رواية
" ظلام أبيض "
الحلقة الثامنة عشر " 18 "
الجزء الثاني وما قبل الاخيرة❤
- عماد ( وقف قدام رواد بحيث يدرق فيه ويبعدهم ) : ع خير ان شاء الله
- حسين : كبرت وقاعد ملوح ف المستشفيات يا %$%^&
- حسن ( طلع موس وقعد يكلم ف عماد بشر ) : حول من قدامي
- عماد ( بعياط ويدف فيهم ) : بععععددددددد
قعدوا يدفوا فيه حسن وحسين وحدفوه برا الحجرة بعد ضربوه ..
وحسن مشي ل رواد ويطب فيه بقوة ورواد مقدرش يدير شي الا ان يعط ويقوللهم : حوووول عماااد ي عممماد
وع جيت نضال ومحمد وهما خاشين يضحكوا ولما شافوا عماد يدف ف حسين مشو يجروا وقعدوا يضربوا فيهم الزوز ، ورواد يحاول يوقف وايده ع قلبه
قعدوا قريب ربع ساعة يتصارعوا قدام باب الحجرة والكل يتفرج عليهم ومحدش ادخل لان محمد من اصحاب العيادة ؛
قعدوا محمد ونضال وعماد يضربوا فيهم لين روحوا وهما يهددوا فيهم ان بيقتلوا رواد
قعد رواد وجهه اسود وايده ع قلبه ويشبحلهم وكإن يقوللهم اني بنطيح
قرب محمد مننه بسرعة : رواد تنفس مافي شي والله مايقدروا يمسوا منك شعره
- رواد : شدني محمد شدني ، الدنيا تلف قدامي
شده محمد وعماد ودخلوه لحجرته وجوه الدكاترة وشافوا وضعه
- الدكتور : يلي صار توا ولو وتكرر مرة تانية ممكن يقتل قلبه بكل ، انتو مستهنين بوضعه ومش عارفين شي ؟
- محمد : موضوع عائلي وانحل الحمد لله عده ع خير
- الدكتور : عده ع خير ليكم ، اما رواد فقلبه يضعف مع كل صدمة راهو ، لووو سمحتوا لو تشوفوله مكان بعيد ع المشاكل افضل ، ع الاقل سنة كاملة ميتعرضش لنوبات
- عماد : ان شاء الله دكتور ، هوا شن توا افضل؟
- الدكتور : جاته بسيطه وقدرنا نهدوا القلب ب مسكنات ، يجي واحد معاي نعطيه الوصفة الطبية ونفهمه التعليمات
- محمد : تمام دكتور شوي ونلحقك
مشي الدكتور من جنبهم وتكلم نضال : ي عماد نشوف ان يقعد ف شقة محمد خير ، شفتهم كيف يهددوا
- عماد ( استسلم للوضع وميبيش يخاطر برواد ) : خلاص يقعد ف الشقة خير ، معاش نقدر نخاطر بيه واني كل منقول بنروح بيه يصير شي ، حسبي الله ونعم الوكيل
- نضال : عادي فيها خيره والله
- محمد : مش مشكلة ي عماد حوشي هوا حوشك ، تعالا انت والعيلة وباتو عنده وفاي وقت تعالو ،
- عماد ( بصوت مهموم ) : ربي يحفظك ي محمد ع يلي ادير فيه ربي يبارك فيك
- محمد : رواد خوي راهو ، بروا شوفوه وغيروله جوه واني بنمشي للدكتور
مشي محمد للدكتور وقعمز قبالته وقعد يحكيله ف الادوية وكل التعليمات
طلع رواد العشية ورفعوه لشقة محمد وفالليل جاته خالته وشذى وقعدوا معاه ✨
