رواية
" ظلام أبيض "
الحلقة السادسة " 6 "
- سدن : مستحيل يلي تقولي فيه صح
- نور ( تبكي ) : لو منموتش توا معاش نمووت
- سدن : اسسسكتي وانتِ كرهتيني ف الموت وبعدييين انتتتِ فهميني الاول شن قاللك بس
- نور : شوفي بعيونك
- سدن : متأكدةةة ! مستحيل يعني ، كيييف رد عليك هكي
- نور ( تمسح ف دموعها ) : ياريتني مكلمته ياريتني،، متوقعتش يدير هكي
- سدن : الحقيييييير الوااطي اقسم بالله لو مش عيب نمشي نسبه ونوري بوه الفيديو
- نور : انسيبي الفيديو انسي مشكلتي مع عبد الرحمن بس
- سدن : ومحمد ، ومشكلتك برضو مع محمد ، محدش يتوقع ردة الفعل هادي وهوا عارف خوه صايع وكل مرة مع بنت والله نددل
- نور ( ابتسمت ) : اوكِ اوكِ اهدي وانتِ بتمسي السقف
- سدن ( هدت ) : اهو هكي هديت شن رايك 🙂
- نور : اني بديت نحاول ننساه يا سدن ، مع انه صعب بس نحاول
- سدن : كدابة 🙂
- نور : نحاول اني نحاااول وبنقدر تمام ، لان هوا ناوي يبني حياته وكل شي اني فيه وهم ومزالت وراي عمر قاعدين مفرخ ونحب من توا
- سدن : قوليها لروحك حبيبتي تحبيه من لما وانتِ بيبي اني لا نحب ولا نفكر نحب
- نور : بيتزوج
- سدن ( بعياط وعدم فهم ) : شنييييييييي شن تقولي
- نور : اسسسس اسكتتتتي امك توا تجينا اسس
- سدن : مستحيل يتزوج كان عندي بصيص امل ضيعه هالكلب
- نور : اني بروحي مصدومة
- سدن : انتِ كيف عرفتي
- نور : من بابا يعني ، عارفتيه هوا وبابا اصحاب كنت نسمع ف بابا يكلم فيه ونسمع فيه يبارك وكدا ، لما سكر سألته قالي محمد بيتزوج ، ويلي خلاني ننهار بعد عرفت انه طلع شاري قطعة ارض مع بابا وف نفس الشارع وقبالت بعض ، وانه بيبني ف الارض وحتى بابا بيبني معاه
- سدن : انتِ مستوعبة يلي تقولي فيييه ، حيي ع الكوارث يلي طبوا ع راسك
- نور : متزيدينيش يا سدن
- سدن : باهي خيره حوشكم من شن يشكي
- نور : ع اساس بابا بيبني لرضوان مشي رضوان خوي الخرا قاله منبيش جنب محمد طبعا لان هوا ومحمد في مشاكل وقصص قديمة بيناتهم ، يمشي بابا العزيز يقوله حوشنا ياخده هوا وحني نبنوا حوش صغير ف الارض ..
- سدن : مش معقووول بوك مش معقول ، غر يروح رضوان من بريطانيا بعدين ساهل
- نور : معاش مزاله هلبا
- سدن : وحتى كان هكي ، توا يبني بروحه الخرا المتوحد
- نور ( اتكت ع السرير وايداها ع راسها ) : اووووف اووف عييت
- سدن : عارفة ان معنديش كيف نواسيك صاح 🙂
المهم خودي قلبك لوحيه للكلاب
- نور : لوحته لكلب وكلاه ماكله 🤦🏻♀️
- سدن : ههههههههههههههههههههههه 😂😂😂😂😂
والله تبي خبطة بالجبس ع راسك 😂😂
- نور : لو تنسيني محمد كسريني بيه تكسير
- سدن : ع حالتك هادي حلفت منرتبطش ولا نحب بعد وقت
- نور : حتى اني بعد محمد مستحيل نحب حد تاني
- سدن : تقعدني مجنونة لو تحبي بعد هاده كله
- نور ( كانت تفكر بشي تاني ) : نقعد مجنونة لو قعدت اصلا 😶
- سدن : هاا الاحتفال بدي
- نور ( تضحك ) : ههههههههههههههه كالعادة امك تعارك فيه ع التلفون وله
- سدن : اي خلينا منه اصلا ديمة شاده مرة مرة تكلمه واني فوق راسي ديمة
- نور : طبعا عاد لانك بعد هروبك تأكدوا انك مريضة نفسية واني وعدتك بطريحة وحتحصلاها مش ناسيتها
- سدن ( لوحت شعرها القصير بلامبالاة ) : جربي توا حتحصلي خبطة بالجبس ادوخك
- نور : حيجي يوم تحولي الخرا وتبطلي تهديد بيه ونشوفوا من بتغلب التانية
- سدن ( نقزت ف مكانها بحيث قاعدة مقعمزة ) : اخر مرة امتى درنا مصارعة وريشنا بعض ترا
- نور 🤦🏻♀️ : قبل الحادث باسبوع فحوشنا 😂
- سدن : شوفي المرة يلي فاتت اني استسلمت بس المرة هادي لو نديروها نخليك انتِ تستسلمي
- نور ( بعصبية ) : اوووف منننك عاد شايفة ان هاده جوه يا سدن ، بعدين اني فشن نفكر وانتِ بشن تطلعيلي
- سدن ( 😒 ) : بلا خرا هي اقعدي فاها لين يجيك عقلك الهم
