قلتلكم بعد الفطور ونزلتها فجر 🤦🏻♀️
اسسسفة ع التأخير ❤
رواية
" ظلام أبيض "
الحلقة التاسعة عشر " 19 "
والأخيرة ✨
شدت تلفونها وردت عليه وانصدمت برده كيف يتكلم وكإنه مافي شي
- نضال : دوني
- سدن : دوني عييينك ، اسمع ي نضال ؛ ورببي لما تشوف ع يلي قلته امبارح ، اني يلي كنت نساعد فيك ونعرف بموضوعك مع غيداء وجو عادي لما يصير معاي هكي تهيني ؟
مخفتش ع غيداء ومقلت شي اما اني شفتلي وكإني عاهرة امبارح ، حااااضر ي نضال ، كان مندمتكش معاش نتسمى سدن ، امشي ان شاء الله تموت
سكرت ف وجه وتشبح ف شبحة النصر ونور تضحك علاها
- نور : زي الصغار وربي
- سدن : شوفي خوك الخرا
- نور : خلاص اهو هزبتيه وارتحتي
- سدن : خاطري ننتشه بس ونصفي قلبي
- نور : طول عمرك كلبة وتحبي النتش ، بري بري افتحي الظرف
- سدن : حييي انسيته وينه ؟
طلعت الكيسة واول حاجة فتحت الغلاف من الكتاب الاول ولقاته روايتها المفضة " " لأجاتا كريستي
فرحت بيها هلبا لان رواد مدكر الرواية المفضلة لقلبها ❤
فتحت الكتاب الثاني لقلقت اسمه " ثاني أكسيد الحب " لمنى سلامة ❤
استغربت ف الاسم كانت اول مرة تشوفه الكتاب ، فتحت اول صفحة ولقت فيه ورقة صغيرة مكتوب فيها
" إليها
أنتِ أكسجيني الذي أتنفسه ، و نسماتٍ دافئة تتخللني ،
أنتِ هي روحي "
سدن 💜
قعدت تقرا فيها اكتر من مرة وبعدين سكرت الكتاب وفتحت الظرف يلي فيه رسالة مكتوبة بخط تسكيلي وحلو 💛
" كل يوم نحبك أكتر وكل يوم نقعد مدمنك بطريقة غريبة ، نستنى ف اللحظات يلي تطوني فيها جنبي ، نستنى ف الصدف تجمعني بيك زي مجمعتني بيك اول مرة ، كل رسماتي صورتك ، كل داري فيها صورك ف ألبومات الرسم ، فكل مرة نشوفك نروح نرسمك ونتأمل فيك ،
قيل ..
" الحب رزق يأخد بالسعي ولا بالقوة "
قلبيي يا سدن انتِ ، اقسسم بالله غيرتي فيا انسان تاني ، نحبك ع كل لحظة عيشتهيلوا ، ع كل دعم وانتِ تسمعي في وجعي ، ع كل حاجة حلوة وريتيهالي ب افعالك 💕
اني ..
" سميْتكِ بثلُوج ديسمبَرْ ، فنقائُك فِي بياضُ قلبُكِ جميلتِي "
نحبك ي مشفشفتي "
كانت تقرا ف كل حرف وهيا فرحانة وعيونها يلمعوا بكل حرف قراته ؛ فعلا لقطة رواد خطفت قلبها وخلتها تحبه بجنون ،
كانت تعرف انه يرسم بس متعرفش انه يرسم فيها ❤
_____________________
كمل العرس وكل شي كان حلو ✨
طلعت غيداء قنينة هيا ومرت رضوان ،، وبعدها بسبوع الكل سمع بخطوبة نور ومحمد وفي يلي نصدم وفي يلي كان متوقع هالشي 💕 ،
مروا سنتين ونور وسدن يقروا ف القانون والاتنين تخصصوا ف المحاماة وديمة وهما بنفس المعدل وكل وقتهم مع بعض ، قعدت سدن تمشيلهم هلبا وتبات عندهم بعد الاولاد تزوجوا بوها قدر يخلاها ❤
