أنقذني_من_الأدمان🚭💊

19

رجع جوه ل سمر اكلو واتونسوا
اياد: ف محل عصير ظابط شديد رايك شنو نمشي
سمر: بس الزمن اتأخر
اياد: ح نطلبو سفري نشربو ف الطريق ومنها اعرف رايك ف الموضوع القلتو ليك
سمر: اوك يلا
طلعو واتحركو وقف جنب محل عصير نزل جاب اتنين وجا
اياد: احلى عصير ل احلى سمر
سمر: شكراا
بقت تشرب ف العصير وحست ب دوخه وبعدها فقدت الوعي
اياد مسك تلفونو واتصل
اياد: انا خلاص خلصت اوديها ع وين قولي لي عنوان الشقه ي رهف
رهف: طلعته سريع ي خالد
اياد: ضحك اياد لو سمحتي خالد ده ف البيت
رهف: كويس ي عم اياد العنوان....
اياد: طيب ح اجيبها ع هناك
...
يان كانت بتسمع ف المكالمه دي منو المودينها الشقه دي اتذكرت كلامهم عن يوسف اتصلت ليه
يان: سمر وين ي يوسف
يوسف: ف الجامعه
يان: اتصل عليها حالا
يوسف: ف شنوو
يان: اتصل ليها وارجع لي
يوسف: طيب قفل وبتصل ع سمر م بترد ف النهايه تلفونها قفل رجع ل يان وكلمها
يان: يبقى سمر ف خطر يوسف اطلع اتحرك ع العنوان ده بسرعه ....
يوسف: فهميني سمر مالهاا
يان: اطلع وانا بفهمك ف الطريق يوسف طلع وركب عربيتو يان حكت ليهو ب السمعتو كلو
يوسف: وحياه امي الليله لو اختي حصل ليها حاجه ح اقتلهم الاتنين
يان: يوسف اهدأ المهم تحصل سمر
يوسف بقى سايق ب سرعه
...
ب جهه تانيه خالد وصل وقف عرييتو مسافه من المكان مسك سمر بقى ساندها لما وصلها شقه ف الطابق التاني وقعد شويه
خالد: رهف دي اتأخرت كده مالها الا اتصل عليها فتش تلفونو م لقاهو ف جيبو اووف نسيتو ف العربيه ح انزل اجيبو طلع خلى الباب فاتح ونزل ع عربيتو
ف الاثناء دي يوسف وصل وخالد شافو من بعيد نزل راسو عشان م يشوفو
خالد: ده الجابو هنا شنو وعرف كيف
..
يوسف طلع الشقه لقى الباب فاتح دخل بنادي ع خالد م ف رد بقى يفتش ف الشقه دخل ع غرفه لقى سمر ف السرير وهي م واعيه حاول يصحيها م ف فايده شالها ونزل تحت ركبها ف العربيه وبقى يعاين ع اساس يلقى خالد م لقاهو دور عربيتو واتحرك ع المستشفى ،يان اتصلت ليه
يان: طمني لقيتها
يوسف: ايوه وموديها ع المستشفى
يان: مستشفى ليه
يوسف: لقيتها م واعيه م عارف عملو فيها شنو
يان: م بكون لحق عمل شي لانو هو وصل كده انت وصلت بعدو اتطمن شكلو خدرها
يوسف: بعد تفوق برجع ليك وصل المستشفى الدكتور فحص عليها قال ليهو دمها فيه مخدر بس كويسه هي شويه وح تفوق بعد نص ساعه ابتدت تصحى ولقت يوسف جنبها
سمر: يوسف انا وين وراسي بوجعني ليه
يوسف: ف المستشفى بنتفاهم بعدين المهم هسي انك كويسه
سمر:ابتدت تتذكر انها اخر حاجه كانت مع اياد وجاب ليها العصير وتاني م متذكره شي
يوسف: نطلع بعد ده سندها وطلعو ع العربيه متحركين ع البيت
سمر: الله يرضى عليك الحصل شنو ي يوسف وبقت تبكي
يوسف: م حصل شي اتطمني بس هسي نصل البيت عشان م يقلقو علينا وصلو البيت ونزلو كان ساندها اول م دخلو كلهم جوهم جاريين
امها: بتي مالها ي يوسف
سلمى: سمر كويسه انتي
ابوها: ي ولد م ترد لينا اختك فيها شنو
يوسف: خلونا نقعد اول وادوني فرصه اتكلم لا حوله ولا قوه الا بالله
سلمى: اقعدوا طيب
يوسف: كل القصه هي كانت ف الجامعه وم اكلت من الصباح ولما جيت اخدها من الجامعه هبطت واغمى عليها وديتها المستشفى اخدت درب وهسي ،سمر استغربت من كلام خالد
امها: ي بتي بتبالغي تهملي نفسك كده
سمر: معليش م بعيدها تاني
يوسف: سلمى وصليها غرفتها ترتاح وجهزوا ليها اكل تاكل وقام مشى غرفتو
...
ف غرفه سمر معاها سلمى
سلمى: انتي اغمى عليك زي م قال يوسف ولا ف شي تاني
سمر: ااا ح يكون ف شنو يعني
سلمى: م عارفه بس حاسه انكم مخبين شي
سمر: عبيطه انتي شكلو الحمل بقى يهلوس بيك انا تعبانه عايزه انوم
سلمى: كويس وطلعت
يوسف ف غرفتو اتصل ع يان
يان: اتاخرت كده مالك طمني سمر كيف
يوسف: الحمدلله م فيها شي
يان: الحمدلله اتكلمت معاها؟!
يوسف: لا لسه
يان: لما تجي تتكلم معاها اتكلم براحه وم تتعصب عليها وحاول طمنها عشان تحكي ليك اي حاجه وم تنسى هي الضحيه ف الموضوع ده حسسها انو انت معاها واديها الامان
يوسف: حاضر ،الكلب ده جا ولا لا؟؟
يان: لا لسه
يوسف: انا بقيت خايف عليك منو
يان: م تخاف قربنا ننتهي يلا امشي ل سمر اتكلم معاها
يوسف : طيب خلي بالك من نفسك وقفل مشى ل سمر دقه الباب ودخل
سمر: ح تحكي لي ولا لا
يوسف: قعد جنبها اول شي كويسه انتي الصداع راح ؟
سمر:الحمدلله احسن
يوسف: وده المهم يلا انا عايز اعرف بعد خلصتي جامعه حصل شنو ومشيتي وين واتطمني الكلام ده بيني وبينك بس
سمر: بدت تحكي ليهو من اتعرفت ع اياد ل اخر حاجه لما شربت العصير
يوسف: انا ح اوريك صوره وريني ده اياد ولا لا طلع تلفونو وراها ليها ده هو؟
سمر: ايوه انت جبت الصوره دي من وين
يوسف: اول شي ده اسمو خالد م اياد وبكون زوج يان
سمر: لالا مستحيل احتمال شبه
يوسف: ومتفق مع رهف بت عمك انو يوقعك وبعدين يبتزوني بيك عشان اتزوجها
سمر: يعني هو استغلاني وخلاني اتعلق بيه عشان
يوسف: ايوه وانتي غلطتي لما وثقتي ف زول م بتعرفيه والمهم هسي انك تكوني عرفتي غلطك وم تخافي انا معاك وم ف داعي ل البكاء وضماها عليه
سمر: بعد هدت بس انت عرفت من وين
يوسف: من يان وحكى ليها القصه كلها
سمر: معقوله رهف والحيوان ده يكون ب البشاعه دي
يوسف: ايوه الفتره دي عايزك تقعدي ف البيت لما خالد ده يتقبض عليه ولو ناس البيت سألوك قولي ليهم يوسف اخد لي اذن من الجامعه عشان ارتاح
سمر: طيب بس انت خلي بالك من نفسك
..
ف بيت يان خالد جا داخل زهجان
يان: اجهز ليك العشاء
خالد: م عايز
يان: مالك حبيبي متضايق ف شنو
خالد:  تعب الشغل بس داخل ارتاح انا
يان: طيب وانا داخله انوم دخلت غرفتها وفتحت اللابتوب
خالد فتح تلفونو لقى مكالمات كتيره من رهف رجع ليها
رهف: مالك م بترد وجيت الشقه لقيتكم م ف
خالد: يوسف جا واخد اختو نظام انتي م عارفه
رهف: كيف يعني وح اعرف من وين
خالد: كنتي عايزه توقعيني مع يوسف عشان تتخلصي مني
رهف: انت مجنون اتخلص منك ليه
خالد: م ف زول غيرك عارف
رهف: والله م انا كيف اوقعك مع يوسف عشان يقتلك وتخلى ليهو الساحه مع يان يعني فكر كويس قبل تتكلم
خالد: طيب لو م انتي ح يكون منو
رهف: م عارفه بس لازم نعرف
يان كانت مبسوطه من البتسمع فيه ده
...
بعد مرور فتره ف بيت يوسف سلمى تعبت وودوها المستشفى زمن ولادتها جا وكلهم اتحركو ع المستشفى يزن اتصل ع يان وكلمها كانت مبسوطه
يان: خالد سمر ح تجيب بيبي
خالد: ربنا يحلها ب السلامه
يان: ممكن نمشي ليهم
خالد: لا
يان: بس ده ولد اخوي عايزه اشوفو
خالد: قلت لا يعني لا
يان: خايف اني الاقي يوسف صح بس اتطمن انا شلتو من راسي زمان وحاليا انا معاك انت م هو
خالد: م عايزك تشوفيه انا
يان: قعدت جنبو ومسكتو من ايدو حبيبي بس نص ساعه اشوفو وابارك ل ياسر
خالد: اووف من نقتك طيب امشي اجهزي
يان: خمسه دقايق بس
جهزوا وطلعو ع المستشفى نزلها وقال ليها بخلص شغلي وبجي اسوقك
يان:ادخل سلم عليهم
خالد: ح اتأخر ع شغلي كده
يان: طيب بقلبها قول خايف تشوف سمر ويوسف
  اول م دخلت جرت ع ياسر حضنتو
يان: اتطمن ح تقوم ب السلامه حبيبي
ياسر: ان شاء الله ي رب
يزن: وانا م بسلمو علي
يان: وانا اقدر حضنتو عقبال عندك
يزن: امييييييين
يان: اتقل وبططل خفه
سلمت ع ابوها ولما جات تسلم ع امها اتلفتت منها يان حاولت م تركز
سمر اول م شافت يان حضنتها وهمست ليها شكرا ع اي حاجه
سمر: المهم انك كويسه وبس
يوسف كان بعاين ليها بس وفرحان بوجودها بس م بقدر يسلم عليها قدام اهلهم ، اهل يوسف م سلمو عليها ماخدين منها موقف بعد زمن جا الدكتور طالع وقال ليهم مبرووك بنوته زي القمر
ياسر: دموعو نزلت يعني انا بقيت اب خلاص وانتو جدو وحبوبه وانتي عمتو ويزن عمو
يان: حضنتو ايوه تتربى ف عزكم ان شاء الله
دخلو الغرفه باركو ل سلمى الا يان كانت واقفه برا بعد شويه ياسر جا شايل البنت
ياسر: م ح تسلمي ع يان الصغيره
يان: ح تسميها يان
ياسر: ايوه وانا عندي اعز منك اسمي عليه
يان: بكت وشالت البت وبقت تشاغل فيها شوفها حلوه كيف وبريئه جميله جمال م طبيعي ح اكلها انا
ياسر: هووي ي جعانه اديني بتي
يان: ابيييت بشيلها معاي
يوسف: هووي شنو استلمتو بت اختي انا كمان خالهاا ادوني ليها شويه
يزن: وانا عمها الصغير ادوني العب بيها
ياسر: م تتشاكلو ف بتي ي سناجل ادوني ليها
كانو واقفين وبضحكو كلهم جات رهف وامها شافتهم
رهف: مبروك وتتربى ف عزكم وعقبالك ي يوسف
يان عاينت ل يوسف نظام اهدأ
يوسف: ابتسم ليها اميين
خالد اتصل ل يان قال ليها انزلي انا تحت
يان: انا ح امشي بعد كده خالد منتظرني تحت م تنسى تبارك ل سلمى بدلي
ياسر: م يجي يسلم علينا
يان: مستعجل عندو شغل قال بجي عليكم المساء
ياسر: طيب خلي بالك من نفسك
يان: حاضر وانت خلي بالك من بتي دي باستها ونزلت ل خالد
خالد: اها جابت شنو
يان: بنوته زي القمر
خالد: مبرووك وربنا يحفظها
يان: الله يبارك فيك
خالد: عقبالنا
يان: ابتسمت ليه امين بالمناسبه كلهم سألو منك وقلت ليهم عندك شغل حاول لو لقيت وقت تزورهم
خالد: ان شاء الله
اتحركو ع البيت اول م وصلو يان قالت ليه تعبانه عايزه ارتاح
خالد: انا كمان راجع الشغل بحاول اجي بدري
طلع وهو سايق اتصلت ليه رهف
رهف: م شفتك ف المستشفى لقيت مرتك براها كانت مبسوطه ويوسف مبسوط
خالد: قصدك شنوو
رهف: ولا شي حبيت اغلس عليك
خالد: ي ريت تاني مره م تغلسي ب الطريقه دي باي
...
عدا الاسبوع وكانت سمايه سلمى والبيت مليان وكلهم متلمين
ياسر اتصل ع يان وين انتي
يان: اسفه م بقدر اجي تعبانه صحيت من النوم مصدعه وعندي هبوط شديد
ياسر: وم مشيتي الدكتور
يان: لالا ح اخد راحه وابقى احسن
ياسر: سلامتك وخلي بالك من نفسك تاني برجع اتصل ليك
يزن: خير يان كويسه
ياسر: قالت تعبانه وم بتقدر تجي
سمر: اها ح تسموها منوو
ياسر: يان
سلمى: لا ح اسميها ميار
ياسر: وانا قلت يان
سلمى: م بسمي ع واحده باعت اخوي وكانت سبب دخولو السجن
ياسر: وانا قلت ح اسميها ع اختي وده اخر كلام عندي لو عجبك ولا لا
يوسف: كيف تتكلمي مع راجلك كده م شايفه انو م اتربيتي ع كده
ياسر: م مشكله بس انا ده اخر قرار عندي
يزن: اهدأ ي ياسر خلاص الموضوع م مستاهل
يوسف زعل انهم كيف ظالمين يان كده وانو لازم يتحرك بعد كده ويخليهم يعرفو الحقيقه
المساء اتصل ع يان كانت جنب خالد رفضت المكالمه
خالد: ده منو المتصل
يان: ااا ده ياسر عايز يسألني ليه م جيت الليله والصراحه م عندي حجه المره دي
خالد: معليش حاولي القي عذر
يان: نشوف انا داخله انوم تصبح ع خير دخلت غرفتها ورجعت ل يوسف
يوسف: سمعت انك عيانه
يان:لالا بس كانت حجه عشان خالد م خلاني امشي
يوسف: اهاا وهو اخباروا معاك شنو
خالد: من بعد كلمتك ب مكان سمر وهو عايز يموت ويعرف العمل كده منو
يوسف: نهايتو قربت
يان: متين النهايه دي تجي
خالد فتح الباب انا ح اجيب النهايه دي هسي جراها من شعرها وبقت تصرخ فكني ي خالد والتلفون وقع من ايدها