ي الله انتو ل متين ح تفضلوو كده كل يوم جوطه كده ومشاكل دي شنو العيشه البتقرف دي طلعت وقفلت الباب وراها ...
الووو وين انت جبت الحاجات خلاص جايه عليك ف نفس المكان
ودورت عربيتها ومشت وقفت ف مكان بعيد من الناس جاها زول ملثم اداها كيس واستلم قروش ومشى
الوو رامي انا استلمت الحاجات وجايه عليك اتصل ع باقي الشله تمام وقفلت
وصلت لقت كل الشله قاعده ومشغلين موسيقى ب اعلى صوت وضحك واصوات عاليه وبدوا يطلعو الحاجات ويوزعوها ع بعض وخلاص نص ساعه بقو كلهم ف حاله لا وعي وف دنيا تانيه 💊🚬
Back...
"يان" اخر العنقود ف بيتهم ، بت شاطره ومستواها كويس ومتفوقه ف دراستها من وهي صغيره اتولدت وف خشمها ملعقه دهب والدها رجل اعمل كبير وامها مهندسه وعندها شركه ، اخوها الكبير ف امريكا والوسطاني ف لندن وهي الوحيده وعايشه مع اهلها 💛
اخوانها يزن وياسر يمكن سفرهم هروب من اسرتهم بس يان م قدرت تهرب زيهم عشان لسه صغيره
الام والاب كل يوم مشكله وبتصل مرحله مد الايد فكانت المشاكل دي سبب ف تحول يان من البت الشاطره ل البت المتوحده ومريضه نفسياً
ودوها ل اي طبيب نفسي بس م ف اي استجابه كانت مستواها الدراسي اتدهور لما امتحنت الشهاده وجابت نسبه صغيره بس دخلت الجامعه ودخولها الجامعه كان نقطه تحول ف حياتها 💔
اتعرفت ع شله مكونه من بنتين وولدين وهي الخامسه " لدن ، رماز ، يان ، رامي ، خالد " ودي اسوأ شله ف كل الجامعه ده ع حسب كلام الناس بس م ف زول عارف جواهم ف شنو 💔
Continue...
بعد كم ساعه شباب صحصحو الزمن فات يلا
رماز : اووف يااه ح نرجع تاني ل جو النكد الاسري
خالد:انتو عارفين ي جماعه انا شهر تاني وح اشرد من ناس بيتنا
يان:ههههه انا ح انتحر غايتو
لدن: ي جماعه اما انا ف ح اسمم اهلي وادخل السجن
رامي : هووي ي مجانين نحن بنجي كل يوم هنا عشان ننسى فشيلو الافكار دي من راسكم وقومو غسلوو وخلونا نطلع 😹
طلعو وكل زول اتوجه ع عربيتو ورجع بيتهم وقفل ع نفسو
ف بيت يان تلفونها بررن
اووو ياسر حبيبي والله مشتاقه ليك😭
بططلي بكش الا انا اتصل ليك 😒
لا والله م كده بس ...
اهاا حنكيني 😒
عليك الله تعال سوقني معاك انا هنا بموت 😭
والله نفسي بس الجامعه وعد بعد تخلصي اجيبك تعيشي معاي هنا 💛
ف قلبها هو انا ح اعيش ل الزمن داك 💔
قاطعها سرحتي وين ي بت 🙄
لالا معاك اتونسو وقفل منها ورجعت نامت
صحت الصباح مصدعه نزلت المطبخ عملت قهوه وجايه طالعه لاقتها امها
الليله م ماشه الجامعه ؟؟
لا تعبانه ولو عايزين تتشاكلو ممكن اطلع اخلي ليكم البيت ولا برضو ماخدين اجازه زيي 🙂
ومشت خلت امها واقفه وهي طالعه ف السلم تلفونها اتصل وصوت زول ببكي 💔
براااحه ف شنو مالك بتبكي 😳
خالد
والتلفون وقع من ايدها وهي جات واقعه 💔💔
وامها بقت تكورك وتنادي ابوها جا رفعوها وحاولو يصحوها
يان اصحي ي بت مالك
ابتدت تصحى وتكورك خالد ي ماما خالد ،خالد قالو مات 😭💔
وطلعت مع اهلها ووصلو بيت خالد وهي م قادره تمشي ولسه م مصدقه خبر وفاه صاحبها واخوها وجزء من شلتها ..
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
