رواية
" ظلام أبيض "
الحلقة الثانية عشر " 12 "
- غيداء ( مرتبكة ) : نضال لا 🥺
- نضال ( يشبحلها بنفس الطريقة 🤤) : قولي
- غيداء ( استسلمت ان تقوله ) : ع خاطر ءءاا ..
- نضال ( يشبح لعيونها بطريقة حلوة 💖 ) : اييي
- غيداء : الموضوع هوا .. هوا سدن 🙁
- نضال : نعععم
- غيداء : في ،.. .. في حد قالي ان انت تحب سدن
- نضال : مني ؟ مني قال هكي
- غيداء : حد ، مقالي حد ، شفت بعيوني
- نضال ( سيب ايدها وقعد منفعل ) : من قاالك غيداء مننن قااالك
- غيداء ( نزلت راسها وشبحت للروشن ) : مقاليش حد شفت بعيوني ، هه مدامه منكرتش معناها مش حنكدب عيوني
- نضال ( بقلة صبر ) : كيف شفتي
قعدت ساكتة ومردتش عليه ،
ولع السيارة وشاف وراه ملقاش سيارات قعد يسطرب بالسيارة وغيداء قعدت تعيط وتشد ف الباب وتشد ف نضال وتعيط عليه
- غيداء ( ع وشك انها تبكي وترعش ) : وققققف وققف
وقف نضال تسطريب بقووة لين خبطت ف الكوادروا
- غيداء ( شبحتله وكلها غيض وفتحت الباب ونزلت بسرعة ) : مجنوون مرييض
طلعت من السيارة بسررعة وكانوا ف ولاد ف الشارع يشبحولهم ويسحابوه بيخطفها قعدوا يجروا وراه وشدوه وقعد يدافع ع روحه ..
تلفت غيداء بعد شبحاته يضربوا فيه الاولاد وهوا يدف فيهم
ولت بسسسرعة وتعيط تقوللهم سيييبوه ..
ولما شافوها سيبوه
- نضال : الننننم هادي مرتيي ال &%$#
- ولد : سمحنا والله نحسابوها مخطوفة
- ولد 2 : ت حتى كان مرتك تصطرب باها هكي النم وتهرب منك
- نضال : شننن دخلك ف امها انت
اما غيداء مصدمة فيه لما قال مرتي 😳
تأسفوا منه الاولاد اما غيداء ركبت السيارة حتى قبل ميقوللها هوا من كتر الخوف
- نضال ( ركب السيارة وسند ايديه ع الدومان ) :عاجبك يلي صار
- غيداء ( ساكتة وقريب تبكي )
- نضال : عااااجبك يلي درتييه
- غيداء ( عيطت عليه بصوت عالي وقعدت تقول ف كل شي وهيا تبكي ) : معاااااش تعيط عليييا معاااااش تعيط علياااااااا متكلمنييش هكي ، تضضحك معاها وتجي تعيط عليا وتسطرررب بيا ، عاااارف نقطة ضعفي السيارة وانت درتها من غير ميرفلك جفففف وله ، تستاااهل ياريته متت وهما يضربوا فيك ،
اما غيداء فعندها فوبيا من السيارة ومن السرعة ، من 5 سنين دارت حادث شنيع هيا وخوها الكبير ، توفى خوها وهيا طلعت سليمة ، وكل متطلع للسيارة مع حد غير بوها تخاف وتتوتر ،
بوها الوحيد يلي مراعي خوفها من السرعة 💔
رغم انها حكت ل نضال ع خوفها من السرعة ف هوا نسي الموضوع وسطرب بيها 💔
لام روحه هلبا ع التهور يلي داره ، ف النهاية الموضوع ميستاهلش
- نضال : تمام تمام اهدي والله نسيت
- غيداء ( تتنفس بسرعة وتمروح بايداها ) : روح بيا نضال روح بياا
- نضال : تمام
