمسة دقايق ع الاقل
- نور : عبدددد الرحمن معليشي معاش اضايقني ، انت ولد عمي ونعتبر فيك زي خوي عمري مافكرت فيك تكون حبيبي ! وبعدين اني اكتر وحدة نعرف ليش تبيني من بينهم كلهم
- عبد الرحمن ( بعصبية ) : والله يكدبوا علييييك يكدبوا ، بنات عمي أحمد وبالتحديد وسن يدحنسوا ع أمييي ، هما يغاروا منك لانك أحلى منهم
