رواية
" ظلام أبيض "
الحلقة الرابعة عشر " 14 "
- محمد ( شبح لعيونها بطريقة غريبة وقعد مركز فيها لين ادكرت مشاعرها يلي حاولت تدفنهم فيها سنين ) : نور
- نور ( مرتبكة ) : نعم
- محمد ( قعد يشبح ل عيونها وساكت )
- نور : محمد ؟
- محمد : ءءاا ، بعدين نكلمك ف الليل عادي ؟
- نور ( بدت ترتبك من اسلوبه ، مش هوا محمد يلي تعرفه زمان !) : فيك شي
- محمد : ايي فيا ، فيا كلل شي مهم بعدين نبي نهدرز عليك مستاحشك هلباا
- نور ( قعدت تلعب بصوابعها ومرتبكة ) : ءءا تمام ،
- محمد ( شدلها خشمها زي ميدرلها زمان ) : سيبي صوابعك يا نورتي
- نور ( ابتسمت ) : نسيت انك دكتور نفسي تعرف لغة الجسد
- محمد : صدقيني يا نورتي نعرف الناس كلها الا انتِ ، انتِ الوحيدة يلي منعرفش نفهم حركاتها ..
____________________
- نضال : ها وين غيداء بتجي معاي
- عمه احمد : ايه اي استناها
- نضال : اليوم جايين العيلة ف الليل بتجو وله
- احمد : ايه بنجوا هاده ليش غيداء بتمشي اتصلت بيها نور قالتلها تعالي بكري ..
- نضال : باهي كوويس ،
وشوي وطلعت غيداء وهيا متحشمة منه بعد لقطة امبارح ✨
- احمد : متجريش يا نضال ، عارف روحك بتجري نوصلها اني
- نضال : ولا يهمك يا عمي عارف..
نمشي شوية شوي
ركبت غيداء وهيا ساكتة ونضال مرة مرة يشبحلها ويضحك وفرحان لانه جنبه 😂✨
- غيداء : بطل تضحك زي المجنون
- نضال : اني مجنون فيك بسسس
- غيداء : تحشم ع وجهك
- نضال ( شد ايدها وهيا قعدت مصدومة وخايفة والف شعور تحس بيه ومش عارفاته ) : مش حنتحشم لين تقعدي تشوفي لعيوني دقيقتين ع بعضهم
- غيداء ( تبي تحول ايدها بس هوا شادها بقوة مش متفلتش منه 😂) :تبيني نتحشم ع وجهي ونسيب ايدك حطي عينك ف عيني دقيقتين
- غيداء ( قعدت ايدها تعرق وهوا حس بيها من توترها✨ ) : مش عااارف شن جيبني معااك بس ياريتني مركبت معاك ، حووول ايدك يدي نبيها را
- نضال ( قام ايدها وباسها بحنية وبعدين حطها ع رجليها ، ودرس السيارة ) : شوفيلي
- غيداء : منبيش
- نضال : توا بتتبتيلي انك متحبينيش ، توا تشوفي لعيوني وتتبتيلي بعيونك انك متحبنيش
- غيداء : منحبكش ومنبيش نشوفلك
- نضال ( شدلها وجهها ووجه لوجه هوا ويشبحلها بطريقة حلوة ✨) : شوفيلي
- غيداء ( تهرب بعيونها ) : انييي منحبكش مش بالسيف نحبك ، انت شوف روحك يا بابا
- نضال : انحبك
- غيداء : واني منحبكش
- نضال ( كان عارفها متحشمة منه ومش قادرة تواجهه ) : نحبك ونمووت فيك نحبببك والله ، وانتِ تحبيني واني وياك حنكونوا لبعض بادن الله ،
- غيداء ( سخنت ووله وجهها احمر ومقدرتش تشوف لعيونه ) : نضااال
- نضال : عيون نضال انتِ 🤤
- غيداء ( قعدت ساكتة ) :
- نضال : والله تهبلي وانتِ خاشة ف بعضك هكي 😂😂😂 ، خلاص معاش مقايلك شي توا
